ਵਿਕਟੋਰੀਅਨ ਸਰਕਾਰ ਨੇ ਰਾਜ ਵਿਚ ਕੌਮਾਂਤਰੀ ਵਿਦਿਆਰਥੀਆਂ ਨੂੰ ਸਹਾਇਤਾ ਦੇਣ ਲਈ 45 ਮਿਲੀਅਨ ਡਾਲਰ ਦੇ ਫੰਡ ਦਾ ਐਲਾਨ ਕੀਤਾ ਹੈ ਜੋ ਕੋਰੋਨਾ ਵਾਇਰਸ
ਪਰਥ, 30 ਅਪ੍ਰੈਲ (ਪਿਆਰਾ ਸਿੰਘ ਨਾਭਾ) : ਵਿਕਟੋਰੀਅਨ ਸਰਕਾਰ ਨੇ ਰਾਜ ਵਿਚ ਕੌਮਾਂਤਰੀ ਵਿਦਿਆਰਥੀਆਂ ਨੂੰ ਸਹਾਇਤਾ ਦੇਣ ਲਈ 45 ਮਿਲੀਅਨ ਡਾਲਰ ਦੇ ਫੰਡ ਦਾ ਐਲਾਨ ਕੀਤਾ ਹੈ ਜੋ ਕੋਰੋਨਾ ਵਾਇਰਸ ਮਹਾਂਮਾਰੀ ਕਾਰਨ ਵਿੱਤੀ ਤੰਗੀ ਦਾ ਸਾਹਮਣਾ ਕਰ ਰਹੇ ਹਨ। ਹਰ ਇਕ ਵਿਦਿਆਰਥੀ ਨੂੰ 1,100 ਤਕ ਦੀ ਸਹਾਇਤਾ ਰਾਸ਼ੀ ਦਿਤੀ ਜਾਵੇਗੀ, ਜੋ ਅਪਣੀ ਨੌਕਰੀ ਗੁਆ ਚੁੱਕੇ ਹਨ ਜਾਂ ਉਨ੍ਹਾਂ ਦੇ ਕੰਮ ਕਰਨ ਦੇ ਸਮੇਂ ’ਚ ਕਮੀ ਆਈ ਹੈ।
ਆਸਟਰੇਲੀਆ ਵਿਚ 565,000 ਅੰਤਰਰਾਸ਼ਟਰੀ ਵਿਦਿਆਰਥੀ ਹਨ ਜੋ ਸੰਘੀ ਸਰਕਾਰ ਦੇ ਰਾਹਤ ਪੈਕੇਜਾਂ ਅਧੀਨ ਨਹੀਂ ਆਉਂਦੇ। ਕੁਝ ਯੂਨੀਵਰਸਿਟੀਆਂ, ਸਥਾਨਕ ਭਾਈਚਾਰੇ ਦੇ ਸੰਗਠਨ ਅਤੇ ਵਿਅਕਤੀ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਮਦਦ ਲਈ ਸਹਾਇਤਾ ਕਰ ਰਹੇ ਬਿਆਨ ਵਿਚ ਲਿਖਿਆ ਹੈ, “ਇਹ ਫੰਡ ਵਿਕਟੋਰੀਆ ਦੀਆਂ ਯੂਨੀਵਰਸਿਟੀਆਂ, ਸਿਖਿਆ ਪ੍ਰਦਾਤਾਵਾਂ ਅਤੇ ਮੌਜੂਦਾ ਸਰਕਾਰੀ ਸਹਾਇਤਾ ਦੁਆਰਾ ਪੇਸ਼ ਕੀਤੇ ਜਾਂਦੇ ਰਾਹਤ ਪ੍ਰੋਗਰਾਮਾਂ ਦੀ ਸੀਮਾ ਨੂੰ ਪੂਰਾ ਕਰਦਾ ਹੈ।
ਵਿਕਟੋਰੀਆ ਦੇ ਤੀਜੇ ਦਰਜੇ ਦੇ ਵਿਦਿਅਕ ਸੰਸਥਾਵਾਂ ਜਿਨ੍ਹਾਂ ਵਿਚ ਯੂਨੀਵਰਸਿਟੀਆਂ, ਟੈਫੇ, ਨਿੱਜੀ ਕਿੱਤਾਮੁਖੀ ਸਿੱਖਿਆ ਅਤੇ ਸਿਖਲਾਈ ਕਾਲਜ ਅਤੇ ਅੰਗ੍ਰੇਜ਼ੀ ਭਾਸ਼ਾ ਕਾਲਜ ਸ਼ਾਮਲ ਹਨ, ਦੇ ਕੌਮਾਂਤਰੀ ਵਿਦਿਆਰਥੀ ਅਦਾਇਗੀ ਲਈ ਅਰਜ਼ੀ ਦੇਣ ਦੇ ਯੋਗ ਹਨ।
