ਬੁਮਰਾਹ ਦੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਪੋਸਟ ਕਰਨ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਕਿਆਸ ਲਗਾਉਣੇ ਸ਼ੁਰੂ ਕੀਤੇ
Jasprit Bumrah in IPL 2024: ਇਕ ਪਾਸੇ ਜਿੱਥੇ ਹਾਰਦਿਕ ਪਾਂਡਿਆ ਆਈ.ਪੀ.ਐਲ. 2024 ਤੋਂ ਪਹਿਲਾਂ ਮੁੰਬਈ ਇੰਡੀਅਨਜ਼ ਨਾਲ ਜੁੜਨ ਤੋਂ ਖੁਸ਼ ਹਨ, ਉਥੇ ਹੀ ਦੂਜੇ ਪਾਸੇ ਜਸਪ੍ਰੀਤ ਬੁਮਰਾਹ ਦੀ ਇਕ ਪੋਸਟ ਵਾਇਰਲ ਹੋ ਰਹੀ ਹੈ। ਟੀਮ ਦੇ ਤੇਜ਼ ਗੇਂਦਬਾਜ਼ ਨੇ ਇੰਸਟਾਗ੍ਰਾਮ 'ਤੇ ਇਕ ਸਟੋਰੀ ਪਾਈ ਹੈ, ਜੋ ਪ੍ਰਸ਼ੰਸਕਾਂ ਦੇ ਮਨ 'ਚ ਕਈ ਸਵਾਲ ਖੜ੍ਹੇ ਕਰ ਰਹੀ ਹੈ। ਹਰ ਸਵਾਲ ਦਾ ਜਵਾਬ ਬੁਮਰਾਹ 'ਤੇ ਖਤਮ ਹੁੰਦਾ ਜਾਪਦਾ ਹੈ।
ਹਾਰਦਿਕ ਪਾਂਡਿਆ ਨੂੰ ਮੁੰਬਈ ਇੰਡੀਅਨਜ਼ ਨਾਲ ਸਾਈਨ ਕਰਨ ਤੋਂ ਕੁਝ ਦਿਨ ਬਾਅਦ ਬੁਮਰਾਹ ਨੇ ਇੰਸਟਾਗ੍ਰਾਮ 'ਤੇ ਇਕ ਗੁਪਤ ਸੰਦੇਸ਼ ਪੋਸਟ ਕੀਤਾ ਸੀ। ਉਨ੍ਹਾਂ ਦੇ ਕੈਪਸ਼ਨ 'ਚ ਲਿਖਿਆ ਹੈ- ਚੁੱਪ ਰਹਿਣਾ ਕਈ ਵਾਰ ਸਭ ਤੋਂ ਵਧੀਆ ਜਵਾਬ ਹੁੰਦਾ ਹੈ।
ਬੁਮਰਾਹ ਦੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਪੋਸਟ ਕਰਨ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਕਿਆਸ ਲਗਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਕੁਝ ਪ੍ਰਸ਼ੰਸਕਾਂ ਦਾ ਮੰਨਣਾ ਹੈ ਕਿ ਬੁਮਰਾਹ ਦੀ ਕਪਤਾਨੀ ਦੀਆਂ ਇੱਛਾਵਾਂ ਵੀ ਸਨ ਅਤੇ ਇਸ ਲਈ ਉਹ ਥੋੜ੍ਹਾ ਨਿਰਾਸ਼ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਰੋਹਿਤ ਸ਼ਰਮਾ ਇਸ ਸਮੇਂ ਫਰੈਂਚਾਇਜ਼ੀ ਦੇ ਕਪਤਾਨ ਹਨ ਅਤੇ ਆਉਣ ਵਾਲੇ ਸਮੇਂ 'ਚ ਹਾਰਦਿਕ ਪਾਂਡਿਆ ਉਨ੍ਹਾਂ ਦੀ ਥਾਂ ਲੈ ਸਕਦੇ ਹਨ। ਹਾਰਦਿਕ ਦੀ ਕਪਤਾਨੀ 'ਚ ਗੁਜਰਾਤ ਟਾਈਟਨਜ਼ ਨੇ ਇਕ ਸੀਜ਼ਨ ਦਾ ਖਿਤਾਬ ਜਿੱਤਿਆ ਸੀ, ਜਦੋਂ ਕਿ ਪਿਛਲਾ ਸੀਜ਼ਨ ਉਪ ਜੇਤੂ ਰਿਹਾ ਸੀ। ਆਈਪੀਐਲ 2024 ਦੀ ਨਿਲਾਮੀ ਤੋਂ ਠੀਕ ਪਹਿਲਾਂ ਹਾਰਦਿਕ ਪਾਂਡਿਆ ਨੂੰ ਮੁੰਬਈ ਇੰਡੀਅਨਜ਼ ਨੇ ਗੁਜਰਾਤ ਟਾਈਟਨਜ਼ ਨਾਲ ਕੈਸ਼ ਡੀਲ ’ਚ ਟਰੇਡ ਕੀਤਾ ਸੀ। ਇਹ ਸਾਰਿਆਂ ਲਈ ਹੈਰਾਨੀ ਵਾਲੀ ਗੱਲ ਸੀ ਕਿਉਂਕਿ ਹਾਰਦਿਕ ਉਸ ਟੀਮ ਦਾ ਕਪਤਾਨ ਸੀ।
ਹੁਣ ਹਰ ਕੋਈ ਮੰਨ ਰਿਹਾ ਹੈ ਕਿ ਹਾਰਦਿਕ ਮੁੰਬਈ ਦਾ ਕਪਤਾਨ ਬਣ ਸਕਦਾ ਹੈ, ਜਦੋਂ ਕਿ ਰੋਹਿਤ ਤੋਂ ਬਾਅਦ ਜਸਪ੍ਰੀਤ ਬੁਮਰਾਹ ਨੂੰ ਟੀਮ ਦਾ ਅਗਲਾ ਕਪਤਾਨ ਮੰਨਿਆ ਜਾ ਰਿਹਾ ਸੀ। ਅਜਿਹੇ 'ਚ ਪ੍ਰਸ਼ੰਸਕਾਂ ਦਾ ਮੰਨਣਾ ਹੈ ਕਿ ਹਾਰਦਿਕ ਦੀ ਵਜ੍ਹਾ ਨਾਲ ਉਹ ਕਪਤਾਨ ਨਹੀਂ ਬਣ ਸਕਣਗੇ।
ਦੂਜੇ ਪਾਸੇ ਅਜਿਹੀਆਂ ਖਬਰਾਂ ਹਨ ਕਿ ਬੁਮਰਾਹ ਨੇ ਆਪਣੀ ਆਈਪੀਐਲ ਫ੍ਰੈਂਚਾਇਜ਼ੀ ਨੂੰ ਇੰਸਟਾਗ੍ਰਾਮ 'ਤੇ ਅਨਫਾਲੋ ਕਰ ਦਿੱਤਾ ਹੈ। ਹਾਲਾਂਕਿ, ਉਹ ਭਾਰਤੀ ਟੀਮ ਵਿੱਚ ਆਪਣੇ ਸਾਥੀ ਹਾਰਦਿਕ ਪਾਂਡਿਆ ਅਤੇ ਰੋਹਿਤ ਸ਼ਰਮਾ ਨੂੰ ਫਾਲੋ ਕਰ ਰਹੇ ਹਨ।
(For more news apart from Jasprit Bumrah in IPL 2024, stay tuned to Rozana Spokesman)
