ਇਸ ਸਮਝੌਤੇ 'ਤੇ 31 ਦਸੰਬਰ 1988 ਨੂੰ ਹੋਏ ਸਨ ਦਸਤਖ਼ਤ
ਨਵੀਂ ਦਿੱਲੀ : ਭਾਰਤ ਅਤੇ ਪਾਕਿਸਤਾਨ ਨੇ ਅੱਜ ਬੁੱਧਵਾਰ ਨੂੰ 'ਪਰਮਾਣੂ ਸਥਾਪਨਾਵਾਂ ਵਿਰੁੱਧ ਹਮਲੇ ਦੀ ਪਾਬੰਦੀ' ਅਧੀਨ ਇਕ-ਦੂਜੇ ਨੂੰ ਪਰਮਾਣੂ ਸਥਾਪਨਾਵਾਂ ਅਤੇ ਸਹੂਲਤਾਂ ਦੀ ਸੂਚੀ ਦਾ ਅਦਾਨ-ਪ੍ਰਦਾਨ ਕੀਤਾ ਹੈ। ਇਸ ਗੱਲ ਦੀ ਜਾਣਕਾਰੀ ਵਿਦੇਸ਼ ਮੰਤਰਾਲੇ ਨੇ ਆਪਣਾ ਇਕ ਬਿਆਨ ਜਾਰੀ ਕਰਕੇ ਦਿੱਤੀ ਹੈ।
File Photo
ਇਹ ਅਦਾਨ-ਪ੍ਰਦਾਨ ਨਵੀਂ ਦਿੱਲੀ ਅਤੇ ਇਸਲਾਮਾਬਾਦ ਵਿਚ ਇਕ ਕੂਟਨੀਤਿਕ ਚੈਨਲ ਦੇ ਮਾਧਿਅਮ ਨਾਲ ਕੀਤਾ ਗਿਆ ਹੈ। ਇਸ ਤਰ੍ਹਾਂ ਦੀ ਸੂਚੀ ਦੇ ਦੋਵਾਂ ਦੇਸ਼ਾ ਵਿਚਾਲੇ 20ਵੀਂ ਵਾਰ ਅਦਾਨ-ਪ੍ਰਦਾਨ ਕੀਤਾ ਗਿਆ ਹੈ।ਪਹਿਲੀ ਵਾਰ ਇਸ ਦੀ ਸ਼ੁਰੂਆਤ 1992 ਵਿਚ ਹੋਈ ਸੀ।
MEA: India and Pakistan today exchanged, through diplomatic channels simultaneously at New Delhi and Islamabad, the list of nuclear installations and facilities covered under the Agreement on the Prohibition of Attack against Nuclear installations between India and Pakistan.
— ANI (@ANI) January 1, 2020
ਵਿਦੇਸ਼ ਮੰਤਰਾਲੇ ਨੇ ਆਪਣੇ ਬਿਆਨ ਵਿਚ ਕਿਹਾ ਹੈ ਕਿ ਇਹ ਐਕਸਚੇਂਜ ਦੋਵਾਂ ਦੇਸ਼ਾਂ ਵਿਚਾਲੇ ਪਰਮਾਣੂ ਸਥਾਪਨਾਵਾਂ ਦੇ ਵਿਰੁੱਧ ਹਮਲੇ ਦੇ ਮਨਾਹੀ 'ਤੇ ਹੋਏ ਇਕ ਸਮਝੌਤੇ ਅਧੀਨ ਕੀਤਾ ਗਿਆ ਹੈ।
File Photo
ਇਸ ਸਮਝੌਤੇ 'ਤੇ ਦਸਤਖ਼ਤ 31 ਦਸੰਬਰ 1988 ਨੂੰ ਹੋਏ ਸਨ ਅਤੇ 27 ਜਨਵਰੀ 1991 ਨੂੰ ਇਹ ਲਾਗੂ ਹੋਇਆ ਸੀ। ਸਮਝੌਤੇ ਅਧੀਨ ਦੋਣਾਂ ਦੇਸ਼ਾਂ ਨੂੰ ਸਾਲ ਦੀ ਪਹਿਲੀ ਤਰੀਕ ਭਾਵ ਇਕ ਜਨਵਰੀ ਤੋਂ ਇਕ-ਦੂਜੇ ਨੂੰ ਆਪਣੇ ਪਰਮਾਣੂ ਸਥਾਪਨਾਵਾਂ ਅਤੇ ਸੂਵਿਧਾਵਾਂ ਦੀ ਜਾਣਕਾਰੀ ਦੇਣੀ ਹੁੰਦੀ ਹੈ।
