Federer
ਪਿਛਲੇ ਮਹੀਨੇ ਵਿੰਬਲਡਨ ਵਿਚ ਰੀਕਾਰਡ 19ਵਾਂ ਗ੍ਰੈਂਡਸਲੈਮ ਖਿਤਾਬ ਜਿੱਤਣ ਵਾਲੇ ਦੁਨੀਆ ਦੇ ਤੀਜੇ ਨੰਬਰ ਦੇ ਖਿਡਾਰੀ ਰੋਜਰ ਫੈਡਰਰ ਨੇ ਕਿਹਾ ਕਿ.......
ਮਾਂਟਰੀਅਲ, 2 ਅਗੱਸਤ : ਪਿਛਲੇ ਮਹੀਨੇ ਵਿੰਬਲਡਨ ਵਿਚ ਰੀਕਾਰਡ 19ਵਾਂ ਗ੍ਰੈਂਡਸਲੈਮ ਖਿਤਾਬ ਜਿੱਤਣ ਵਾਲੇ ਦੁਨੀਆ ਦੇ ਤੀਜੇ ਨੰਬਰ ਦੇ ਖਿਡਾਰੀ ਰੋਜਰ ਫੈਡਰਰ ਨੇ ਕਿਹਾ ਕਿ ਉਹ ਅਗਲੇ ਹਫਤੇ ਮਾਂਟਰੀਅਲ ਵਿਚ ਏ.ਟੀ.ਪੀ. ਟੂਰਨਾਮੈਂਟ ਖੇਡਣਗੇ। ਫੈਡਰਰ ਆਖਰੀ ਵਾਰ ਇੱਥੇ 2011 ਵਿਚ ਖੇਡੇ ਸਨ।
ਫੈਡਰਰ ਨੇ ਕਿਹਾ, ''ਮੈਨੂੰ ਇਥੇ ਪਹੁੰਚਣ ਦੀ ਖ਼ੁਸ਼ੀ ਹੈ ਕਿਉਂਕਿ ਲੰਬੇ ਸਮੇਂ ਤੋਂ ਮੈਂ ਇਥੇ ਨਹੀਂ ਖੇਡ ਸਕਿਆ। ਇਹ ਸੈਸ਼ਨ ਕਾਫ਼ੀ ਚੰਗਾ ਰਿਹਾ ਅਤੇ ਮੈਨੂੰ ਇੱਥੇ ਖੇਡਣ ਦਾ ਇੰਤਜ਼ਾਰ ਹੈ।'' ਫੈਡਰਰ ਨੇ ਇਸ ਵਾਰ ਪੰਜਵਾਂ ਆਸਟ੍ਰੇਲੀਆਈ ਓਪਨ ਅਤੇ ਅਠਵਾਂ ਵਿੰਬਲਡਨ ਖਿਤਾਬ ਜਿਤਿਆ। ਉਹ ਇੰਡੀਅਨ ਵੇਲਸ, ਮਿਆਮੀ ਅਤੇ ਹਾਲੇ ਵਿਚ ਵੀ ਖਿਤਾਬੀ ਜਿੱਤ ਦਰਜ ਕਰਨ ਵਿਚ ਸਫ਼ਲ ਰਹੇ। (ਪੀ.ਟੀ.ਆਈ.)
