ਬੀਤੇ ਦਿਨੀਂ ਫ਼ੋਰਬਸ ਨੇ ਸੱਭ ਤੋਂ ਜ਼ਿਆਦਾ ਪੈਸੇ ਕਮਾਉਣ ਵਾਲੇ ਖਿਡਾਰੀਆਂ ਦੀ ਸੂਚੀ ਜਾਰੀ ਕੀਤੀ
ਬੀਤੇ ਦਿਨੀਂ ਫ਼ੋਰਬਸ ਨੇ ਸੱਭ ਤੋਂ ਜ਼ਿਆਦਾ ਪੈਸੇ ਕਮਾਉਣ ਵਾਲੇ ਖਿਡਾਰੀਆਂ ਦੀ ਸੂਚੀ ਜਾਰੀ ਕੀਤੀ ਅਤੇ ਉਮੀਦ ਮੁਤਾਬਕ ਅਮਰੀਕਨ ਮੁੱਕੇਬਾਜ਼ ਫ਼ਲਾਇਡ ਮੇਵੇਦਰ ਇਸ ਸੂਚੀ 'ਚ ਪਹਿਲੇ ਸਥਾਨ 'ਤੇ ਰਿਹਾ। ਉਸ ਦੀ ਕਮਾਈ 1913.3 ਕਰੋੜ ਰੁਪਏ ਹੈ। ਪਰ ਇੱਥੇ ਦੱਸਣਾ ਬਣਦਾ ਹੈ ਕਿ ਇਸ ਰਾਸ਼ੀ ਦਾ ਸੱਭ ਤੋਂ ਵੱਡਾ ਹਿੱਸਾ 1845.2 ਕਰੋੜ ਰੁਪਏ ਕਮਾਉਣ ਲਈ ਮੇਵੇਦਰ ਨੂੰ ਸਿਰਫ਼ 36 ਮਿੰਟ ਲੱਗੇ ਸਨ। ਉਸ ਨੇ ਇਹ ਰਾਸ਼ੀ 27 ਅਗੱਸਤ 2017 ਨੂੰ ਜਿੱਤੀ ਸੀ।
conor mcgregorਫ਼ਲਾਇਡ ਮੇਵੇਦਰ ਅਤੇ ਕੋਨਾਰ ਮੇਕਗ੍ਰੇਗਰ ਦਰਮਿਆਨ ਇਹ ਉਚ ਪਧਰੀ ਮੁਕਾਬਲਾ ਮੁੱਕੇਬਾਜ਼ੀ ਇਤਿਹਾਸ 'ਚ ਹੁਣ ਤਕ ਦੀ ਸੱਭ ਤੋਂ ਮਹਿੰਗੀ ਫ਼ਾਈਟ ਸੀ। ਇਸ ਮੁਕਾਬਲੇ ਲਈ 600 ਮਿਲੀਅਨ ਡਾਲਰ ਦਾਅ 'ਤੇ ਲੱਗੇ ਸਨ, ਯਾਨੀ ਕਿ 4000 ਕਰੋੜ ਰੁਪਏ। ਇਸ 'ਚ ਮੁਕਾਬਲਾ ਜਿੱਤਣ 'ਤੇ ਮੇਵੇਦਰ ਨੂੰ 275 ਮਿਲੀਅਨ ਯਾਨੀ ਕਿ 1845.2 ਕਰੋੜ ਰੁਪਏ ਮਿਲੇ ਸੀ। ਲਾਸ ਵੇਗਾਸ 'ਚ ਹੋਏ ਇਸ ਉਚ ਕੋਟੀ ਦੇ ਮੁਕਾਬਲੇ ਨੂੰ 220 ਦੇਸ਼ਾਂ 'ਚ ਲਾਈਵ ਚਲਾਇਆ ਗਿਆ ਸੀ।
floyd mayweatherਐਮ.ਐਮ.ਏ. ਮੁੱਕੇਬਾਜ਼ ਨਾਲ ਹੋਏ ਇਸ ਮੁਕਾਬਲੇ ਤੋਂ ਮਿਲੀ ਰਾਸ਼ੀ ਨਾਲ ਮੇਵੇਦਰ ਦੀ ਕੁਲ ਕਮਾਈ 'ਚ ਜ਼ਬਰਦਸਤ ਵਾਧਾ ਹੋਇਆ ਹੈ। ਹੁਣ ਉਸ ਦੇ ਕਰੀਅਰ ਦੀ ਕੁਲ ਕਮਾਈ ਇਕ ਬਿਲੀਅਨ ਡਾਲਰ ਤੋਂ ਜ਼ਿਆਦਾ ਹੋ ਗਈ ਹੈ। ਯਾਨੀ ਕਿ ਉਹ 67.1 ਅਰਬ ਰੁਪਏ ਕਮਾ ਚੁਕਾ ਹੈ। ਉਹ ਤੀਜਾ ਖਿਡਾਰੀ ਹੈ, ਜਿਸ ਦੇ ਕਰੀਅਰ ਦੀ ਕੁਲ ਕਮਾਈ ਦੀ ਰਾਸ਼ੀ 10 ਫ਼ੀਗਰ 'ਚ ਪਹੁੰਚ ਚੁਕੀ ਹੈ। ਮੇਵੇਦਰ ਤੋਂ ਇਲਾਵਾ ਬਾਸਕਟਬਾਲ ਖਿਡਾਰੀ ਮਾਈਕਲ ਜਾਰਡਨ ਅਤੇ ਗੋਲਫ਼ਰ ਟਾਈਗਰ ਵੁਡਸ ਹੀ ਅਜਿਹਾ ਕਰ ਸਕਦੇ ਹਨ।
