Jatinder Singh
ਪਟਿਆਲਾ ਦੇ ਜਤਿੰਦਰ ਸਿੰਘ ਨੇ ਵਧਾਇਆ ਪੰਜਾਬ ਦਾ ਮਾਣ
ਆਕਲੈਂਡ (ਹਰਜਿੰਦਰ ਸਿੰਘ ਬਸਿਆਲਾ) : ਆਸਟਰੇਲੀਆ ਵਸਦੇ ਜਤਿੰਦਰ ਸਿੰਘ ਜੋ ਪਟਿਆਲਾ ਤੋਂ 2008 ਵਿਚ ਨਿਊਜ਼ੀਲੈਂਡ ਆਏ ਸਨ, ਨੇ ਇਥੇ ਵੀ ਕਈ ਤਰ੍ਹਾਂ ਦੇ ਰਿਕਾਰਡ ਬਣਾ ਕੇ ਭਾਰਤੀ ਭਾਈਚਾਰੇ ਦਾ ਨਾਂਅ ਚਮਕਾਇਆ ਸੀ। ਉਨ੍ਹਾਂ ਹੁਣ ਆਸਟਰੇਲੀਆ ਵਿਚ ਵੀ ਅਪਣਾ ਇਹ ਸਫ਼ਰ ਜਾਰੀ ਰਖਿਆ ਹੋਇਆ ਹੈ। ਉਹ 2019 ਵਿਚ ਮੈਲਬੌਰਨ ਆਸਟਰੇਲੀਆ ਚਲੇ ਗਏ ਸਨ। ਆਸਟਰੇਲੀਅਨ ਸਰਕਾਰ ਦੇ ਮੈਰਿਜ ਲਾਅ ਅਤੇ ਸੈਲੀਬ੍ਰੰਟਸ ਸੈਕਸ਼ਨ ਨੇ ਉਨ੍ਹਾਂ ਦੀ ‘ਕਾਮਨਵੈਲਥ ਮੈਰਿਜ਼ ਸੈਲੀਬ੍ਰੰਟ ਰਜਿਟਰੇਸ਼ਨ’ ਕਰਦਿਆਂ ਖ਼ੁਸ਼ੀ ਜ਼ਾਹਰ ਕੀਤੀ ਹੈ। ਉਨ੍ਹਾਂ ਦੀ ਇਹ ਨਿਯੁਕਤੀ 10 ਮਾਰਚ 2023 ਤੋਂ ਸ਼ੁਰੂ ਹੋਈ ਹੈ ਤੇ ਉਨ੍ਹਾਂ ਨੂੰ ਰਜਿਸਟਰੇਸ਼ਨ ਨੰਬਰ ਅਲਾਟ ਕਰ ਦਿਤਾ ਗਿਆ ਹੈ।
