Iraq
ਬਗਦਾਦ ਦੇ ਇਕ ਪਾਰਕ ਵਿਚ ਹੋਏ ਆਤਮਘਾਤੀ ਹਮਲੇ ਵਿਚ ਇਕ ਪੁਲਿਸ ਕਰਮੀ ਸਮੇਤ ਸੱਤ ਵਿਅਕਤੀਆਂ ਦੇ ਮਾਰੇ ਜਾਣ ਦੀ ..........
ਬਗਦਾਦ, 24 ਮਈ (ਏਜੰਸੀ): ਬਗਦਾਦ ਦੇ ਇਕ ਪਾਰਕ ਵਿਚ ਹੋਏ ਆਤਮਘਾਤੀ ਹਮਲੇ ਵਿਚ ਇਕ ਪੁਲਿਸ ਕਰਮੀ ਸਮੇਤ ਸੱਤ ਵਿਅਕਤੀਆਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ। ਇਰਾਕੀ ਸੁਰੱਖਿਆ ਅਧਿਕਾਰੀਆਂ ਨੇ ਦਸਿਆ ਕਿ ਹਮਲਾਵਰਾਂ ਬਾਰੇ ਏਜੰਸੀਆਂ ਨੂੰ ਪਤਾ ਲੱਗ ਗਿਆ ਸੀ ਪਰ ਉਸ ਤੋਂ ਪਹਿਲਾਂ ਕਿ ਉਨ੍ਹਾਂ ਨੂੰ ਰੋਕਿਆ ਜਾਂਦਾ ਉਹ ਪਾਰਕ ਦੇ ਵਿਚ ਵੜ ਗਏ ਅਤੇ ਉਨ੍ਹਾਂ ਨੇ ਧਮਾਕਾ ਕਰ ਕੇ ਅਪਣੇ ਆਪ ਨੂੰ ਉਡਾ ਲਿਆ ਜਿਸ ਨਾਲ ਇਕ ਪੁਲਿਸ ਕਰਮੀ ਤੇ ਛੇ ਆਮ ਲੋਕ ਮਾਰੇ ਗਏ।
Iraq blast ਇਹ ਪਾਰਕ ਸ਼ੀਆ ਬਹੁ ਗਿਣਤੀ ਖੇਤਰ ਵਿਚ ਹੈ ਤੇ ਹਮਲਾਵਰ ਸ਼ੀਆ ਮੁਸਲਮਾਨਾਂ ਨੂੰ ਹੀ ਨਿਸ਼ਾਨਾ ਬਣਾਉਣਾ ਚਾਹੁੰਦੇ ਸਨ। ਇਹ ਘਟਨਾ ਸਥਾਨ ਸ਼ੋਅਲਾ ਜ਼ਿਲ੍ਹੇ ਵਿਚ ਹੈ। ਇਸ ਹਮਲੇ ਵਿਚ 16 ਵਿਅਕਤੀਆਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ। ਜ਼ਿਰਕਯੋਗ ਹੈ ਕਿ 17 ਮਈ ਨੂੰ ਰਮਜ਼ਾਨ ਦਾ ਮਹੀਨਾ ਸ਼ੁਰੂ ਹੋਇਆ ਸੀ। ਇਸ ਮਹੀਨੇ ਵਿਚ ਅਕਸਰ ਮੁਸਲਿਮ ਕੱਟੜਵਾਦੀ ਹਮਲੇ ਰੋਕ ਦਿੰਦੇ ਹਨ ਪਰ ਇਹ ਰਮਜ਼ਾਨ ਮਹੀਨੇ ਦਾ ਪਹਿਲਾ ਹਮਲਾ ਸੀ।
