ਪਾਕਿਸਤਾਨ ਦੇ ਅਸ਼ਾਂਤ ਸੂਬੇ ਦੇ ਚਮਨ ਇਲਾਕੇ ਵਿਚ ਸਥਿਤ ਇਕ ਮਸਜਿਦ ਵਿਚ ਬੁੱਧਵਾਰ ਨੂੰ ਧਮਾਕਾ ਹੋਇਆ ਜਿਸ ਵਿਚ ਇਕ ਇਮਾਮ ਸਮੇਤ ਲਗਭੱਗ ਨੌਂ ਲੋਕ ਜ਼ਖਮੀ ਹੋ ਗਏ...
ਕਰਾਚੀ (ਭਾਸ਼ਾ) : ਪਾਕਿਸਤਾਨ ਦੇ ਅਸ਼ਾਂਤ ਸੂਬੇ ਦੇ ਚਮਨ ਇਲਾਕੇ ਵਿਚ ਸਥਿਤ ਇਕ ਮਸਜਿਦ ਵਿਚ ਬੁੱਧਵਾਰ ਨੂੰ ਧਮਾਕਾ ਹੋਇਆ ਜਿਸ ਵਿਚ ਇਕ ਇਮਾਮ ਸਮੇਤ ਲਗਭੱਗ ਨੌਂ ਲੋਕ ਜ਼ਖਮੀ ਹੋ ਗਏ। ਚਮਨ ਵਿਚ ਤਾਜ ਰੋਡ ਸਥਿਤ ਇਕ ਮਸਜਿਦ ਵਿਚ ਮਗਰੀਬ (ਸ਼ਾਮ) ਦੀ ਨਮਾਜ਼ ਦੇ ਸਮੇਂ ਇਹ ਧਮਾਕਾ ਹੋਇਆ। ਚਮਨ ਇਲਾਕੇ ਦੀ ਸਰਹਦ ਅਫਗਾਨਿਸਤਾਨ ਨਾਲ ਲਗਦੀ ਹੈ।
Blast at mosque in Balochistan
ਪਾਕਿਸਤਾਨ ਖਬਰਾਂ ਦੇ ਮੁਤਾਬਕ ਧਮਾਕੇ ਵਿਚ ਮਸਜਿਦ ਦੇ ਇਮਾਮ ਸਮੇਤ ਲਗਭੱਗ ਨੌਂ ਲੋਕ ਜ਼ਖਮੀ ਹੋਏ ਹਨ। ਇਸ ਧਮਾਕੇ ਨਾਲ ਪੂਰਾ ਇਲਾਕਾ ਹਿਲ ਗਿਆ।ਜ਼ਖਮੀਆਂ ਨੂੰ ਨਜ਼ਦੀਕੀ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ ਜਿੱਥੇ ਐਮਰਜੈਂਸੀ ਸਥਿਤੀ ਦਾ ਐਲਾਨ ਕਰ ਦਿਤਾ ਗਿਆ ਹੈ। ਟਵਿਟਰ ਉਤੇ ਸਾਂਝੀ ਕੀਤੀ ਗਈ ਇਕ ਵੀਡੀਓ ਵਿਚ ਧਮਾਕੇ ਦੀ ਵਜ੍ਹਾ ਨਾਲ ਮਸਜਿਦ ਨੂੰ ਹੋਇਆ ਨੁਕਸਾਨ ਦਿਖ ਰਿਹਾ ਹੈ।
Blast at mosque in Balochistan
ਅਧਿਕਾਰੀਆਂ ਨੇ ਘਟਨਾ ਵਾਲੀ ਥਾਂ ਦੀ ਘੇਰਾਬੰਦੀ ਕਰ ਦਿਤੀ ਹੈ। ਹੁਣ ਤੱਕ ਕਿਸੇ ਵੀ ਸਮੂਹ ਨੇ ਧਮਾਕੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ। ਸੁਰੱਖਿਆ ਬਲਾਂ ਨੇ ਬੁੱਧਵਾਰ ਨੂੰ ਈਦ ਮਿਲਾਦ - ਉਨ ਨਬੀ ਦੇ ਮੌਕੇ 'ਤੇ ਕਿਸੇ ਵੀ ਤਰਾਸਦੀ ਨੂੰ ਟਾਲਣ ਲਈ ਦੇਸ਼ ਵਿਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਹੋਏ ਹਨ।
