ਕੀ ਹੋਵੇਗਾ ਪਾਕਿਸਤਾਨ ਤੇ ਨੇਪਾਲ ਦਾ?
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ( Coronavirus ) ਮਹਾਂਮਾਰੀ ਨਾਲ ਜੂਝ ਰਹੇ ਲੋਕਾਂ ਨੂੰ ਬਚਾਉਣ ਲਈ ਸਾਰੇ ਦੇਸ਼ ਟੀਕਾਕਰਨ ( Vaccination) ਪ੍ਰੋਗਰਾਮ ਚਲਾ ਰਹੇ ਹਨ। ਸੀਮਤ ਉਤਪਾਦਨ ਦੇ ਕਾਰਨ ਦੇਸ਼ਾਂ ਕੋਲ ਕੋਈ ਵਿਕਲਪ ਨਹੀਂ ਹੈ। ਇਹੀ ਕਾਰਨ ਹੈ ਕਿ ਬਹੁਤ ਸਾਰੇ ਦੇਸ਼ ਚੀਨ ਦੇ ਸਾਈਨੋਫਾਰਮ ( COVID-19 vaccine) ਟੀਕੇ 'ਤੇ ਭਰੋਸਾ ਕਰਕੇ ਮਹਾਂਮਾਰੀ ( Coronavirus ) ਨੂੰ ਦੂਰ ਕਰਨ ਦੇ ਸੁਪਨੇ ਦੇਖ ਰਹੇ ਹਨ। ਹਾਲਾਂਕਿ, ਹੁਣ ਉਨ੍ਹਾਂ ਨੂੰ ਚੀਨੀ ਟੀਕੇ 'ਤੇ ਭਰੋਸਾ ਕਰਨਾ ਮਹਿੰਗਾ ਪੈ ਰਿਹਾ ਹੈ।
Corona vaccine
ਚੀਨੀ ਟੀਕੇ ਦੀ ਵਰਤੋਂ ਸਾਡੇ ਗੁਆਂਢੀ ਦੇਸ਼ਾਂ ਪਾਕਿਸਤਾਨ ਅਤੇ ਨੇਪਾਲ ਵਿਚ ਕੀਤੀ ਜਾ ਰਹੀ ਹੈ। ਜਿਸ ਤੋਂ ਬਾਅਦ ਇਨ੍ਹਾਂ ਦੇਸ਼ਾਂ ਵਿਚ ਕੋਰੋਨਾ ਸੰਕਟ ਵਧਣ ਦਾ ਖ਼ਤਰਾ ਵੀ ਪੈਦਾ ਹੋ ਗਿਆ ਹੈ। ਦਿ ਨਿਊਯਾਰਕ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ, ਚੀਨ ਦੇ ਗੁਆਂਢੀ ਮੰਗੋਲੀਆ ਨੇ ਵਾਅਦਾ ਕੀਤਾ ਸੀ ਕਿ ਉਹ ਗਰਮੀਆਂ ਤੱਕ ਇੱਕ ਚੀਨੀ ਟੀਕੇ ਦੀ ਸਹਾਇਤਾ ਨਾਲ ਕੋਰੋਨਾ ਨੂੰ ਖਤਮ ਕਰ ਦੇਣਗੇ। ਬਹਿਰੀਨ ਨੇ ਇਸ ਟੀਕੇ ਦੀ ਵਰਤੋਂ ਕਰਦਿਆਂ ਕਿਹਾ ਸੀ ਕਿ ਜਲਦੀ ਹੀ ਜ਼ਿੰਦਗੀ ਵਾਪਸ ਆਮ ਵਾਂਗ ਲੀਹ ਤੇ ਆ ਜਾਵੇਗੀ।
Corona vaccine
ਇਨ੍ਹਾਂ ਦੇਸ਼ਾਂ ਨੇ ਆਸਾਨੀ ਨਾਲ ਉਪਲਬਧ ਚੀਨੀ ਟੀਕਿਆਂ 'ਤੇ ਭਰੋਸਾ ਕੀਤਾ ਪਰ, ਹੁਣ ਇਹ ਸਾਰੇ ਦੇਸ਼ਾਂ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲੇ ਘਟਣ ਦੀ ਬਜਾਏ ਵੱਧ ਰਹੇ ਹਨ। ਪਿਛਲੇ ਸਾਲ ਦੇ ਅੰਤ ਵਿੱਚ, ਚੀਨ ਨੇ ਟੀਕੇ ਕੂਟਨੀਤੀ ਦੀ ਸਹਾਇਤਾ ਨਾਲ ਵਿਸ਼ਵ ਭਰ ਦੇ ਦੇਸ਼ਾਂ ਨੂੰ ਆਪਣੇ ਝੰਡੇ ਹੇਠ ਲਿਆਉਣ ਦੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ। ਉਸਨੂੰ ਡਰ ਸੀ ਕਿ ਭਾਰਤ ਅਤੇ ਅਮਰੀਕਾ ਦੁਨੀਆਂ ਨੂੰ ਟੀਕੇ ਦੀ ਸਪਲਾਈ ਕਰਕੇ ਆਪਣੇ ਮੁਰੀਦ ਨਾ ਬਣਾ ਲੈਣ।
