ਨਵੀਂ ਦਿੱਲੀ, 15 ਦਸੰਬਰ: ਉਲੰਪਿਕ ਤਮਗ਼ਾ ਜੇਤੂ ਪਹਿਲਵਾਨ ਸੁਸ਼ੀਲ ਕੁਮਾਰ ਸਮੇਤ ਭਾਰਤੀ ਪਹਿਲਵਾਨਾਂ ਦਾ 60 ਮੈਂਬਰੀ ਦਲ ਰਾਸ਼ਟਰ ਮੰਡਲ ਕੁਸ਼ਤੀ ਚੈਂਪੀਅਨਸ਼ਿਪ 2017 'ਚ ਹਿੱਸਾ ਲੈਣ ਲਈ ਅੱਜ ਦੱਖਣੀ ਅਫ਼ਰੀਕਾ ਦੇ ਜੋਹਾਨਿਸਬਰਗ ਪਹੁੰਚਿਆ।
ਸੁਸ਼ੀਲ ਤੋਂ ਇਲਾਵਾ ਦਲ 'ਚ ਏਸ਼ੀਆਈ ਚੈਂਪੀਅਨ ਬਜਰੰਗ ਪੁਨੀਆ, 2010 ਰਾਸ਼ਟਰ ਮੰਡਲ ਖੇਡਾਂ ਦੀ ਸੋਨ ਤਮਗ਼ਾ ਜੇਤੂ ਗੀਤਾ ਫ਼ੋਗਾਟ, ਰੀਓ ਉਲੰਪਿਕ ਦੀ ਕਾਂਸੀ ਦਾ ਤਮਗ਼ਾ ਜੇਤੂ ਸਾਕਸ਼ੀ ਮਲਿਕ ਅਤੇ 2014 ਰਾਸ਼ਟਰ ਮੰਡਲ ਖੇਡਾਂ 'ਚ ਸੋਨ ਤਮਗ਼ਾ ਜੇਤੂ ਵਿਨੇਸ਼ ਫ਼ੋਗਾਟ ਵੀ ਸ਼ਾਮਲ ਹਨ। ਭਾਰਤੀ ਕੁਸ਼ਤੀ ਮਹਾਂਸੰਘ ਦੇ ਸਹਾਇਕ ਸਚਿਵ ਵਿਨੋਦ ਤੋਮਰ ਨੇ ਦਸਿਆ ਕਿ ਭਾਰਤ ਵਲੋਂ ਹਰ ਵਜ਼ਨ ਵਰਗ 'ਚ ਦੋ ਪਹਿਲਵਾਨ ਉਤਰਨਗੇ। (ਪੀਟੀਆਈ)
