ਦੋਹਾ, 13 ਨਵੰਬਰ: ਭਾਰਤ ਦੇ ਦਿੱਗਜ ਸਨੂਕਰ ਪੰਕਜ ਅਡਵਾਨੀ ਨੇ ਆਈ.ਐਸ.ਐਸ.ਐਫ਼. ਵਿਸ਼ਵ ਬਿਲੀਅਰਡਜ਼ ਚੈਂਪੀਅਨਸ਼ਿਪ 'ਚ ਇੰਗਲੈਂਡ ਦੇ ਮਾਈਕ ਰਸੇਲ ਨੂੰ ਹਰਾ ਕੇ ਕੈਰੀਅਰ ਦਾ 17ਵਾਂ ਖ਼ਿਤਾਬ ਜਿਤਿਆ।ਅਡਵਾਨੀ ਨੇ ਰਸੇਲ ਨੂੰ 6-2 (0-155, 150-128, 92-151, 151-0, 151-6, 151-0, 150-58, 150-21) ਨਾਲ ਹਰਾਇਆ। ਇਸ ਤਰ੍ਹਾਂ ਉਸ ਨੇ 150 ਤੋਂ ਜ਼ਿਆਦਾ ਫ਼੍ਰੇਮ 'ਚ ਅਪਣਾ ਖ਼ਿਤਾਬ ਬਚਾ ਕੇ ਰੱਖਿਆ। ਉਨ੍ਹਾਂ ਨੇ ਪਿਛਲੇ ਸਾਲ ਬੰਗਲੌਰ 'ਚ ਵੀ ਖ਼ਿਤਾਬ ਜਿਤਿਆ ਸੀ।
ਭਾਰਤੀ ਖਿਡਾਰੀ ਵੀ ਸ਼ੁਰੂਆਤ ਜ਼ਿਆਦਾ ਚੰਗੀ ਨਹੀਂ ਰਹੀ ਸੀ। ਰਸੇਲ ਨੇ 155 ਦੇ ਸ਼ਾਨਦਾਰ ਬ੍ਰੇਕ ਨਾਲ ਸ਼ੁਰੂਆਤ 'ਚ ਵਾਧਾ ਦਰਜ ਕਰ ਲਿਆ ਸੀ। ਇਸ ਤੋਂ ਬਾਅਦ ਅਡਵਾਨੀ ਨੇ ਅਪਣਾ ਫ਼੍ਰੇਮ ਜਿੱਤ ਕੇ ਬਰਾਬਰ ਕੀਤੀ, ਪਰ ਰਸੇਲ ਨੇ 84 ਅਤੇ 67 ਦੇ ਬਰੇਕ ਨਾਲ ਮੁੜ ਵਾਧਾ ਦਰਜ ਕਰ ਲਿਆ। ਇਸ ਤੋਂ ਬਾਅਦ ਅਡਵਾਨੀ ਨੇ ਪਿਛੇ ਮੁੜ ਕੇ ਨਹੀਂ ਦੇਖਿਆ ਅਤੇ ਲਗਾਤਾਰ ਪੰਜ ਫ਼੍ਰੇਮ ਜਿਤ ਕੇ ਖ਼ਿਤਾਬ ਅਪਣੇ ਨਾਮ ਕਰ ਲਿਆ। (ਏਜੰਸੀ)
