ਚੀਨੀ ਐਪ ’ਤੇ ਪਾਬੰਦੀ ਲੱਗਣ ਤੋਂ ਬਾਅਦ ਟਵਿਟਰ ’ਤੇ ਪਬਜੀ ਅਤੇ ਜ਼ੂਮ ਐਪ ਵੀ ਟਰੈਂਡ ਹੋਣ ਲੱਗ ਪਏ।
ਚੀਨੀ ਐਪ ’ਤੇ ਪਾਬੰਦੀ ਲੱਗਣ ਤੋਂ ਬਾਅਦ ਟਵਿਟਰ ’ਤੇ ਪਬਜੀ ਅਤੇ ਜ਼ੂਮ ਐਪ ਵੀ ਟਰੈਂਡ ਹੋਣ ਲੱਗ ਪਏ। ਟਵਿਟਰ ’ਤੇ ਲੋਕ ਸਵਾਲ ਪੁਛਣ ਲੱਗੇ ਹਨ ਕਿ ਆਖ਼ਰ ਇੰਨੇ ਸਾਰੇ ਚੀਨੀ ਐਪ ’ਤੇ ਪਾਬੰਦੀ ਲੱਗਣ ਤੋਂ ਬਾਅਦ ਪਬਜੀ ਤੇ ਜ਼ੂਮ ਐਪ ਕਿਉਂ ਨਹੀਂ ਬੰਦ ਕੀਤੇ ਗਏ?
PUBG
ਅਜਿਹੇ ਵਿਚ ਅਸੀਂ ਦਸਦੇ ਹਾਂ ਕਿ ਆਖ਼ਰ ਕਿਉਂ ਇਨ੍ਹਾਂ ਐਪ ’ਤੇ ਪਾਬੰਦੀ ਨਹੀਂ ਲਗਾਈ ਗਈ ਜਿਸ ਨੂੰ ਖ਼ੁਦ ਭਾਰਤ ਸਰਕਾਰ ਨੇ ਨਾ ਇਸਤੇਮਾਲ ਕਰਨ ਦੀ ਸਲਾਹ ਦਿਤੀ ਸੀ। ਦਸਣਯੋਗ ਹੈ ਕਿ ਪਬਜੀ ਚੀਨੀ ਨਹੀਂ, ਅਸਲ ਵਿਚ ਸਾਊਥ ਕੋਰਿਆਈ ਆਨਲਾਈਨ ਗੇਮ ਹੈ।
File Photo
ਇਸ ਨੂੰ ਬਲੂਵ੍ਹੇਲ ਦੀ ਸਹਾਇਕ ਕੰਪਨੀ ਬੈਟਲਗਰਾਊਂਡ ਨੇ ਬਣਾਇਆ ਹੈ। ਇਸ ਗੇਮ ਨੂੰ ਸ਼ੁਰੂਆਤ ਵਿਚ ਬਰੈਂਡਨ ਨੇ ਬਣਾਇਆ ਸੀ, ਜੋ 2000 ਦੀ ਜਾਪਾਨੀ ਫ਼ਿਲਮ ‘ਬੈਟਲ ਰਾਇਲ’ ਨਾਲ ਪ੍ਰਭਾਵਿਤ ਸੀ। ਚੀਨੀ ਕੁਨੈਕਸ਼ਨ ਦੀ ਗੱਲ ਕਰੀਏ ਤਾਂ ਚੀਨੀ ਸਰਕਾਰ ਨੇ ਸ਼ੁਰੂਆਤ ਵਿਚ ਪਬਜੀ ਗੇਮ ਨੂੰ ਚੀਨ ਵਿਚ ਇਜਾਜ਼ਤ ਦੇਣ ਤੋਂ ਨਾਂਹ ਕਰ ਦਿਤੀ ਸੀ।
Zoom App
ਬਾਅਦ ਵਿਚ ਚੀਨ ਦੇ ਸੱਭ ਤੋਂ ਵੱਡੇ ਵੀਡੀਓ ਗੇਮ ਪਬਲਿਸ਼ਰ ਟੈਨਸੈਂਟ ਦੀ ਮਦਦ ਨਾਲ ਇਸ ਨੂੰ ਚੀਨ ਵਿਚ ਪੇਸ਼ ਕੀਤਾ ਗਿਆ। ਜ਼ੂਮ ਕਮਿਊਨੀਕੇਸ਼ਨ ਅਮਰੀਕੀ ਕੰਪਨੀ ਹੈ। ਇਸ ਦਾ ਹੈੱਡ ਕੁਆਰਟਰ ਕੈਲੀਫ਼ੋਰਨੀਆ ਵਿਚ ਹੈ। ਲਾਕਡਾਊਨ ਦੌਰਾਨ ਇਹ ਵੀਡੀਉ ਕਾਨਫ਼ਰੰਸਿੰਗ ਐਪ ਕਾਫ਼ੀ ਪ੍ਰਸਿੱਧ ਹੋਈ। ਇਸ ਦੌਰਾਨ ਡੇਟਾ ਸਕਿਉਰਿਟੀ ਸਬੰਧੀ ਸਵਾਲ ਉੱਠੇ, ਹਾਲਾਂਕਿ ਹੁਣ ਕੰਪਨੀ ਇਸ ਵਿਚ ਸੁਧਾਰ ਦਾ ਦਾਅਵਾ ਕਰ ਰਹੀ ਹੈ।
