ਕੁਲਬੀਰ ਨੇ ਹਰੀਸ਼ ਨੂੰ 13 ਲੱਖ ਰੁਪਏ ਅਤੇ ਪਾਸਪੋਰਟ ਦੇ ਦਿੱਤਾ ਅਤੇ ਠੱਗੀ ਦਾ ਸ਼ਿਕਾਰ ਹੋ ਗਿਆ।
ਚੰਡੀਗੜ੍ਹ - ਅਮਰੀਕਾ ਵਿਚ ਇੱਕ ਠੱਗ ਨੇ ਸੁਖਨਾ ਇਨਕਲੇਵ ਦੇ ਕੁਲਬੀਰ ਸਿੰਘ ਨਾਲ 8 ਘੰਟਿਆਂ ਵਿਚ 5 ਲੱਖ ਰੁਪਏ ਕਮਾਉਣ ਦੇ ਬਹਾਨੇ 13 ਲੱਖ ਰੁਪਏ ਦੀ ਠੱਗੀ ਮਾਰੀ। ਕੁਲਬੀਰ ਦੀ ਸ਼ਿਕਾਇਤ ’ਤੇ ਕੈਂਬਵਾਲਾ ਦੇ ਹਰੀਸ਼ ਖ਼ਿਲਾਫ਼ ਸੈਕਟਰ-3 ਥਾਣੇ ਵਿਚ ਧੋਖਾਧੜੀ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਮੁਲਜ਼ਮ ਨੇ ਝਾਂਸਾ ਦਿੱਤਾ ਕਿ ਅਮਰੀਕਾ ਜਾਣ ਵਾਲੀ ਫਲਾਈਟ ਬੈਂਕਾਕ ਤੋਂ ਮਿਲੇਗੀ।
ਕਰੀਬ ਇੱਕ ਹਫ਼ਤਾ ਬੈਂਕਾਕ ਵਿਚ ਰਹਿਣ ਤੋਂ ਬਾਅਦ ਕੁਲਬੀਰ ਕੋਲ ਪੈਸੇ ਖ਼ਤਮ ਹੋ ਗਏ। ਆਖਰਕਾਰ ਉਸ ਨੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲ ਕੀਤੀ, ਜਿਨ੍ਹਾਂ ਨੇ ਵਾਪਸੀ ਦੀ ਉਡਾਣ ਦਾ ਪ੍ਰਬੰਧ ਕੀਤਾ। ਸ਼ਿਕਾਇਤ ਵਿਚ ਕੁਲਬੀਰ ਨੇ ਦੱਸਿਆ ਕਿ ਉਸ ਦੀ ਮਾਸੀ ਦਾ ਲੜਕਾ ਕੈਂਬਵਾਲਾ ਵਿਚ ਰਹਿੰਦਾ ਹੈ, ਜਿੱਥੇ ਉਸ ਦੀ ਵੀ ਦੁਕਾਨ ਹੈ। ਹਰੀਸ਼ ਦੁਕਾਨ 'ਤੇ ਆਉਂਦਾ ਸੀ, ਜੋ ਲੋਕਾਂ ਨੂੰ ਵਿਦੇਸ਼ ਭੇਜਣ ਦਾ ਕੰਮ ਕਰਦਾ ਹੈ। ਹਰੀਸ਼ ਨੇ ਕਿਹਾ ਕਿ ਉਹ ਅਮਰੀਕਾ ਭੇਜੇਗਾ, ਉਥੇ 8 ਘੰਟੇ ਕੰਮ ਕਰਨ ਦੇ 5 ਲੱਖ ਮਿਲਦੇ ਹਨ। ਕੁਲਬੀਰ ਨੇ ਹਰੀਸ਼ ਨੂੰ 13 ਲੱਖ ਰੁਪਏ ਅਤੇ ਪਾਸਪੋਰਟ ਦੇ ਦਿੱਤਾ ਅਤੇ ਠੱਗੀ ਦਾ ਸ਼ਿਕਾਰ ਹੋ ਗਿਆ।
