ਅਮਰੀਕਾ ਦੀ ਸਮੂਹ ਜਾਂਚ ਏਜੰਸੀ (ਐਫਬੀਆਈ) ਨੇ ਕੈਲੀਫਾਰਨੀਆ ਦੇ ਅਰਬਪਤੀ ਟਾਮ ਸਟੇਇਰ ਨੂੰ ਭੇਜਿਆ ਜਾ ਰਿਹਾ ਇਕ ਹੋਰ ਲੈਟਰ ਬੰਬ ਬਰਾਮਦ ਕੀਤਾ ਹੈ। ...
ਸੈਨ ਫ੍ਰਾਂਸਿਸਕੋ : (ਭਾਸ਼ਾ) ਅਮਰੀਕਾ ਦੀ ਸਮੂਹ ਜਾਂਚ ਏਜੰਸੀ (ਐਫਬੀਆਈ) ਨੇ ਕੈਲੀਫਾਰਨੀਆ ਦੇ ਅਰਬਪਤੀ ਟਾਮ ਸਟੇਇਰ ਨੂੰ ਭੇਜਿਆ ਜਾ ਰਿਹਾ ਇਕ ਹੋਰ ਲੈਟਰ ਬੰਬ ਬਰਾਮਦ ਕੀਤਾ ਹੈ। ਐਫਬੀਆਈ ਨੇ ਦੱਸਿਆ ਕਿ ਸੈਨ ਮੈਟਯੋ ਕਾਉਂਟੀ ਦੇ ਬਰਲਿਨਗਮ ਵਿਚ ਇਕ ਡਾਕਖ਼ਾਨੇ ਵਿਚ ਇਹ ਬੰਬ ਮਿਲਿਆ ਹੈ। 26 ਅਕਤੂਬਰ ਨੂੰ ਇਸ ਡਾਕਖ਼ਾਨਾ ਤੋਂ ਸਟੇਇਰ ਨੂੰ ਭੇਜਿਆ ਜਾ ਰਿਹਾ ਇਕ ਹੋਰ ਲੈਟਰ ਬੰਬ ਬਰਾਮਦ ਹੋਇਆ ਸੀ। ਸਟੇਇਰ ਇਕ ਹੇਜ਼ ਫੰਡ ਮੈਨੇਜਰ ਹਨ। ਉਹ ਇਸ ਸਮੇਂ ਦੋ ਸਮੂਹ ਸੰਚਾਲਿਤ ਕਰ ਰਹੇ ਹਨ।
ਨੈਕਸਟਜੈਨ ਅਮਰੀਕਾ ਨਾਮ ਦਾ ਸਮੂਹ ਸਵੱਛ ਬਾਲਣ ਨੂੰ ਬੜਾਵਾ ਦੇਣ ਦੀ ਦਿਸ਼ਾ ਵਿਚ ਕੰਮ ਕਰ ਰਿਹਾ ਹੈ, ਉਥੇ ਹੀ ਨੀਡ ਟੂ ਇੰਪੀਚ ਨਾਮ ਦਾ ਸਮੂਹ ਰਾਸ਼ਟਰਪਤੀ ਡੋਨਾਲਡ ਟਰੰਪ 'ਤੇ ਇੰਪਚਾਰਮੈਂਟ ਚਲਾਉਣ ਲਈ ਸਮਰਥਕ ਲੋਕਾਂ ਦੇ ਹਸਤਾਖਰ ਇਕਠੇ ਕਰ ਰਿਹਾ ਹੈ। ਹਾਲ ਦੇ ਕੁੱਝ ਦਿਨਾਂ ਵਿਚ ਅਮਰੀਕਾ ਵਿਚ ਅਜਿਹੇ ਕਈ ਲੈਟਰ ਬੰਬ ਫੜ੍ਹੇ ਗਏ ਹਨ। ਇਸ ਤਰ੍ਹਾਂ ਦੇ ਬੰਬ ਸਿਆਸੀ ਨੇਤਾਵਾਂ ਅਤੇ ਟਰੰਪ ਦੇ ਵਿਰੋਧੀਆਂ ਦੇ ਪਤਿਆਂ 'ਤੇ ਭੇਜੇ ਜਾ ਰਹੇ ਹਨ। ਐਫਬੀਆਈ ਨੇ ਇਸ ਮਾਮਲੇ ਵਿਚ ਸੀਜ਼ਰ ਸੋਯੋਕ ਨਾਮ ਦੇ ਸ਼ੱਕੀ ਨੂੰ ਗ੍ਰਿਫ਼ਤਾਰ ਵੀ ਕੀਤਾ ਹੈ। ਪਿਛਲੇ ਹਫਤੇ ਫਲੋਰੀਡਾ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ 56 ਸਾਲ ਦਾ ਸੋਯੋਕ ਹੁਣੇ ਜੇਲ੍ਹ ਵਿਚ ਹੈ।
