26 'ਚੋਂ 21 ਸ਼ਬਦਾਂ ਦਾ ਕੀਤਾ ਸਹੀ ਉਚਾਰਨ, ਜੇਤੂ ਹਰੀਨੀ ਲੋਗਨ ਨੂੰ ਮਿਲੀ 50,000 ਡਾਲਰ ਦੀ ਇਨਾਮੀ ਰਾਸ਼ੀ
ਵਾਸ਼ਿੰਗਟਨ : ਭਾਰਤੀ ਮੂਲ ਦੀ ਅਮਰੀਕੀ ਵਿਦਿਆਰਥਣ ਹਰੀਨੀ ਲੋਗਨ ਨੇ ਅਮਰੀਕਾ ਵਿਚ ਇਤਿਹਾਸ ਰਚਿਆ ਹੈ। ਲੋਗਨ ਨੇ ਸਕ੍ਰਿਪਸ ਨੈਸ਼ਨਲ ਸਪੈਲਿੰਗ ਬੀ ਵਿਚ ਆਪਣੇ ਪਹਿਲੇ ਸਪੈਲ-ਆਫ ਮੁਕਾਬਲੇ ਵਿੱਚ ਖਿਤਾਬ ਜਿੱਤਿਆ।
Indian-American girl Harini Logan wins 2022 Scripps National Spelling Bee after tiebreaker
ਜਾਣਕਾਰੀ ਅਨੁਸਾਰ ਇਹ ਇੱਕ ਅਜਿਹਾ ਫਾਰਮੈਟ ਹੈ ਜਿਸ ਵਿੱਚ ਮੁਕਾਬਲੇਬਾਜ਼ਾਂ ਦੀ ਜਾਂਚ ਕੀਤੀ ਜਾਂਦੀ ਹੈ ਕਿ ਉਹ 90 ਸਕਿੰਟਾਂ ਦੇ ਅੰਦਰ ਕਿੰਨੇ ਸ਼ਬਦਾਂ ਦਾ ਸਹੀ ਉਚਾਰਨ ਕਰ ਸਕਦੇ ਹਨ। ਹਰੀਨੀ ਲੋਗਨ ਨੇ 26 ਵਿਚੋਂ 21 ਸ਼ਬਦਾਂ ਦਾ ਸਹੀ ਉਚਾਰਨ ਕਰ ਕੇ ਇਹ ਜਿੱਤ ਪ੍ਰਾਪਤ ਕੀਤੀ ਹੈ। ਦੱਸ ਦੇਈਏ ਕਿ ਹਰੀਨੀ ਲੋਗਨ 13 ਸਾਲ ਦੀ ਹੈ ਅਤੇ ਉਹ ਅੱਠਵੀਂ ਜਮਾਤ ਦੀ ਵਿਦਿਆਰਥਣ ਹੈ।
Indian-American girl Harini Logan wins 2022 Scripps National Spelling Bee after tiebreaker
ਉਸ ਨੂੰ ਰਚਨਾਤਮਕ ਲਿਖਤਾਂ ਲਿਖਣਾ ਪਸੰਦ ਹੈ ਅਤੇ ਉਹ ਹਾਈ ਸਕੂਲ ਵਿੱਚ ਇੱਕ ਕਿਤਾਬ ਪ੍ਰਕਾਸ਼ਿਤ ਕਰਨ ਦੀ ਯੋਜਨਾ ਵੀ ਬਣਾ ਰਹੀ ਹੈ। ਸ਼ਬਦ ਸਿੱਖਣ ਤੋਂ ਇਲਾਵਾ ਉਹ ਪਿਆਨੋ, ਰਿਕਾਰਡਰ ਅਤੇ ਗਿਟਾਰ ਵਜਾਉਣ ਦਾ ਆਨੰਦ ਲੈਂਦੀ ਹੈ। ਜੇਤੂ ਹਰੀਨੀ ਲੋਗਨ ਨੇ ਟ੍ਰਾਫ਼ੀ ਦੇ ਨਾਲ-ਨਾਲ 50,000 ਡਾਲਰ ਦਾ ਇਨਾਮ ਵੀ ਜਿੱਤਿਆ ਹੈ।
Indian-American girl Harini Logan wins 2022 Scripps National Spelling Bee after tiebreaker
ਦੱਸ ਦੇਈਏ ਕਿ ਇਸ ਵਿਚ ਹਰੀਨੀ ਲੋਗਨ ਦਾ ਮੁਕਾਬਲਾ 12 ਸਾਲ ਦੇ ਵਿਕਰਮ ਰਾਜੂ ਨਾਲ ਹੋਇਆ। ਵਿਕਰਮ ਰਾਜੂ ਨੇ ਦੂਜੇ ਸਥਾਨ ਹਾਸਲ ਕੀਤਾ ਅਤੇ ਉਸ ਨੂੰ 25,000 ਡਾਲਰ ਦਾ ਇਨਾਮ ਪ੍ਰਾਪਤ ਹੋਇਆ ਹੈ। ਇਹ ਇਨਾਮੀ ਰਾਸ਼ੀ ਮੈਰਿਅਮ-ਵੈਬਸਟਰ ਅਤੇ ਐਨਸਾਈਕਲੋਪਡੀਆ ਬ੍ਰਿਟੈਨਿਕਾ ਤੋਂ ਵੀ ਪ੍ਰਦਾਨ ਕੀਤੀ ਜਾਂਦੀ ਹੈ। ਦੱਸਣਯੋਗ ਹੈ ਕਿ ਵਿਕਰਮ ਰਾਜੂ ਖ਼ਿਲਾਫ਼ ਸਖ਼ਤ ਮੁਕਾਬਲੇ ਵਿੱਚ ਹਰੀਨੀ ਲੋਗਨ ਚਾਰ ਸ਼ਬਦ ਖੁੰਝ ਗਈ ਪਰ ਉਨ੍ਹਾਂ ਵਿਚ ਇੱਕ ਅਜਿਹਾ ਸ਼ਬਦ ਸੀ ਜਿਸ ਨੇ ਉਸ ਨੂੰ ਖਿਤਾਬ ਜਿੱਤਾ ਦਿੱਤਾ। ਹਰੀਨੀ ਨੇ 26 ਵਿੱਚੋਂ 21 ਸ਼ਬਦਾਂ ਦਾ ਸਹੀ ਉਚਾਰਨ ਕੀਤਾ, ਜਦਕਿ ਵਿਕਰਮ ਨੇ 19 ਵਿੱਚੋਂ 15 ਸ਼ਬਦਾਂ ਦਾ ਸਹੀ ਉਚਾਰਨ ਕੀਤਾ।
