ਵਾਇਰਸ ਵਿਰੋਧੀ ਨਵੀਂ ਗੋਲੀ 89% ਤਕ ਕੋਰੋਨਾ ਮਰੀਜ਼ਾਂ ਨੂੰ ਹਸਪਤਾਲ ਤੋਂ ਬਚਾਏਗੀ

ਆਕਲੈਂਡ (ਹਰਜਿੰਦਰ ਸਿੰਘ ਬਸਿਆਲਾ) : ਫ਼ਾਈਜ਼ਰ ਕੰਪਨੀ ਨੇ ਕੋਰੋਨਾ ਰੋਕਥਾਮ ਦੀ ਸਮੁੱਚੀ ਖੇਡ ਬਦਲਣ ਵਾਲੀ ਇਕ ਨਵੀਂ ਵਾਇਰਸ ਵਿਰੋਧੀ ਗੋਲੀ ਤਿਆਰ ਕਰ ਲਈ ਹੈ। ਇਹ ਗੋਲੀ ਸਹੀ ਕੰਮ ਕਰੇਗੀ ਜਾਂ ਨਹੀਂ? ਅੰਤਰਰਾਸ਼ਟਰੀ ਪੱਧਰ ਦੀਆਂ ਜਾਂਚ ਏਜੰਸੀਆਂ ਇਸ ਉਤੇ ਅਪਣੀ ਆਖ਼ਰੀ ਮੋਹਰ ਲਗਾਉਣ ਦੀ ਕਾਰਵਾਈ ਵਿਚ ਹਨ। ਪਰ ਕੰਪਨੀ ਨੇ ਕਿਹਾ ਹੈ ਕਿ 89% ਤਕ ਕੋਰੋਨਾ ਮਰੀਜ਼ ਇਹ ਗੋਲੀ ਖਾਣ ਬਾਅਦ ਹਸਪਤਾਲ ਜਾਣ ਤੋਂ ਅਤੇ ਮੌਤ ਤੋਂ ਬਚ ਸਕਦੇ ਹਨ।

Coronavirus

ਬਾਲਗ਼ਾਂ ਲਈ ਇਹ ਗੋਲੀ ਬਹੁਤ ਅਸਰਦਾਰ ਸਾਬਿਤ ਹੋ ਸਕਦੀ ਹੈ। ਇਸ ਵੇਲੇ ਕੋਰੋਨਾ ਦਾ ਜਿੰਨਾ ਵੀ ਇਲਾਜ ਹੋ ਰਿਹਾ ਹੈ ਉਹ ਆਈ. ਵੀ. (1ਐਨ ਇੰਟਰਾਵੈਨਸ (9ਵੀ)) ਜਾਂ ਇੰਜੈਕਸ਼ਨ ਰਾਹੀਂ ਹੋ ਰਿਹਾ ਸੀ ਅਤੇ ਹੁਣ ਬਿਨਾਂ ਕਿਸੀ ਸੂਈ ਦੀ ਵਰਤੋਂ ਲਈ ਸਾਧਾਰਣ ਗੋਲੀ ਬਣਾਈ ਜਾ ਰਹੀ ਹੈ।

xPfizer’s coronavirus vaccine is more than 90 percent effective in first analysis

 ਇਹ ਗੋਲੀ ਮਰਕ ਕੰਪਨੀ ਅਤੇ ਫ਼ਾਈਜ਼ਰ ਕੰਪਨੀ ਬਣਾ ਰਹੀ ਹੈ। ਇੰਗਲੈਂਡ ਨੇ ਇਸ ਕਰੋਨਾ ਗੋਲੀ ਨੂੰ ਮੰਜ਼ੂਰੀ ਦੇ ਦਿਤੀ ਹੈ ਅਤੇ ਕੈਨੇਡਾ ਸਰਕਾਰ ਵੀ ਇਸ ਦੀ ਮੰਜ਼ੂਰੀ ਲਈ ਅਪਣੀ ਜਾਂਚ-ਪੜਤਾਲ ਕਰ ਰਹੀ ਹੈ। ਫੂਡ ਐਂਡ ਡਰੱਗ ਅਤੇ ਅੰਤਰਰਾਸ਼ਟਰੀ ਕਾਨੂੰਨੀ ਮਾਨਤਾ ਇਸ ਗੋਲੀ ਉਤੇ ਅਪਣਾ ਪ੍ਰਤੀਕਰਮ ਜਲਦੀ ਦੇ ਸਕਦੇ ਹਨ। ਨਿਊਜ਼ੀਲੈਂਡ ਦੇ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 206 ਹੋਰ ਨਵੇਂ ਕਰੋਨਾ ਕੇਸ ਆ ਗਏ ਹਨ, ਜੋ ਕਿ ਇਕ ਹੋਰ ਰਿਕਾਰਡ ਹੈ। 200 ਕੇਸ ਔਕਲੈਂਡ ਖੇਤਰ ਨਾਲ ਸਬੰਧਤ ਹਨ ਅਤੇ 4 ਕੇਸ ਵਾਇਕਾਟੋ ਦੇ ਹਨ ਦੇ ਦੋ ਨੌਰਥਲੈਂਡ ਦੇ ਹਨ।