T20 world Cup 2024: ਟੀ-20 ਵਿਸ਼ਵ ਕੱਪ 1 ਜੂਨ ਤੋਂ ਅਮਰੀਕਾ ਅਤੇ ਵੈਸਟਇੰਡੀਜ਼ ’ਚ ਸ਼ੁਰੂ ਹੋਵੇਗਾ
T20 world Cup 2024: ਲਾਹੌਰ, ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਬਾਬਰ ਆਜ਼ਮ ਨੂੰ ਟੀ-20 ਵਿਸ਼ਵ ਕੱਪ ਤੋਂ ਦੋ ਮਹੀਨੇ ਪਹਿਲਾਂ ਐਤਵਾਰ ਨੂੰ ਇਕ ਵਾਰ ਫਿਰ ਚਿੱਟੀ ਗੇਂਦ ਦੇ ਫਾਰਮੈਟ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ।
ਇਹ ਵੀ ਪੜੋ:Cambodia News: ਕੰਬੋਡੀਆ 'ਚ ਨੌਕਰੀ ਧੋਖਾਧੜੀ ਮਾਮਲੇ ’ਚ ਫਸੇ 250 ਭਾਰਤੀਆਂ ਨੂੰ ਸੁਰੱਖਿਅਤ ਲਿਆਂਦਾ ਭਾਰਤ
ਇਹ ਫੈਸਲਾ ਪਾਕਿਸਤਾਨ ਕ੍ਰਿਕਟ ਬੋਰਡ (PCB) ਦੀ ਚੋਣ ਕਮੇਟੀ ਦੀ ਸਰਬਸੰਮਤੀ ਨਾਲ ਸਿਫਾਰਿਸ਼ ਤੋਂ ਬਾਅਦ ਲਿਆ ਗਿਆ ਹੈ। PCB ਨੇ ਕਿਹਾ ਕਿ ਪੀਸੀਬੀ ਚੋਣ ਕਮੇਟੀ ਦੀ ਸਰਬਸੰਮਤੀ ਨਾਲ ਸਿਫ਼ਾਰਿਸ਼ ਦੇ ਬਾਅਦ, ਬੋਰਡ ਦੇ ਚੇਅਰਮੈਨ ਮੋਹਸਿਨ ਨਕਵੀ ਨੇ ਬਾਬਰ ਆਜ਼ਮ ਨੂੰ ਸਫੈਦ ਗੇਂਦ ਦੇ ਫਾਰਮੈਟਾਂ (ਓਡੀਆਈ ਅਤੇ ਟੀ-20 ਅੰਤਰਰਾਸ਼ਟਰੀ) ’ਚ ਪਾਕਿਸਤਾਨ ਪੁਰਸ਼ ਕ੍ਰਿਕਟ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਹੈ।
ਇਹ ਵੀ ਪੜੋ:Jalandhar News: ਬੰਦ ਘਰ ’ਚੋਂ ਔਰਤ ਦੀ ਗਲੀ ਸੜੀ ਲਾਸ਼ ਹੋਈ ਬਰਾਮਦ, ਇਲਾਕੇ ’ਚ ਫੈਲੀ ਦਹਿਸ਼ਤ
ਬਾਬਰ ਨੇ ਪਿਛਲੇ ਸਾਲ ਨਵੰਬਰ ’ਚ ਭਾਰਤ ’ਚ ਹੋਏ ਵਨਡੇ ਵਿਸ਼ਵ ਕੱਪ ’ਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਤਿੰਨੋਂ ਫਾਰਮੈਟਾਂ ’ਚ ਪਾਕਿਸਤਾਨ ਦੀ ਕਪਤਾਨੀ ਛੱਡ ਦਿੱਤੀ ਸੀ। PCB ਦੇ ਤਤਕਾਲੀ ਮੁਖੀ ਜ਼ਕਾ ਅਸ਼ਰਫ਼ ਨੇ ਕਿਹਾ ਕਿ ਉਹ ਹੁਣ ਸੀਮਤ ਓਵਰਾਂ ਦੇ ਫਾਰਮੈਟ ਵਿਚ ਕਪਤਾਨ ਨਹੀਂ ਬਣਨਾ ਚਾਹੁੰਦਾ ਅਤੇ ਸਿਰਫ਼ ਟੈਸਟ ਟੀਮ ਦੀ ਅਗਵਾਈ ਕਰਨਾ ਚਾਹੁੰਦਾ ਸੀ, ਤੋਂ ਬਾਅਦ ਬਾਬਰ ਨੇ ਇਹ ਭੂਮਿਕਾ ਛੱਡ ਦਿੱਤੀ।ਬਾਬਰ ਤੇਜ਼ ਗੇਂਦਬਾਜ਼ ਸ਼ਾਹੀਨ ਸ਼ਾਹ ਅਫਰੀਦੀ ਦੀ ਥਾਂ ਟੀ-20 ਕਪਤਾਨ ਹੋਣਗੇ, ਜਿਨ੍ਹਾਂ ਨੇ ਜਨਵਰੀ ’ਚ ਨਿਊਜ਼ੀਲੈਂਡ ਖ਼ਿਲਾਫ਼ 1-4 ਦੀ ਸੀਰੀਜ਼ ’ਚ ਪਾਕਿਸਤਾਨ ਦੀ ਅਗਵਾਈ ਕੀਤੀ ਸੀ। ਟੀ-20 ਵਿਸ਼ਵ ਕੱਪ 1 ਜੂਨ ਤੋਂ ਅਮਰੀਕਾ ਅਤੇ ਵੈਸਟਇੰਡੀਜ਼ ’ਚ ਸ਼ੁਰੂ ਹੋਵੇਗਾ।
(For more news apart from Babar Azam again became the captain of Pakistan News in Punjabi, stay tuned to Rozana Spokesman)
