ਡਬਲਯੂ.ਡਬਲਯੂ.ਈ. ਦੇ ਅਧਿਕਾਰੀ ਪਾਲ "ਟ੍ਰਿਪਲ ਐਚ" ਲੇਵੇਸਕ ਨੇ ਸੋਸ਼ਲ ਮੀਡੀਆ 'ਤੇ ਵਿਆਟ ਦੀ ਮੌਤ ਦੀ ਜਾਣਕਾਰੀ ਦਿਤੀ।

ਨਵੀਂ ਦਿੱਲੀ: ਵਰਲਡ ਰੇਸਲਿੰਗ ਇੰਟਰਟੇਨਮੈਂਟ (ਡਬਲਯੂ.ਡਬਲਯੂ.ਈ.) ਸਟਾਰ ਬ੍ਰੇ ਵਿਆਟ ਦਾ 36 ਸਾਲ ਦੀ ਉਮਰ ਵਿਚ ਦੇਹਾਂਤ ਹੋ ਗਿਆ। ਉਨ੍ਹਾਂ ਨੇ ਵੀਰਵਾਰ ਨੂੰ ਆਖ਼ਰੀ ਸਾਹ ਲਿਆ। ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ ਹੈ। ਡਬਲਯੂ.ਡਬਲਯੂ.ਈ. ਦੇ ਅਧਿਕਾਰੀ ਪਾਲ "ਟ੍ਰਿਪਲ ਐਚ" ਲੇਵੇਸਕ ਨੇ ਸੋਸ਼ਲ ਮੀਡੀਆ 'ਤੇ ਵਿਆਟ ਦੀ ਮੌਤ ਦੀ ਜਾਣਕਾਰੀ ਦਿਤੀ।  

ਇਹ ਵੀ ਪੜ੍ਹੋ: ਸ਼ੁਰੂਆਤੀ ਕਾਰੋਬਾਰ 'ਚ ਰੁਪਇਆ 12 ਪੈਸੇ ਡਿੱਗ ਕੇ 82.68 ਪ੍ਰਤੀ ਡਾਲਰ 'ਤੇ ਪਹੁੰਚਿਆ

ਪੌਲ ਲੇਵੇਸਕ ਨੇ ਐਕਸ (ਪਹਿਲਾਂ ਟਵਿਟਰ) 'ਤੇ ਪੋਸਟ ਕੀਤਾ, "ਹੁਣੇ ਹੀ ਡਬਲਯੂ.ਡਬਲਯੂ.ਈ. ਹਾਲ ਆਫ ਫੇਮਰ ਮਾਈਕ ਰੋਟੁੰਡਾ ਤੋਂ ਇਕ ਫੋਨ ਆਇਆ, ਜਿਨ੍ਹਾਂ ਨੇ ਸਾਨੂੰ ਦੁਖਦਾਈ ਖ਼ਬਰ ਬਾਰੇ ਦਸਿਆ ਕਿ ਸਾਡੇ ਡਬਲਯੂ.ਡਬਲਯੂ.ਈ. ਪ੍ਰਵਾਰ ਦੇ ਇਕ ਮੈਂਬਰ, ਵਿੰਡਹੈਮ ਰੋਟੁੰਡਾ, ਜਿਸ ਨੂੰ ਬ੍ਰੇ ਵੀ ਕਿਹਾ ਜਾਂਦਾ ਹੈ, ਦਾ ਦੇਹਾਂਤ ਹੋ ਗਿਆ ਹੈ। ਸਾਡੀ ਹਮਰਦਰਦੀ ਉਨ੍ਹਾਂ ਦੇ ਪ੍ਰਵਾਰ ਨਾਲ ਹੈ ਅਤੇ ਅਸੀਂ ਬੇਨਤੀ ਕਰਦੇ ਹਾਂ ਕਿ ਇਸ ਸਮੇਂ ਉਨ੍ਹਾਂ ਦੀ ਨਿੱਜਤਾ ਦਾ ਸਤਿਕਾਰ ਕੀਤਾ ਜਾਵੇ।"

ਇਹ ਵੀ ਪੜ੍ਹੋ: ਵਿਦੇਸ਼ ਜਾਣ ਦਾ ਰੁਝਾਨ: ਹੁਣ ਧੀਆਂ ਦੀ ਵਿਦੇਸ਼ੀ ਪੜ੍ਹਾਈ ਦਾ ਖਰਚਾ ਚੁੱਕਣ ਵਾਲੇ ਰਿਸ਼ਤੇ ਲੱਭ ਰਹੇ ਮਾਪੇ

ਮੀਡੀਆ ਰੀਪੋਰਟਾਂ  ਅਨੁਸਾਰ, ਬ੍ਰੇ ਵਿਆਟ ਦਾ ਅਸਲੀ ਨਾਮ ਵਿੰਡਹੈਮ ਰੋਟੁੰਡਾ ਹੈ। ਉਹ 2009 ਤੋਂ WWE ਨਾਲ ਜੁੜੇ ਸਨ ਹਾਲਾਂਕਿ ਉਹ 2021 ਅਤੇ 2022 ਵਿਚ ਡਬਲਯੂ.ਡਬਲਯੂ.ਈ. ਦੇ ਨਾਲ ਨਹੀਂ ਸਨ। ਉਸ ਨੂੰ ਇਕ ਸਾਲ ਲਈ ਆਰਾਮ ਦਿਤਾ ਗਿਆ ਸੀ ਅਤੇ ਇਸ ਫ਼ੈਸਲੇ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿਤਾ। ਰੋਟੁੰਡਾ ਪਿਛਲੇ ਸਤੰਬਰ ਵਿਚ ਡਬਲਯੂ.ਡਬਲਯੂ.ਈ. ਵਿਚ ਬਹੁਤ ਧੂਮਧਾਮ ਨਾਲ ਵਾਪਸ ਪਰਤੇ ਸਨ। ਬ੍ਰੇ ਵਿਆਟ ਡਬਲਯੂ.ਡਬਲਯੂ.ਈ. ਵਿਚ ਤਿੰਨ ਵਾਰ ਵਿਸ਼ਵ ਚੈਂਪੀਅਨ ਰਹਿ ਚੁਕੇ ਹਨ।