Rahmanullah Gurbaz : ਰਹਿਮਾਨਉੱਲ੍ਹਾ ਗੁਰਬਾਜ਼ ਕੇਕੇਆਰ ਵਿਚ ਇੰਗਲੈਂਡ ਦੇ ਫਿਲ ਸਾਲਟ ਦੀ ਜਗ੍ਹਾ ਟੀਮ ’ਚ ਆਇਆ ਹੈ
Rahmanullah Gurbaz : ਅਹਿਮਦਾਬਾਦ, ਅਫ਼ਗਾਨਿਸਤਾਨ ਦੇ ਵਿਕਟਕੀਪਰ ਬੱਲੇਬਾਜ਼ ਰਹਿਮਾਨਉੱਲ੍ਹਾ ਗੁਰਬਾਜ਼ ਨੇ ਕਿਹਾ ਕਿ ਉਹ ਸਨਰਾਈਜ਼ਰਸ ਹੈਦਰਾਬਾਦ ਖ਼ਿਲਾਫ਼ ਆਈਪੀਐਲ ਪਲੇਆਫ ’ਚ ਕੋਲਕਾਤਾ ਨਾਈਟ ਰਾਈਡਰਜ਼ ਲਈ ਖੇਡਣ ਲਈ ਆਪਣੀ ਬੀਮਾਰ ਮਾਂ ਨੂੰ ਹਸਪਤਾਲ ਵਿਚ ਛੱਡਿਆ ਕਿਉਂਕਿ ਉਹ ਇਸ ਟੀਮ ਨੂੰ ਆਪਣਾ ਪਰਿਵਾਰ ਮੰਨਦਾ ਹੈ। ਇਸ ਸੀਜ਼ਨ ਵਿੱਚ ਆਪਣਾ ਪਹਿਲਾ ਮੈਚ ਖੇਡਣ ਵਾਲੇ ਗੁਰਬਾਜ਼ ਨੇ ਦੋ ਮੈਚ ਲੈਣ ਤੋਂ ਇਲਾਵਾ 14 ਗੇਂਦਾਂ ਵਿਚ 23 ਦੌੜਾਂ ਬਣਾ ਕੇ ਕੇਕੇਆਰ ਦੀ ਜਿੱਤ ਵਿਚ ਅਹਿਮ ਭੂਮਿਕਾ ਨਿਭਾਈ। ਉਹ ਇੰਗਲੈਂਡ ਦੇ ਫਿਲ ਸਾਲਟ ਦੀ ਜਗ੍ਹਾ ਟੀਮ 'ਚ ਆਇਆ ਸੀ। ਕੇਕੇਆਰ ਨੇ ਸਨਰਾਈਜ਼ਰਸ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਫਾਈਨਲ ਵਿਚ ਥਾਂ ਬਣਾਈ। ਗੁਰਬਾਜ਼ ਨੇ ਮੈਚ ਤੋਂ ਬਾਅਦ ਮੀਡੀਆ ਨੂੰ ਕਿਹਾ, ''ਇਕ ਕ੍ਰਿਕਟਰ ਨੂੰ ਹਮੇਸ਼ਾ ਪਤਾ ਹੋਣਾ ਚਾਹੀਦਾ ਹੈ ਕਿ ਉਸ ਨੇ ਕੀ ਕਰਨਾ ਹੈ। ਬਹੁਤ ਘੱਟ ਕ੍ਰਿਕਟਰ ਲੀਗ ਕ੍ਰਿਕਟ ਵਿਚ ਖੇਡਣ ਦੇ ਯੋਗ ਹੁੰਦੇ ਹਨ। ਮੌਕਾ ਮਿਲਣ 'ਤੇ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨਾ ਚਾਹੀਦਾ ਹੈ। ਮੌਕਾ ਨਾ ਮਿਲਣ 'ਤੇ ਵੀ ਹਮੇਸ਼ਾ ਤਿਆਰ ਰਹਿਣਾ ਚਾਹੀਦਾ ਹੈ।''
ਇਹ ਵੀ ਪੜੋ:Nagpur Murder News : ਮਹਾਰਾਸ਼ਟਰ ’ਚ ਮਾਂ ਨੇ ਕੀਤਾ 3 ਸਾਲਾ ਧੀ ਦਾ ਕਤਲ