Corona Vaccine
ਹੁਣ ਕਈ ਦੇਸ਼ਾਂ ਦੇ ਅੰਕੜਿਆਂ ਤੋਂ ਪਤਾ ਚੱਲਿਆ ਹੈ ਕਿ ਚੀਨੀ ਟੀਕਾ ਕੋਰੋਨਾ ਦੀ ਲਾਗ ਨੂੰ ਰੋਕਣ ਲਈ ਕਾਰਗਰ ਸਿੱਧ ਨਹੀਂ ਹੋ ਰਿਹਾ ਹੈ। ਮਾਹਰਾਂ ਨੇ ਕਿਹਾ ਹੈ ਕਿ ਕਿਸੇ ਵੀ ਦੇਸ਼ ਵਿੱਚ ਕੋਰੋਨਾ ਦੇ ਕੇਸਾਂ ਦੀ ਘਟ ਰਹੀ ਗਿਣਤੀ ਇਸ ਗੱਲ ‘ਤੇ ਨਿਰਭਰ ਕਰਦੀ ਹੈ ਕਿ ਉਸ ਦੇਸ਼ ਵੱਲੋਂ ਆਪਣੇ ਨਾਗਰਿਕਾਂ ਨੂੰ ਕਿਸ ਤਰ੍ਹਾਂ ਦਾ ਟੀਕਾ ਲਗਾਇਆ ਜਾ ਰਿਹਾ ਹੈ।
Corona vaccine
ਡੇਟਾ ਟਰੈਕਿੰਗ ਪ੍ਰੋਜੈਕਟ ਅਵਰ ਵਰਲਡ ਇਨ ਡੇਟਾ ਦੇ ਅਨੁਸਾਰ, ਸੇਸ਼ੇਲਜ਼, ਚਿਲੀ, ਬਹਿਰੀਨ ਅਤੇ ਮੰਗੋਲੀਆ ਵਿੱਚ 50 ਤੋਂ 68 ਪ੍ਰਤੀਸ਼ਤ ਆਬਾਦੀ ਨੂੰ ਪੂਰੀ ਤਰਾਂ ਟੀਕਾ ਲਗਾਇਆ ਗਿਆ ਹੈ। ਪ੍ਰਤੀਸ਼ਤਤਾ ਵਿਚ ਇਹ ਅੰਕੜਾ ਅਮਰੀਕਾ ਵਿਚ ਸਾਰੇ ਲੋਕਾਂ ਨੂੰ ਦਿੱਤੀ ਗਈ ਵੈਕਸੀਨ ਨਾਲੋਂ ਜ਼ਿਆਦਾ ਹੈ। ਦਿ ਨਿਊਯਾਰਕ ਟਾਈਮਜ਼ ਦੇ ਅੰਕੜਿਆਂ ਅਨੁਸਾਰ, ਇਹ ਚਾਰ 10 ਦੇਸ਼ਾਂ ਵਿੱਚ ਸ਼ਾਮਲ ਹਨ ਜਿਨ੍ਹਾਂ ਨੂੰ ਪਿਛਲੇ ਹਫ਼ਤੇ ਸਭ ਤੋਂ ਜ਼ਿਆਦਾ ਕੋਰੋਨਾ ਪ੍ਰਕੋਪ ਝੱਲਣਾ ਪਿਆ। ਇਹ ਚਾਰੇ ਦੇਸ਼ ਜ਼ਿਆਦਾਤਰ ਸਿਨੋਫਾਰਮ ਅਤੇ ਸਿਨੋਵਾਕ ਬਾਇਓਟੈਕ ਦੁਆਰਾ ਬਣਾਏ ਗਏ ਦੋ ਚੀਨੀ ਟੀਕੇ ਸ਼ਾਟਸ ਦੀ ਵਰਤੋਂ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਭਾਰਤ ’ਚ ਕੋਰੋਨਾ ਲਾਗ ਦੇ ਮਾਮਲੇ ਤਿੰਨ ਕਰੋੜ ਤੋਂ ਪਾਰ, 54,069 ਨਵੇਂ ਮਾਮਲੇ
ਚਿਲੀ ਵਿੱਚ ਚੀਨ ਦੀ ਕੋਰੋਨਾਵੈਕ ਟੀਕਾ ਵਰਤਿਆ ਜਾ ਰਿਹਾ ਹੈ। ਇਹ ਚੀਨ ਦੀ ਪ੍ਰਮੁੱਖ ਫਾਰਮਾ ਕੰਪਨੀ ਸਿਨੋਵੈਕ ਦੁਆਰਾ ਬਣਾਈ ਗਈ ਹੈ। ਚਿਲੀ ਯੂਨੀਵਰਸਿਟੀ ਦੇ ਅਧਿਐਨ ਵਿਚ ਪਾਇਆ ਗਿਆ ਕਿ ਚੀਨੀ ਟੀਕੇ ਦੀ ਪਹਿਲੀ ਖੁਰਾਕ ਦੀ ਪ੍ਰਭਾਵਸ਼ੀਲਤਾ ਸਿਰਫ 3 ਪ੍ਰਤੀਸ਼ਤ ਹੈ। ਦੂਜੀ ਖੁਰਾਕ ਤੋਂ ਬਾਅਦ, ਇਸਦੀ ਪ੍ਰਭਾਵਸ਼ੀਲਤਾ ਲਗਭਗ 56 ਪ੍ਰਤੀਸ਼ਤ ਤੱਕ ਵੱਧ ਜਾਂਦੀ ਹੈ। ਬ੍ਰਾਜ਼ੀਲ ਵਿਚ ਇਕ ਹੋਰ ਅਧਿਐਨ ਵਿਚ ਪਾਇਆ ਗਿਆ ਕਿ ਇਕ ਚੀਨੀ ਟੀਕੇ ਦੀ ਪ੍ਰਭਾਵਸ਼ੀਲਤਾ ਸਿਰਫ 50 ਪ੍ਰਤੀਸ਼ਤ ਸੀ।
