photo
ਅਧਿਕਾਰੀ ਕਰ ਰਹੇ ਜਾਂਚ
ਅਮਰੀਕਾ ਦੇ ਕੋਲੋਰਾਡੋ ਸੂਬੇ ਵਿੱਚ ਵੱਡਾ ਹਾਦਸਾ ਵਾਪਰ ਗਿਆ। ਇਥੇ ਦੋ ਛੋਟੇ ਜਹਾਜ਼ ਹਵਾ ਵਿੱਚ ਟਕਰਾ ਗਏ। ਇਸ ਹਾਦਸੇ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਬੋਲਡਰ ਕਾਉਂਟੀ ਸ਼ੈਰਿਫ ਦੇ ਦਫਤਰ ਦੇ ਅਨੁਸਾਰ, ਇਹ ਘਟਨਾ ਸ਼ਨੀਵਾਰ ਸਵੇਰੇ 8:54 ਵਜੇ ਸਥਾਨਕ ਸਮੇਂ 'ਤੇ ਵਾਪਰੀ। ਯੂਐਸ ਨੈਸ਼ਨਲ ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਇੱਕ ਟਵੀਟ ਵਿੱਚ ਪੁਸ਼ਟੀ ਕੀਤੀ ਕਿ ਉਹ ਟੱਕਰ ਦੀ ਜਾਂਚ ਕਰ ਰਹੇ ਹਨ।
ਸ਼ੈਰਿਫ ਦੇ ਦਫਤਰ ਨੇ ਇਕ ਬਿਆਨ ਵਿਚ ਕਿਹਾ, ''ਪਹਿਲਾ ਹਾਦਸਾਗ੍ਰਸਤ ਜਹਾਜ਼ ਨਿਵੋਟ ਰੋਡ ਦੇ ਦੱਖਣ ਵਿਚ 10,000 ਬਲਾਕ ਵਿਚ ਮਿਲਿਆ ਸੀ। ਇਸ ਸਮੇਂ ਜਹਾਜ਼ ਵਿਚ ਸਵਾਰ ਦੋ ਮੌਤਾਂ ਦੀ ਪੁਸ਼ਟੀ ਹੋਈ ਹੈ।” ਸ਼ੈਰਿਫ ਦੇ ਦਫਤਰ ਨੇ ਕਿਹਾ, “ਦੂਸਰਾ ਹਾਦਸਾਗ੍ਰਸਤ ਜਹਾਜ਼ ਉੱਤਰ ਵੱਲ ਨਿਵੋਟ ਰੋਡ ਦੇ 9,700 ਬਲਾਕ ਵਿਚ ਮਿਲਿਆ। ਜਹਾਜ਼ ਵਿੱਚ ਸਵਾਰ ਇੱਕ ਵਿਅਕਤੀ ਦੀ ਵੀ ਮੌਤ ਹੋ ਗਈ।” ਅਧਿਕਾਰੀਆਂ ਨੇ ਦੱਸਿਆ ਕਿ ਘਟਨਾ ਦੀ ਜਾਂਚ ਅਜੇ ਜਾਰੀ ਹੈ।
