ਕ੍ਰਿਕੇਟ ਵਿਚ ਲਗਾਤਾਰ ਨਵੇਂ ਨਿਯਮ ਆਉਂਦੇ ਰਹਿੰਦੇ ਹਨ ਅਤੇ ਲਗਾਤਾਰ ਨਿਯਮਾਂ ਵਿਚ ਵੱਡੇ ਬਦਲਾਵ.....
ਆਸਟ੍ਰੇਲੀਆ (ਭਾਸ਼ਾ): ਕ੍ਰਿਕੇਟ ਵਿਚ ਲਗਾਤਾਰ ਨਵੇਂ ਨਿਯਮ ਆਉਂਦੇ ਰਹਿੰਦੇ ਹਨ ਅਤੇ ਲਗਾਤਾਰ ਨਿਯਮਾਂ ਵਿਚ ਵੱਡੇ ਬਦਲਾਵ ਹੁੰਦੇ ਰਹਿੰਦੇ ਹਨ, ਇਸ ਕੜੀ ਵਿਚ ਆਸਟ੍ਰੇਲੀਆ ਵਿਚ ਖੇਡੀ ਜਾ ਰਹੀ ਬਿੱਗ ਬੈਸ਼ ਲੀਗ ਵਿਚ ਇਕ ਵੱਡਾ ਪ੍ਰਯੋਗ ਹੋਇਆ ਹੈ। ਆਸਟ੍ਰੇਲੀਆ ਵਿਚ ਚੱਲ ਰਹੀ ਬਿੱਗ ਬੈਸ਼ ਲੀਗ ਵਿਚ ਟਾਸ ਦਾ ਨਿਯਮ ਹੀ ਬਦਲ ਗਿਆ ਹੈ। ਦਰਅਸਲ ਬਿੱਗ ਬੈਸ਼ ਲੀਗ ਵਿਚ ਇਸ ਵਾਰ ਟਾਸ ਲਈ ਸਿੱਕੇ ਦੀ ਜਗ੍ਹਾ ਬੱਲੇ ਦਾ ਇਸਤੇਮਾਲ ਹੋਇਆ।
Cricket
ਦ ਗਾਬਾ ਵਿਚ ਖੇਡੇ ਜਾ ਰਹੇ ਬਿੱਗ ਬੈਸ਼ ਲੀਗ ਸੀਜ਼ਨ 8 ਦਾ ਪਹਿਲਾ ਮੈਚ ਐਡੀਲੈਡ ਸਟਰਾਇਕਰਸ ਅਤੇ ਬ੍ਰਿਸਬੇਨ ਹਿਟ ਦੇ ਵਿਚ ਹੋਇਆ। ਜਿਸ ਦਾ ਟਾਸ ਐਡੀਲੈਡ ਸਟਰਾਇਕਰਸ ਦੇ ਕਪਤਾਨ ਕਾਲਿਨ ਇਨਗਰਾਮ ਨੇ ਜਿੱਤਿਆ। ਇਸ ਮੁਕਾਬਲੇ ਵਿਚ ਮੈਥਿਊ ਹੈਡਨ ਨੇ ਬੱਲੇ ਨੂੰ ਉਛਾਲਿਆ। ਤੁਹਾਨੂੰ ਦੱਸ ਦਈਏ ਬਿੱਗ ਬੈਸ਼ ਵਿਚ ਟਾਸ ਲਈ ਇਸਤੇਮਾਲ ਹੋ ਰਿਹਾ ਬੱਲਾ ਇਕ ਵਿਸ਼ੇਸ਼ ਤਰ੍ਹਾਂ ਦਾ ਬੱਲਾ ਹੈ। ਹਾਲਾਂਕਿ ਬੱਲਾ ਫਲਿਪ ਟਾਸ ਦਾ ਸਰੋਤਿਆਂ ਕਾਫ਼ੀ ਮਜਾਕ ਉਡਾ ਰਹੇ ਹਨ।
.@StrikersBBL win the bat flip and will bowl first #BBL08 pic.twitter.com/9MiFftCtNY
— KFC Big Bash League (@BBL) December 19, 2018
ਉਨ੍ਹਾਂ ਨੂੰ ਇਹ ਮਜਾਕ ਅਜਿਹਾ ਲੱਗ ਰਿਹਾ ਹੈ। ਕਈ ਲੋਕਾਂ ਨੇ ਇਸ ਨੂੰ ਅਜੀਬੋਗਰੀਬ ਕਰਾਰ ਦਿਤਾ। ਤੁਹਾਨੂੰ ਦੱਸ ਦਈਏ ਇਹ ਲੀਗ 19 ਦਸੰਬਰ ਤੋਂ ਸ਼ੁਰੂ ਹੋ ਕੇ 17 ਫਰਵਰੀ ਤੱਕ ਚੱਲੇਗੀ। ਇਸ ਵਾਰ ਇਸ ਲੀਗ ਵਿਚ ਸਭ ਤੋਂ ਜ਼ਿਆਦਾ ਮੈਚ ਖੇਡੇ ਜਾਣਗੇ। ਲੀਗ ਵਿਚ 8 ਟੀਮਾਂ ਦੇ ਵਿਚ ਕੁਲ 59 ਮੈਚ ਖੇਡੇ ਜਾਣਗੇ।
