ਅਫ਼ਗਾਨਿਸਤਾਨ ਵਿਚ ਪੂਰਬੀ ਸ਼ਹਿਰ ਜਲਾਲਾਬਾਦ ਵਿਚ ਆਤਮਘਾਤੀ ਹਮਲਾਵਰ ਨੇ ਇਕ ਸਰਕਾਰੀ ਇਮਾਰਤ ਦੇ ਗੇਟ 'ਤੇ ਖੁਦ ਨੂੰ ਬੰਬ ਨਾਲ ਉਡਾ ਲਿਆ ਅਤੇ ਦੋ ਨੇ ਗੋਲੀਬਾਰੀ ਕੀਤੀ ਜਿਸ...
ਜਲਾਲਾਬਾਦ : ਅਫ਼ਗਾਨਿਸਤਾਨ ਵਿਚ ਪੂਰਬੀ ਸ਼ਹਿਰ ਜਲਾਲਾਬਾਦ ਵਿਚ ਆਤਮਘਾਤੀ ਹਮਲਾਵਰ ਨੇ ਇਕ ਸਰਕਾਰੀ ਇਮਾਰਤ ਦੇ ਗੇਟ 'ਤੇ ਖੁਦ ਨੂੰ ਬੰਬ ਨਾਲ ਉਡਾ ਲਿਆ ਅਤੇ ਦੋ ਨੇ ਗੋਲੀਬਾਰੀ ਕੀਤੀ ਜਿਸ ਵਿਚ ਘੱਟ ਤੋਂ ਘੱਟ 15 ਲੋਕਾਂ ਦੀ ਮੌਤ ਹੋ ਗਈ ਅਤੇ 15 ਹੋਰ ਜ਼ਖ਼ਮੀ ਹੋ ਗਏ। ਅਧਿਕਾਰੀਆਂ ਅਤੇ ਮੌਕੇ ਦੇ ਗਵਾਹਾਂ ਨੇ ਇਹ ਜਾਣਕਾਰੀ ਦਿਤੀ ਹੈ। ਇਸ ਹਮਲੇ ਦੀ ਹੁਣੇ ਤੱਕ ਕਿਸੇ ਨੇ ਜ਼ਿੰਮੇਵਾਰੀ ਨਹੀਂ ਲਈ ਹੈ। ਹਾਲਾਂਕਿ ਤਾਲਿਬਾਨ ਨੇ ਇਕ ਬਿਆਨ ਜਾਰੀ ਕਰ ਇਸ ਹਮਲੇ ਵਿਚ ਉਸ ਦਾ ਹੱਥ ਹੋਣ ਤੋਂ ਮਨਾ ਕੀਤਾ ਹੈ। ਹਾਲ ਦੇ ਦਿਨਾਂ ਵਿਚ ਜਲਾਲਾਬਾਦ ਵਿਚ ਹੋਏ ਆਤਮਘਾਤੀ ਹਮਲਿਆਂ ਦੀ ਇਸਲਾਮਿਕ ਸਟੇਟ ਨੇ ਜ਼ਿੰਮੇਵਾਰੀ ਲਈ ਸੀ।
Terrorist attack
ਰਾਜਸੀ ਸਰਕਾਰ ਦੇ ਬੁਲਾਰੇ ਅਤਾਤੁੱਲਾ ਖੋਗਯਾਨੀ ਨੇ ਕਿਹਾ ਕਿ ਕਈ ਘੰਟਿਆਂ ਤੱਕ ਬੰਦੂਕ ਦੀਆਂ ਗੋਲੀਆਂ ਅਤੇ ਵਿਸਫੋਟਾਂ ਦੀ ਅਵਾਜ਼ ਸੁਣੀ ਗਈ। ਇਹ ਘਟਨਾ ਦੋ ਬੰਦੂਕਧਾਰੀਆਂ ਨੂੰ ਮਾਰਨ ਦੇ ਨਾਲ ਹੀ ਖ਼ਤਮ ਹੋ ਗਈ ਅਤੇ ਹਮਲੇ ਵਿਚ ਇਮਾਰਤ ਨੂੰ ਬਹੁਤ ਨੁਕਸਾਨ ਪਹੁੰਚਿਆ। ਉਨ੍ਹਾਂ ਨੇ ਕਿਹਾ ਆਤਮਘਾਤੀ ਹਮਲੇ ਵਿਚ ਘੱਟ ਤੋਂ ਘੱਟ 15 ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੰਨੀ ਹੀ ਗਿਣਤੀ ਵਿਚ ਲੋਕ ਜ਼ਖ਼ਮੀ ਹੋ ਗਏ ਹਨ। ਉਨ੍ਹਾਂ ਨੇ ਕਿਹਾ ਲਾਸ਼ਾਂ ਦੀ ਗਿਣਤੀ ਵੱਧ ਸਕਦੀ ਹੈ। ਦੁਰਘਟਨਾ ਥਾਂ 'ਤੇ ਬਚਾਅ ਕਾਰਜ ਜਾਰੀ ਹੈ। ਸਥਾਨਕ ਪ੍ਰੋਵਿੰਸ਼ੀਅਲ ਕੌਂਸਲ ਦੇ ਮੈਂਬਰ ਸ਼ਹਰਾਬ ਕਾਦੇਰੀ ਨੇ ਕਿਹਾ ਅੱਠ ਲੋਕ ਮਾਰੇ ਗਏ ਹਨ ਅਤੇ 30 ਤੋਂ ਜ਼ਿਆਦਾ ਲੋਕ ਜ਼ਖ਼ਮੀ ਹਨ।
Terrorist attack
ਇਕ ਘਟਨਾ ਸਥਾਨ 'ਤੇ ਮੌਜੂਦ ਵਿਅਕਤੀ ਨੇ ਦੱਸਿਆ ਕਿ ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਇਕ ਕਾਰ ਵਿਚ ਬੈਠੇ ਤਿੰਨ ਲੋਕ ਰਫਿਊਜੀ ਮਾਮਲਿਆਂ ਦੇ ਵਿਭਾਗ ਵਲੋਂ ਵਰਤੋਂ ਕੀਤੀ ਜਾਣ ਵਾਲੀ ਇਮਾਰਤ ਦੇ ਮੁਖ ਗੇਟ 'ਤੇ ਪੁੱਜੇ ਅਤੇ ਇਕ ਬੰਦੂਕਧਾਰੀ ਨੇ ਕਾਰ ਤੋਂ ਉਤਰ ਕੇ ਚਾਰੇ ਪਾਸੇ ਗੋਲੀਬਾਰੀ ਸ਼ੁਰੂ ਕਰ ਦਿਤੀ। ਇਕ ਹੋਰ ਹਮਲਾਵਰ ਨੇ ਮੁੱਖ ਗੇਟ ਦੇ ਸਹਮਾਣੇ ਅਪਣੇ ਆਪ ਨੂੰ ਬੰਬ ਨਾਲ ਉਡਾ ਲਿਆ। ਦੋ ਹੋਰ ਬੰਦੂਕਧਾਰੀ ਇਮਾਰਤ ਦੇ ਅੰਦਰ ਵੜ ਗਏ। ਇਸ ਤੋਂ ਬਾਅਦ ਕਾਰ ਵਿਚ ਜ਼ਬਰਦਸਤ ਧਮਾਕਾ ਹੋਇਆ। ਕਾਦੇਰੀ ਨੇ ਕਿਹਾ ਕਿ ਅੰਤਮ ਰਿਪੋਰਟ ਮਿਲਣ ਤੱਕ ਇਮਾਰਤ ਦੇ ਅੰਦਰ ਲੱਗਭੱਗ 40 ਲੋਕ ਫਸੇ ਸਨ। ਹਮਲਾਵਰਾਂ ਨੇ ਹਮਲੇ ਤੋਂ ਬਾਅਦ ਇਮਾਰਤ ਵਿਚ ਅੱਗ ਲੱਗ ਗਈ।
