Cricketer Kuldeep Yadav ties the knot
ਬਚਪਨ ਦੀ ਦੋਸਤ ਵੰਸ਼ਿਕਾ ਸਿੰਘ ਨਾਲ ਲਏ ਸੱਤ ਫੇਰੇ
ਮਸੂਰੀ : ਕ੍ਰਿਕਟਰ ਕੁਲਦੀਪ ਯਾਦਵ 14 ਮਾਰਚ ਨੂੰ ਵਿਆਹ ਬੰਧਨ ’ਚ ਬੱਝ ਗਏ। ਉਨ੍ਹਾਂ ਆਪਣੀ ਬਚਪਨ ਦੀ ਦੋਸਤ ਵੰਸ਼ਿਕਾ ਸਿੰਘ ਨਾਲ ਸੱਤ ਫੇਰੇ ਲਏ। ਮਸੂਰੀ ਸਥਿਤ ਆਈਟੀਸੀ ਸੇਵਾਏ ਹੋਟਲ ’ਚ ਸ਼ਾਹੀ ਅੰਦਾਜ਼ ’ਚ ਦੋਵਾਂ ਨੇ ਸੱਤ ਫੇਰੇ ਲਏ। ਜ਼ਿਕਰਯੋਗ ਹੈ ਪਿਛਲੇ ਤਿੰਨ ਦਿਨ ਤੋਂ ਇਥੇ ਵਿਆਹ ਦੀਆਂ ਰਸਮਾਂ ਚੱਲ ਰਹੀਆਂ ਹਨ।
ਜੈਮਾਲਾ ਦੇ ਲਈ ਮੰਚ ਵੱਲ ਜਾਂਦੇ ਸਮੇਂ ਕੁਲਦੀਪ ਯਾਦਵ ਅਤੇ ਵੰਸ਼ਿਕਾ ਸਿੰਘ ਨੇ ਇਕ-ਦੂਜੇ ਦਾ ਹੱਥ ਫੜਿਆ ਹੋਇਆ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਜੈਮਾਲਾ ਦੀ ਰਸਮ ਪੂਰੀ ਕੀਤੀ ਅਤੇ ਰਾਤ ’ਚ ਰੀਤੀ-ਰਿਵਾਜ਼ ਅਨੁਸਾਰ 7 ਫੇਰੇ ਲਏ। ਇਸ ਤੋਂ ਪਹਿਲਾਂ ਕੁਲਦੀਪ ਯਾਦਵ ਨੇ ਗੋਲਡਨ ਸ਼ੇਰਵਾਨੀ ਪਹਿਨ ਕੇ ਘੋੜੇ ’ਤੇ ਸਵਾਰ ਹੋ ਕੇ ਬਰਾਤ ਲੈ ਕੇ ਲਾੜੀ ਨੂੰ ਲੈ ਲਈ ਨਿਕਲੇ। ਬਰਾਤ ’ਚ ਮੌਜੂਦ ਕ੍ਰਿਕਟਰਜ਼ ਨੇ ਗੁਲਾਬੀ ਅਤੇ ਸਫੇਦ ਰੰਗ ਦੀਆਂ ਪੱਗਾਂ ਬੰਨ੍ਹੀਆਂ ਹੋਈਆਂ ਸਨ। ਢੋਲ ਦੇ ਡੱਗੇ ’ਤੇ ਕ੍ਰਿਕਟ ਖਿਡਾਰੀਆਂ ਨੇ ਜਮ ਕੇ ਭੰਗੜਾ ਪਾਇਆ।
