ਟ੍ਰੈਵਿਸ ਹੈੱਡ ਨੇ 69 ਗੇਂਦਾਂ ਵਿੱਚ ਸੈਂਕੜਾ ਲਗਾਇਆ, ਮਿਚੇਲ ਸਟਾਰਕ ਨੇ ਲਈਆਂ10 ਵਿਕਟਾਂ
ਪਰਥ : ਪਰਥ : ਆਸਟਰੇਲੀਆ ਨੇ ਪਹਿਲਾ ਐਸ਼ੇਜ਼ ਟੈਸਟ 8 ਵਿਕਟਾਂ ਨਾਲ ਜਿੱਤਿਆ ਲਿਆ ਹੈ । ਆਸਟਰੇਲੀਆ ਦੀ ਟੀਮ ਨੇ ਸ਼ਨੀਵਾਰ ਨੂੰ ਪਰਥ ਸਟੇਡੀਅਮ ਵਿੱਚ ਮੈਚ ਦੇ ਦੂਜੇ ਦਿਨ ਇੰਗਲੈਂਡ ਨੂੰ ਹਰਾ ਦਿੱਤਾ । ਟ੍ਰੈਵਿਸ ਹੈੱਡ ਦੇ 69 ਗੇਂਦਾਂ ਵਿੱਚ ਬਣਾਏ ਸੈਂਕੜੇ ਨੇ ਟੀਮ ਨੂੰ ਸਿਰਫ਼ 28.2 ਓਵਰਾਂ ਵਿੱਚ 205 ਦੌੜਾਂ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿੱਚ ਮਦਦ ਕੀਤੀ।
ਇੰਗਲੈਂਡ ਨੇ ਪਹਿਲੀ ਪਾਰੀ ਵਿੱਚ 172 ਦੌੜਾਂ ਅਤੇ ਆਸਟ੍ਰੇਲੀਆ ਨੇ 132 ਦੌੜਾਂ ਬਣਾਈਆਂ । ਦੂਜੀ ਪਾਰੀ ਵਿੱਚ ਇੰਗਲੈਂਡ ਦੀ ਟੀਮ ਸਿਰਫ਼ 164 ਦੌੜਾਂ ਹੀ ਬਣਾ ਸਕੀ ਅਤੇ ਆਸਟਰੇਲੀਆ ਦੀ ਟੀਮ ਨੂੰ ਜਿੱਤ ਲਈ 205 ਦੌੜਾਂ ਦਾ ਟੀਚਾ ਮਿਲਿਆ । ਟ੍ਰੈਵਿਸ ਹੈੱਡ ਨੇ 83 ਗੇਂਦਾਂ ਵਿੱਚ 123 ਦੌੜਾਂ ਅਤੇ ਮਾਰਨਸ ਲਾਬੂਸ਼ੇਨ ਨੇ 49 ਗੇਂਦਾਂ ਵਿੱਚ 51 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦਿਵਾਈ । ਮੈਚ ਵਿੱਚ 10 ਵਿਕਟਾਂ ਲੈਣ ਵਾਲੇ ਮਿਸ਼ੇਲ ਸਟਾਰਕ ਨੂੰ ਪਲੇਅਰ ਆਫ਼ ਦ ਮੈਚ ਚੁਣਿਆ ਗਿਆ।
ਲੜੀ ਦਾ ਦੂਜਾ ਟੈਸਟ 4 ਦਸੰਬਰ ਤੋਂ ਬ੍ਰਿਸਬੇਨ ਦੇ ਗਾਬਾ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਦਿਨ-ਰਾਤ ਦਾ ਹੋਵੇਗਾ ਅਤੇ ਇਹ ਮੈਚ ਵਿੱਚ ਗੁਲਾਬੀ ਗੇਂਦ ਦੀ ਵਰਤੋਂ ਕੀਤੀ ਜਾਵੇਗੀ।
205 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਲਈ ਆਸਟ੍ਰੇਲੀਆ ਨੇ ਟ੍ਰੈਵਿਸ ਹੈੱਡ ਅਤੇ ਜੈਕ ਵੇਦਰਾਲਡ ਨਾਲ ਪਾਰੀ ਦੀ ਸ਼ੁਰੂਆਤ ਕੀਤੀ, ਜੋ ਟੀਮ ਲਈ ਸਹੀ ਸਾਬਤ ਹੋਈ । ਵੇਦਰਾਲਡ 23 ਦੌੜਾਂ ਬਣਾਉਣ ਤੋਂ ਬਾਅਦ ਆਊਟ ਹੋ ਗਿਆ ਅਤੇ ਉਸ ਨੇ ਹੈੱਡ ਨਾਲ 75 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਤੀਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਆਏ ਮਾਰਨਸ ਲਾਬੂਸ਼ੇਨ ਨੇ ਆਪਣੇ ਆਪ ’ਤੇ ਕਾਬੂ ਰੱਖਿਆ ਅਤੇ ਦੂਜੇ ਹੈੱਡ ਨੇ 69 ਗੇਂਦਾਂ ’ਚ ਸੈਂਕੜਾ ਜੜ ਦਿੱਤਾ । ਸੈਂਕੜਾ ਲਗਾਉਣ ਤੋਂ ਬਾਅਦ ਵੀ ਉਸਨੇ ਆਪਣੇ ਸ਼ਾਟ ਖੇਡਣੇ ਜਾਰੀ ਰੱਖੇ ਅਤੇ ਟੀਮ ਨੂੰ 200 ਦੌੜਾਂ ਦੇ ਨੇੜੇ ਲੈ ਗਿਆ । ਹੈੱਡ 83 ਗੇਂਦਾਂ 'ਤੇ 123 ਦੌੜਾਂ ਬਣਾਉਣ ਤੋਂ ਬਾਅਦ ਆਊਟ ਹੋ ਗਿਆ । ਉਸਦੀ ਪਾਰੀ ਵਿੱਚ 16 ਚੌਕੇ ਅਤੇ 4 ਛੱਕੇ ਸ਼ਾਮਲ ਸਨ । ਅੰਤ ਵਿੱਚ ਲਾਬੂਸ਼ੇਨ ਨੇ 51 ਦੌੜਾਂ ਬਣਾਈਆਂ ਅਤੇ ਕਪਤਾਨ ਸਟੀਵ ਸਮਿਥ ਨੇ 2 ਦੌੜਾਂ ਬਣਾਈਆਂ ਅਤੇ ਟੀਮ 28.2 ਓਵਰਾਂ ਵਿੱਚ ਮੈਚ ਜਿੱਤ ਲਿਆ।