ਉਨ੍ਹਾਂ ਕਿਹਾ, "ਮੇਰੀ ਮਾਂ ਅਜੇ ਵੀ ਬਿਮਾਰ ਹੈ।" ਮੈਂ ਉੱਥੇ ਗਿਆ ਤਾਂ ਮੈਨੂੰ ਇੱਥੋਂ ਫੋਨ ਆਇਆ ਕਿ ਫਿਲ ਸਾਲਟ ਜਾ ਰਿਹਾ ਹੈ। ਉਸ ਨੇ ਕਿਹਾ ਗੁਰਬਾਜ਼ ਸਾਨੂੰ ਤੇਰੀ ਲੋੜ ਹੈ। ਮੈਂ ਕਿਹਾ ਠੀਕ ਹੈ ਮੈਂ ਆ ਰਿਹਾ ਹਾਂ। ਮੇਰੀ ਮਾਂ ਹਸਪਤਾਲ ਵਿੱਚ ਹੈ ਅਤੇ ਮੈਂ ਲਗਾਤਾਰ ਉਸ ਨਾਲ ਗੱਲ ਕਰ ਰਿਹਾ ਹਾਂ ਪਰ ਇਹ ਵੀ ਮੇਰਾ ਪਰਿਵਾਰ ਹੈ ਮੈਨੂੰ ਦੋਵਾਂ ਨੂੰ ਸੰਤੁਲਿਤ ਕਰਨਾ ਹੈ। ਇਹ ਔਖਾ ਹੈ ਪਰ ਕਰਨਾ ਜ਼ਰੂਰੀ ਹੈ।” ਗੁਰਬਾਜ਼ ਨੇ ਕਿਹਾ ਕਿ ਕੇਕੇਆਰ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦੀ ਯੋਜਨਾ ਬਣਾਈ ਸੀ। ਸਨਰਾਈਜ਼ਰਜ਼ ਦੇ ਕਪਤਾਨ ਪੈਟ ਕਮਿੰਸ ਦਾ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਗ਼ਲਤ ਸਾਬਤ ਹੋਇਆ।
ਇਹ ਵੀ ਪੜੋ:New Transport Rules : ਪਹਿਲੀ ਜੂਨ ਤੋਂ ਨਵੇਂ ਟਰਾਂਸਪੋਰਟ ਨਿਯਮ ਹੋਣਗੇ ਲਾਗੂ, ਜਾਣੋ ਕੀ ਹਨ ਨਿਯਮ
ਇਸ ਮੌਕੇ ਗੁਰਬਾਜ਼ ਨੇ ਕਿਹਾ, ''ਸਾਨੂੰ ਪਤਾ ਹੈ ਕਿ ਸਨਰਾਈਜ਼ਰਸ ਦੀ ਬੱਲੇਬਾਜ਼ੀ ਕਿੰਨੀ ਮਜ਼ਬੂਤ ਹੈ। ਸਾਨੂੰ ਟੀਚਾ ਪਤਾ ਹੋਣਾ ਚਾਹੀਦਾ ਹੈ ਤਾਂ ਜੋ ਅਸੀਂ ਉਸ ਅਨੁਸਾਰ ਖੇਡ ਸਕੀਏ। ਅਸੀਂ ਚੰਗੀ ਗੇਂਦਬਾਜ਼ੀ ਕੀਤੀ ਅਤੇ ਸਨਰਾਈਜ਼ਰਜ਼ ਵਰਗੀ ਟੀਮ ਨੂੰ 160 ਦੌੜਾਂ ਤੱਕ ਸੀਮਤ ਰੱਖਣਾ ਵੱਡੀ ਗੱਲ ਸੀ।
ਉਸ ਨੇ ਕਿਹਾ ਕਿ ਅਫ਼ਗਾਨਿਸਤਾਨ ਦੇ ਖਿਡਾਰੀਆਂ ਦੀ ਨਜ਼ਰ ਅਗਲੇ ਮਹੀਨੇ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 'ਤੇ ਹੈ ਕਿਉਂਕਿ ਦੇਸ਼ ਲਈ ਖੇਡਣਾ ਫਰੈਂਚਾਈਜ਼ੀ ਕ੍ਰਿਕਟ ਤੋਂ ਜ਼ਿਆਦਾ ਮਹੱਤਵਪੂਰਨ ਹੈ।
(For more news apart from difficult leave sick mother in hospital but KKR is also family: Gurbaz News in Punjabi, stay tuned to Rozana Spokesman)
