ਇਰਾਕ ਵਿਚ ਕੈਦ ਇਸਲਾਮਿਕ ਸਟੇਟ (ਆਈਐਸ) ਦੇ 21 ਅਤਿਵਾਦੀ ਜੇਲ੍ਹ ਤੋੜ ਕੇ ਭੱਜ ਗਏ। ਸੁਰੱਖਿਆ ਬਲਾਂ ਨੇ ਇਹਨਾਂ...
ਬਗਦਾਦ (ਭਾਸ਼ਾ) : ਇਰਾਕ ਵਿਚ ਕੈਦ ਇਸਲਾਮਿਕ ਸਟੇਟ (ਆਈਐਸ) ਦੇ 21 ਅਤਿਵਾਦੀ ਜੇਲ੍ਹ ਤੋੜ ਕੇ ਭੱਜ ਗਏ। ਸੁਰੱਖਿਆ ਬਲਾਂ ਨੇ ਇਹਨਾਂ ਵਿਚੋਂ 15 ਨੂੰ ਦਬੋਚ ਲਿਆ ਹੈ। ਬਾਕੀ 6 ਦੀ ਭਾਲ ਜਾਰੀ ਹੈ। ਅਤਿਵਾਦੀ ਜੇਲ੍ਹ ਤੋੜਨ ਵਿਚ ਕਿਵੇਂ ਕਾਮਯਾਬ ਹੋਏ, ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਕੁਰਦਿਸ਼ ਸੁਰੱਖਿਆ ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਦੱਸਿਆ ਕਿ ਉੱਤਰੀ ਇਰਾਕ ਦੇ ਸੈਮੀ-ਆਟੋਨੋਮਸ ਖੇਤਰ ਕੁਰਦਿਸ਼ ਦੇ ਸੁਲੇਮਾਨੀਆ ਸ਼ਹਿਰ ਦੇ ਨੇੜੇ ਸਥਿਤ ਸੋਸਾ ਜੇਲ੍ਹ ਵਿਚ ਆਈਐਸ ਦੇ ਇਹ ਅਤਿਵਾਦੀ ਕੈਦ ਸਨ।
Iraq Jailਬੁੱਧਵਾਰ ਦੇਰ ਰਾਤ ਆਈਐਸ ਦੇ ਅਤਿਵਾਦੀ ਜੇਲ੍ਹ ਤੋੜ ਕੇ ਭੱਜ ਗਏ। ਇਸ ਘਟਨਾ ਤੋਂ ਬਾਅਦ ਸੁਰੱਖਿਆ ਬਲ ਤੁਰਤ ਹਰਕਤ ਵਿਚ ਆ ਗਏ। ਸੁਰੱਖਿਆ ਬਲਾਂ ਨੇ ਫ਼ਰਾਰ ਅਤਿਵਾਦੀਆਂ ਵਿਚੋਂ ਛੇ ਨੂੰ ਛੱਡ ਕੇ ਬਾਕੀ ਸਾਰਿਆਂ ਨੂੰ ਕਾਬੂ ਕਰ ਲਿਆ ਹੈ। ਬਾਕੀ ਫ਼ਰਾਰ ਅਤਿਵਾਦੀਆਂ ਦੀ ਵੀ ਭਾਲ ਕੀਤੀ ਜਾ ਰਹੀ ਹੈ। ਅਤਿਵਾਦੀਆਂ ਨੂੰ ਸੁਰੱਖਿਆ ਬਲਾਂ ਨੇ ਆਈਐਸ ਦੇ ਖਿਲਾਫ਼ ਕੀਤੀ ਗਈ ਕਾਰਵਾਈ ਦੇ ਦੌਰਾਨ ਫੜਿਆ ਸੀ।
Iraq Security Forceਸੋਸਾ ਜੇਲ੍ਹ ਨੂੰ ਇਰਾਕ ਵਿਚ ਸਭ ਤੋਂ ਸੁਰੱਖਿਅਤ ਜੇਲ੍ਹਾਂ ਵਿਚੋਂ ਇਕ ਮੰਨਿਆ ਜਾਂਦਾ ਹੈ। ਸਾਲ 2014 ਤੋਂ ਸੁਰੱਖਿਆ ਬਲਾਂ ਅਤੇ ਆਈਐਸ ਦੇ ਵਿਚ ਸੰਘਰਸ਼ ਜਾਰੀ ਹੈ। ਇਕ ਸਮਾਂ ਆਈਐਸ ਦਾ ਇਕ ਤਿਹਾਈ ਇਰਾਕੀ ਖੇਤਰ ਉਤੇ ਕਬਜ਼ਾ ਸੀ ।
