Driver beaten
ਮੰਗਲਵਾਰ ਸਵੇਰ ਸਮੇਂ ਮੈਲਬੋਰਨ ਦੇ ਪਛਮੀ ਇਲਾਕੇ ਕਿੰਗਜ਼ ਪਾਰਕ 'ਚ ਦਿਲਜੀਤ ਸਿੰਘ ਅਟਵਾਲ ਨਾਮੀ ਪੰਜਾਬੀ ਟੈਕਸੀ ਚਾਲਕ ਉੱਤੇ ਸਵਾਰੀ ਨੇ ਉਸ ਸਮੇਂ ਹਮਲਾ ਕਰ ਦਿਤਾ ਜਦੋਂ....
ਮੈਲਬੋਰਨ, 19 ਜੁਲਾਈ (ਪਰਮਵੀਰ ਸਿੰਘ ਆਹਲੂਵਾਲੀਆ) : ਮੰਗਲਵਾਰ ਸਵੇਰ ਸਮੇਂ ਮੈਲਬੋਰਨ ਦੇ ਪਛਮੀ ਇਲਾਕੇ ਕਿੰਗਜ਼ ਪਾਰਕ 'ਚ ਦਿਲਜੀਤ ਸਿੰਘ ਅਟਵਾਲ ਨਾਮੀ ਪੰਜਾਬੀ ਟੈਕਸੀ ਚਾਲਕ ਉੱਤੇ ਸਵਾਰੀ ਨੇ ਉਸ ਸਮੇਂ ਹਮਲਾ ਕਰ ਦਿਤਾ ਜਦੋਂ ਉਸ ਨੇ ਸਵਾਰੀ ਤੋਂ ਸਫ਼ਰ ਸ਼ੁਰੂ ਹੋਣ ਤੋਂ ਪਹਿਲਾਂ ਕਿਰਾਇਆ ਮੰਗਿਆ। ਇਸ ਹਮਲੇ ਦੌਰਾਨ ਦਿਲਜੀਤ ਸਿੰਘ ਦੇ ਚਾਰ ਦੰਦ ਟੁੱਟ ਗਏ ਅਤੇ ਉਸ ਦੇ ਮੂੰਹ ਉੱਤੇ ਵੀ ਗੰਭੀਰ ਸੱਟਾਂ ਲੱਗੀਆਂ।
ਜ਼ਿਕਰਯੋਗ ਹੈ ਕਿ ਟੈਕਸੀ ਨਿਯਮਾਂ ਮੁਤਾਬਕ ਸਵੇਰੇ ਦੇ ਸਮੇਂ ਸਫ਼ਰ ਸ਼ੁਰੂ ਹੋਣ ਤੋਂ ਪਹਿਲਾਂ ਸਵਾਰੀ ਕੋਲਂੋ ਪੈਸੇ ਲੈਣ ਦਾ ਟੈਕਸੀ ਚਾਲਕ ਕੋਲ ਪੂਰਾ ਅਧਿਕਾਰ ਹੁੰਦਾ ਹੈ। ਇਸ ਸਾਰੇ ਘਟਨਾਕ੍ਰਮ ਦੀ ਸਮੁੱਚੇ ਆਸਟ੍ਰੇਲੀਆ 'ਚ ਵੱਸਦੇ ਭਾਰਤੀ ਭਾਈਚਾਰੇ ਵਲੋਂ ਸਖ਼ਤ ਨਿਖੇਧੀ ਕੀਤੀ ਜਾ ਰਹੀ ਹੈ। ਪੁਲਿਸ ਵਲੋਂ ਦੋਸ਼ੀਆਂ ਦੀ ਭਾਲ ਜਾਰੀ ਹੈ।
