ਆਇਰਲੈਂਡ ਵਿਚ ਇਸ ਸਾਲ ਦੀ ਸ਼ੁਰੂਆਤ ਵਿਚ ਹੋਏ ਇਕ ਇਤਿਹਾਸਿਕ ਜਨਮਤ ਸੰਗ੍ਰਿਹ ਤੋਂ ਬਾਅਦ ਦੇਸ਼ ਦੀ ਸੰਸਦ ਨੇ ਵੀਰਵਾਰ ਨੂੰ ਇਕ ਬਿੱਲ ਪਾਸ ਕਰਕੇ ਪਹਿਲੀ ਵਾਰ ....
ਡਬਲਿਨ (ਭਾਸ਼ਾ) : ਆਇਰਲੈਂਡ ਵਿਚ ਇਸ ਸਾਲ ਦੀ ਸ਼ੁਰੂਆਤ ਵਿਚ ਹੋਏ ਇਕ ਇਤਿਹਾਸਿਕ ਜਨਮਤ ਸੰਗ੍ਰਿਹ ਤੋਂ ਬਾਅਦ ਦੇਸ਼ ਦੀ ਸੰਸਦ ਨੇ ਵੀਰਵਾਰ ਨੂੰ ਇਕ ਬਿੱਲ ਪਾਸ ਕਰਕੇ ਪਹਿਲੀ ਵਾਰ ਗਰਭਪਾਤ ਦੀ ਆਗਿਆ ਦੇ ਦਿਤੀ।
PM Leo Varadkar
ਆਇਰਿਸ਼ ਪ੍ਰਧਾਨ ਮੰਤਰੀ ਲੀਓ ਵਰਾਡਕਰ ਨੇ ਇਸ ਨੂੰ ‘‘ਇਤਿਹਾਸਿਕ ਪਲ’’ ਕਰਾਰ ਦਿੰਦੇ ਹੋਏ ਇਸ ਕਦਮ ਦੀ ਪ੍ਰਸ਼ੰਸਾ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਸਵਿਤਾ ਹਲਪਨਵਾਰ ਭਾਰਤੀ ਦੰਦਾਂ ਦੀ ਡਾਕਟਰ ਸੀ, ਜਿਨ੍ਹਾਂ ਦੀ 31 ਸਾਲ ਦੀ ਉਮਰ ਵਿਚ 2012 ਵਿਚ ਮੌਤ ਹੋ ਗਈ ਸੀ, ਕਿਉਂਕਿ ਡਾਕਟਰਾਂ ਨੇ ਗਰਭਪਾਤ ਕਰਨ ਤੋਂ ਮਨ੍ਹਾ ਕਰ ਦਿਤਾ ਸੀ।
Baby
ਇਸ ਮੌਤ ਦੀ ਵਜ੍ਹਾ ਨਾਲ ਆਇਰਲੈਂਡ ਵਿਚ ਇਕ ਅੰਦੋਲਨ ਖੜਾ ਹੋ ਗਿਆ ਜਿਸ ਤੋਂ ਬਾਅਦ ਲੋਕਮੱਤ ਕਰਾਇਆ ਗਿਆ ਅਤੇ ਹੁਣ ਦੇਸ਼ ਦੀ ਸੰਸਦ ਨੇ ਕਨੂੰਨ ਵਿਚ ਬਦਲਾਅ ਲਈ ਇਕ ਬਿੱਲ ਨੂੰ ਪਾਸ ਕਰਕੇ ਗਰਭਪਾਤ ਦੀ ਆਗਿਆ ਦਿਤੀ ਹੈ। ਨਵੇਂ ਕਨੂੰਨ ਦੇ ਮੁਤਾਬਕ 12 ਹਫ਼ਤੇ ਤੱਕ ਦੇ ਕੁੱਖ ਨੂੰ ਖ਼ਤਮ ਕਰਨ ਦੀ ਆਗਿਆ ਦਿਤੀ ਗਈ ਹੈ, ਜਾਂ ਅਜਿਹੀ ਹਾਲਤ ਜਿਸ ਵਿਚ ਗਰਭਵਤੀ ਮਹਿਲਾ ਦੀ ਜਾਨ ਨੂੰ ਖ਼ਤਰਾ ਜਾਂ ਉਸ ਦੀ ਸਿਹਤ ਨੂੰ ਗੰਭੀਰ ਨੁਕਸਾਨ ਹੁੰਦਾ ਹੈ ਤਾਂ ਉਸ ਹਾਲਤ ਵਿਚ ਮਹਿਲਾ ਨੂੰ ਗਰਭਪਾਤ ਕਰਾਉਣ ਦੀ ਆਗਿਆ ਹੋਵੇਗੀ।
Savita
ਇਹ ਗ਼ੈਰ-ਮਾਮੂਲੀ ਭਰੂਣ ਨੂੰ ਖਤਮ ਕਰਨ ਦੀ ਆਗਿਆ ਵੀ ਦੇਵੇਗਾ ਜੋ ਜਨਮ ਦੇ 28 ਦਿਨਾਂ ਦੇ ਅੰਦਰ ਜਾਂ ਉਸ ਤੋਂ ਵੀ ਪਹਿਲਾਂ ਬੱਚੇ ਦੀ ਮੌਤ ਦਾ ਕਾਰਨ ਬਣ ਸਕਦਾ ਹੈ। ਮਈ ਵਿਚ ਹੋਏ ਲੋਕਮੱਤ ਵਿਚ 66 ਫ਼ੀ ਸਦੀ ਲੋਕਾਂ ਨੇ ਗਰਭਪਾਤ 'ਤੇ ਸੰਵਿਧਾਨਕ ਰੋਕ ਨੂੰ ਖਤਮ ਕਰਨ ਦੇ ਪੱਖ ਵਿਚ ਵੋਟ ਦਿਤਾ ਸੀ, ਜਿਸ ਦਾ ਪ੍ਰਧਾਨ ਮੰਤਰੀ ਵਰਾਡਕਰ ਨੇ ਸਮਰਥਨ ਕੀਤਾ ਸੀ। ਵਰਾਡਕਰ ਨੇ ਕਿਹਾ ਕਿ ‘‘ਆਇਰਿਸ਼ ਔਰਤਾਂ ਲਈ ਇਤਿਹਾਸਿਕ ਪਲ''. ਇਸ ਦਾ ਸਮਰਥਨ ਕਰਨ ਵਾਲੇ ਸਾਰੇ ਲੋਕਾਂ ਨੂੰ ਧੰਨਵਾਦ। 1980 ਤੋਂ ਹੁਣ ਤੱਕ ਕਰੀਬ 170,000 ਆਇਰਿਸ਼ ਔਰਤਾਂ ਨੂੰ ਗਰਭਪਾਤ ਕਰਾਉਣ ਲਈ ਗੁਆਂਢੀ ਦੇਸ਼ ਬ੍ਰਿਟੇਨ ਜਾਣਾ ਪਿਆ ਹੈ।
