ਬ੍ਰਾਜ਼ੀਲ ਭਾਵੇਂ ਹੀ ਕੋਰੋਨਾ ਵਾਇਰਸ ਮਹਾਂਮਾਰੀ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਤ ਹੈ ਪਰ ਉਥੋਂ ਦੇ ਰਾਸ਼ਟਰਪਤੀ ਜੇਰੇ ਬੋਲਸੋਨਾਰੋ ਫ਼ੁੱਟਬਾਲ ਦੀ ਜਲਦ ਤੋਂ ਜਲਦੀ ਵਾਪਸੀ
ਰੀਓ ਡੀ ਜੇਨੇਰੀਓ, 31 ਮਈ : ਬ੍ਰਾਜ਼ੀਲ ਭਾਵੇਂ ਹੀ ਕੋਰੋਨਾ ਵਾਇਰਸ ਮਹਾਂਮਾਰੀ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਤ ਹੈ ਪਰ ਉਥੋਂ ਦੇ ਰਾਸ਼ਟਰਪਤੀ ਜੇਰੇ ਬੋਲਸੋਨਾਰੋ ਫ਼ੁੱਟਬਾਲ ਦੀ ਜਲਦ ਤੋਂ ਜਲਦੀ ਵਾਪਸੀ ਚਾਹੁੰਦਾ ਹੈ ਕਿਉਂਕਿ ਉਸ ਨੂੰ ਲਗਦਾ ਹੈ ਕਿ ਫੁੱਟਬਾਲਰਾਂ 'ਤੇ ਕੋਵਿਡ-19 ਬਿਮਾਰੀ ਦੀ ਜ਼ਿਆਦਾ ਅਸਰ ਨਹੀਂ ਪਵੇਗਾ। ਬ੍ਰਾਜ਼ੀਲ ਨੂੰ ਫੁੱਟਬਾਲ ਦਾ ਘਰ ਮੰਨਿਆ ਜਾਂਦਾ ਰਿਹਾ ਹੈ, ਜਿਸ ਨੇ ਵਿਸ਼ਵ ਫੁੱਟਬਾਲ ਨੂੰ ਪੇਲੇ ਤੋਂ ਲੈ ਕੇ ਨੇਮਾਰ ਵਰਗੇ ਕਈ ਧਾਕੜ ਫੁੱਬਾਲਰ ਦਿਤੇ ਹਨ ਪਰ ਅਜੇ ਬ੍ਰਾਜ਼ੀਲ ਲੈਟਿਨ ਅਮਰੀਕੀ ਦੇਸ਼ਾਂ ਵਿਚ ਕੋਰੋਨਾ ਵਾਇਰਸ ਦੇ ਕਹਿਰ ਦਾ ਕੇਂਦਰ ਬਣਿਆਾ ਹੋਇਆ ਹੈ।
Brazil President Jair Bolsonaro
ਇਸ ਦੇਸ਼ ਵਿਚ ਮਾਰਚ ਦੇ ਅੱਧ ਤੋਂ ਹੀ ਫੁੱਟਬਾਲ ਮੈਚ ਨਹੀਂ ਹੋ ਰਹੇ ਹਨ ਪਰ ਰਾਸ਼ਟਰਪਤੀ ਬੋਲਸੋਨਾਰੇ ਨੇ ਹਾਲ ਹੀ ਵਿਚ ਕਿਹਾ ਕਿ ਫੁੱਟਬਲਾਰਾਂ ਦੀ ਕੋਵਿਡ-19 ਨਾਲ ਗੰਭੀਰ ਰੂਪ ਨਾਲ ਬਿਮਾਰ ਹੋਣ ਦੀ ਸੰਭਾਵਨਾ ਘੱਟ ਹੈ। ਬੋਲਸੋਨਾਰੋ ਨੇ ਕਿਹਾ,''ਫੁੱਟਬਾਲਰ ਕਿਉਂਕਿ ਨੌਜਵਾਨ ਖਿਡਾਰੀ ਹੁੰਦੇ ਹਨ, ਇਸ ਲਈ ਜੇਕਰ ਉਨ੍ਹਾਂ ਨੂੰ ਕੋਰੋਨਾ ਵਾਇਰਸ ਫੜ ਲੈਂਦਾ ਹੈ ਤਾਂ ਉਨ੍ਹਾਂ ਦੀ ਮੌਤ ਦੀ ਸੰਭਾਵਨਾ ਬਹੁਤ ਘੱਟ ਹੁੰਦੀ।'' ਬੋਲਸੋਨਾਰੋ ਨੇ ਇਸ ਤੋਂ ਪਹਿਲਾਂ ਮਾਰਚ ਵਿਚ ਦਾਅਵਾ ਕੀਤਾ ਸੀ ਕਿ ਉਹ ਪਹਿਲਾਂ ਖਿਡਾਰੀ ਰਿਹਾ ਹੈ ਤੇ ਜੇਕਰ ਉਸ ਨੂੰ ਇਹ ਵਾਇਰਸ ਫੜ ਲੈਂਦਾ ਹੈ ਤਦ ਵੀ ਉਸ ਨੂੰ ਹਲਕਾ ਜੁਕਾਮ ਹੀ ਲਗੇਗਾ। (ਪੀਟੀਆਈ)
