ਸੰਯੁਕਤ ਰਾਸ਼ਟਰ ਦੇ 193 ਮੈਂਬਰ ਦੇਸ਼ਾਂ ’ਚੋਂ 120 ਨੇ ਸੰਯੁਕਤ ਰਾਸ਼ਟਰ ਮਹਾਸਭਾ ’ਚ ਮਤੇ ’ਤੇ ਵੋਟ ਦਿਤੀ

UN resolution : ਭਾਰਤ ਨੇ ਖੇਡਾਂ ਜ਼ਰੀਏ ਸ਼ਾਂਤਮਈ ਅਤੇ ਬਿਹਤਰ ਦੁਨੀਆਂ ਦੇ ਨਿਰਮਾਣ, ਅਤਿਵਾਦ ਅਤੇ ਹਿੰਸਕ ਅਤਿਵਾਦੀ ਨੂੰ ਰੋਕਣ ਅਤੇ ਇਸ ਦਾ ਮੁਕਾਬਲਾ ਕਰਨ ਦੇ ਨਾਲ-ਨਾਲ ਮਨੁੱਖੀ ਅਧਿਕਾਰਾਂ ਨੂੰ ਉਤਸ਼ਾਹਿਤ ਕਰਨ ’ਚ ਖੇਡਾਂ ਦੀ ਭੂਮਿਕਾ ਨੂੰ ਮਨਜ਼ੂਰ ਕਰਨ ਬਾਰੇ ਸੰਯੁਕਤ ਰਾਸ਼ਟਰ ਮਹਾਸਭਾ ਦੇ ਇਕ ਮਤੇ ’ਤੇ ਵੋਟਿੰਗ ’ਚ ਹਿੱਸਾ ਨਹੀਂ ਲਿਆ।

193 ਮੈਂਬਰੀ ਸੰਯੁਕਤ ਰਾਸ਼ਟਰ ਮਹਾਸਭਾ ਨੇ ਮੰਗਲਵਾਰ ਨੂੰ ਫਰਾਂਸ ਵਲੋਂ ਪੇਸ਼ ਕੀਤੇ ਗਏ ‘ਖੇਡਾਂ ਅਤੇ ਓਲੰਪਿਕ ਜ਼ਰੀਏ ਸ਼ਾਂਤੀਪੂਰਨ ਅਤੇ ਬਿਹਤਰ ਸੰਸਾਰ ਦਾ ਨਿਰਮਾਣ’ ਦੇ ਖਰੜੇ ਦੇ ਮਤੇ ਨੂੰ ਅਪਣਾਇਆ।

ਮਤਾ ਰਵਾਇਤੀ ਤੌਰ ’ਤੇ ਸਰਬਸੰਮਤੀ ਨਾਲ ਪਾਸ ਕੀਤਾ ਜਾਂਦਾ ਹੈ, ਪਰ ਇਸ ਸਾਲ ਰੂਸ ਨੇ ਇਸ ਦੇ ਪਾਠ ’ਤੇ ਰੀਕਾਰਡ ਵੋਟ ਦੀ ਮੰਗ ਕੀਤੀ। ਸੰਯੁਕਤ ਰਾਸ਼ਟਰ ਦੇ 193 ਮੈਂਬਰ ਦੇਸ਼ਾਂ ’ਚੋਂ 120 ਨੇ ਸੰਯੁਕਤ ਰਾਸ਼ਟਰ ਮਹਾਸਭਾ ’ਚ ਮਤੇ ’ਤੇ ਵੋਟ ਦਿਤੀ। ਇਸ ਦੇ ਪੱਖ ’ਚ 118 ਵੋਟਾਂ ਪਈਆਂ, ਜਦਕਿ ਇਸ ਵਿਰੁਧ ਕੋਈ ਵੋਟ ਨਹੀਂ ਪਿਆ। ਰੂਸ ਅਤੇ ਸੀਰੀਆ ਗੈਰ-ਹਾਜ਼ਰ ਰਹੇ। ਭਾਰਤ ਉਨ੍ਹਾਂ 73 ਦੇਸ਼ਾਂ ’ਚ ਸ਼ਾਮਲ ਸੀ ਜੋ ਮਤੇ ’ਤੇ ਵੋਟਿੰਗ ਤੋਂ ਦੂਰ ਰਹੇ।

ਮਤੇ ’ਚ ਲੋਕਾਂ ਅਤੇ ਦੇਸ਼ਾਂ ਦਰਮਿਆਨ ਸਹਿਣਸ਼ੀਲਤਾ ਅਤੇ ਸਮਝ ਦਾ ਮਾਹੌਲ ਬਣਾਉਣ ’ਚ ਖੇਡ ਦੇ ਯੋਗਦਾਨ, ਅਤਿਵਾਦ ਅਤੇ ਹਿੰਸਕ ਕੱਟੜਵਾਦ ਨੂੰ ਰੋਕਣ ਅਤੇ ਇਸ ਦਾ ਮੁਕਾਬਲਾ ਕਰਨ ’ਚ ਇਸ ਦੀ ਭੂਮਿਕਾ ਅਤੇ ਹਿੰਸਾ ਅਤੇ ਅਤਿਵਾਦੀਆਂ ਦੀ ਭਰਤੀ ਵਿਰੁਧ ਇਸ ਦੇ ਯੋਗਦਾਨ ਨੂੰ ਮਾਨਤਾ ਦਿਤੀ ਗਈ।

(For more news apart from UN resolution, stay tuned to Rozana Spokesman)