ਅਮਰੀਕਾ ਨੇ ਰੂਸ ਦੇ ਵਿਰੁੱਧ ਯੂਕਰੇਨ ਦੇ ਪ੍ਰਤੀ ਸਮਰਥਨ ਵਿਖਾਉਣ ਲਈ ਇਕ ਨਿਗਰਾਨੀ ਜਹਾਜ਼ ਕੀਵ ਭੇਜਿਆ ਹੈ। ਅਮਰੀਕਾ ਨੇ ਇਹ ਕਦਮ ਹਾਲ ਹੀ ਵਿਚ ਅਜੋਵ ਸਾਗਰ ...
ਵਾਸ਼ਿੰਗਟਨ (ਭਾਸ਼ਾ) :- ਅਮਰੀਕਾ ਨੇ ਰੂਸ ਦੇ ਵਿਰੁੱਧ ਯੂਕਰੇਨ ਦੇ ਪ੍ਰਤੀ ਸਮਰਥਨ ਵਿਖਾਉਣ ਲਈ ਇਕ ਨਿਗਰਾਨੀ ਜਹਾਜ਼ ਕੀਵ ਭੇਜਿਆ ਹੈ। ਅਮਰੀਕਾ ਨੇ ਇਹ ਕਦਮ ਹਾਲ ਹੀ ਵਿਚ ਅਜੋਵ ਸਾਗਰ ਵਿਚ ਰੂਸ ਤੋਂ ਯੂਕਰੇਨ ਦੇ ਤਿੰਨ ਨੇਵੀ ਜਹਾਜ਼ਾਂ 'ਤੇ ਕਬਜ਼ਾ ਅਤੇ 24 ਮਲਾਹਾਂ ਨੂੰ ਹਿਰਾਸਤ ਵਿਚ ਲੈਣ ਤੋਂ ਬਾਅਦ ਚੁੱਕਿਆ ਹੈ। ਅਮਰੀਕੀ ਅਧਿਕਾਰੀਆਂ ਨੇ ਇਸ ਗੱਲ ਦੀ ਜਾਣਕਾਰੀ ਦਿਤੀ ਹੈ। ਪਿਛਲੇ ਮਹੀਨੇ 25 ਨਵੰਬਰ ਨੂੰ ਹੋਈ ਇਸ ਘਟਨਾ ਦੇ ਚਲਦੇ 2014 ਵਿਚ ਸ਼ੁਰੂ ਹੋਏ ਕਰੀਮੀਆ ਸੰਕਟ ਤੋਂ ਬਾਅਦ ਪਹਿਲੀ ਵਾਰ ਰੂਸ ਅਤੇ ਯੂਕਰੇਨ ਆਮਨੇ - ਸਾਹਮਣੇ ਆ ਗਏ ਸਨ।
Aircraft
ਪੈਂਟਾਗਨ ਵਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਅਮਰੀਕਾ ਅਤੇ ਉਸ ਦੇ ਸਾਥੀਆਂ ਦੇ ਇਕ ਜਹਾਜ਼ ਨੇ ਅੱਜ ਅਜ਼ਾਦ ਅਕਾਸ਼ ਸੰਧੀ (ਓਪਨ ਸਕਾਈਜ਼ ਟਰੀਟੀ) ਦੇ ਤਹਿਤ ਇਕ ਅਸਾਧਾਰਨ ਉਡ਼ਾਨ ਭਰੀ, ਜਿਸ ਦਾ ਮਕਸਦ ਯੂਕਰੇਨ ਅਤੇ ਦੂਜੇ ਸਾਥੀ ਦੇਸ਼ਾਂ ਤੋਂ ਕੀਤੇ ਗਏ ਵਚਨਾਂ ਨੂੰ ਨਿਭਾਉਣਾ ਸੀ। ਇਸ ਨੇ ਕਿਹਾ ਕਿ ਯੂਕਰੇਨ ਦੀ ਫੌਜ ਨੇ ਇਸ ਉਡ਼ਾਨ ਲਈ ਬੇਨਤੀ ਕੀਤੀ ਸੀ ਜਿਸ ਦੇ ਲਈ ਓਸੀ - 135 ਜਹਾਜ਼ ਭੇਜਿਆ ਗਿਆ।
ਅਮਰੀਕਾ, ਕੇਨੇਡਾ, ਜਰਮਨੀ, ਫ਼ਰਾਂਸ, ਬ੍ਰਿਟੇਨ, ਰੋਮਾਨੀਆ ਅਤੇ ਯੂਕਰੇਨ ਇਸ ਦੀ ਨਿਗਰਾਨੀ ਕਰ ਰਹੇ ਸਨ। ਪੈਂਟਾਗਨ ਨੇ ਕਿਹਾ ਹੈ ਕਿ ਕਾਲ਼ਾ ਸਾਗਰ ਵਿਚ ਕਰਚ ਸਟਰੇਟ ਦੇ ਨਜ਼ਦੀਕ ਰੂਸ ਦਾ ਯੂਕਰੇਨੀ ਜਹਾਜ਼ 'ਤੇ ਬੇਵਜ੍ਹਾ ਹਮਲਾ ਉਕਸਾਵੇ ਨੂੰ ਬੜ੍ਹਾਵਾ ਦੇਣ ਵਾਲੀ ਗਤੀਵਿਧੀ ਹੈ।
