ਗੋਲਡ ਕੋਸਟ ਰਾਸ਼ਟਰਮੰਡਲ ਖੇਡਾਂ 'ਚ ਖਿਤਾਬੀ ਮੁਕਾਬਲੇ ਤੋਂ ਬਾਅਦ ਸਾਇਨਾ ਨੇਹਵਾਲ ਅਤੇ ਪੀ.ਵੀ. ਸਿੰਧੂ ਰਾਸ਼ਟਰੀ ਬੈਡਮਿੰਟਨ ਕੋਚ ਪੁਲੇਲਾ ਗੋਪੀਚੰਦ ਦੀਆਂ ਵੱਖ-ਵੱਖ ਅਕਾਦ...
ਨਵੀਂ ਦਿੱਲੀ : ਗੋਲਡ ਕੋਸਟ ਰਾਸ਼ਟਰਮੰਡਲ ਖੇਡਾਂ 'ਚ ਖਿਤਾਬੀ ਮੁਕਾਬਲੇ ਤੋਂ ਬਾਅਦ ਸਾਇਨਾ ਨੇਹਵਾਲ ਅਤੇ ਪੀ.ਵੀ. ਸਿੰਧੂ ਰਾਸ਼ਟਰੀ ਬੈਡਮਿੰਟਨ ਕੋਚ ਪੁਲੇਲਾ ਗੋਪੀਚੰਦ ਦੀਆਂ ਵੱਖ-ਵੱਖ ਅਕਾਦਮੀਆਂ 'ਚ ਅਭਿਆਸ ਕਰ ਰਹੀਆਂ ਹਨ ਤਾਂ ਜੋ ਇਕ ਦੂਜੇ ਦੀ ਰਣਨੀਤੀ ਅਤੇ ਨਵੀਂ ਤਕਨੀਕ ਦਾ ਪਤਾ ਨਾ ਲਗ ਸਕੇ। ਦੋਵੇਂ ਰਾਸ਼ਟਰੀ ਕੋਚ ਪੁਲੇਲੇ ਗੋਪੀਚੰਦ ਦੇ ਮਾਰਗਦਰਸ਼ਨ 'ਚ ਹੀ ਅਭਿਆਸ ਕਰ ਰਹੀਆਂ ਹਨ ਜੋ ਦੋਵੇਂ ਅਕਾਦਮੀਆਂ ਨੂੰ ਸਮਾਂ ਦੇ ਰਹੇ ਹਨ।
Saina and Sindhu practice
ਇਹ ਘਟਨਾਕ੍ਰਮ ਗੋਲਡ ਕੋਸਟ ਰਾਸ਼ਟਰਮੰਡਲ ਖੇਡਾਂ ਦੇ ਬਾਅਦ ਦਾ ਹੈ ਜਿਸ 'ਚ ਸਾਇਨਾ ਨੇ ਸਿੰਧੂ ਨੂੰ ਹਰਾ ਕੇ ਸੋਨ ਤਮਗਾ ਜਿੱਤਿਆ ਸੀ। ਸਿੰਧੂ ਦੇ ਪਿਤਾ ਪੀ.ਵੀ. ਰਮੰਨਾ ਨੇ ਪੱਤਰਕਾਰਾਂ ਨੂੰ ਕਿਹਾ, ''ਸਿੰਧੂ ਨਵੀਂ ਅਕਾਦਮੀ 'ਚ ਅਭਿਆਸ ਨੂੰ ਲੈ ਕੇ ਸਹਿਜ ਨਹੀਂ ਸੀ। ਇਹ ਵਿਅਕਤੀਗਤ ਖੇਡ ਹੈ ਤਾਂ ਮੁਕਾਬਲੇਬਾਜ਼ੀ ਰਹੇਗੀ ਹੀ। ਲਿਹਾਜ਼ਾ ਉਸ ਨੇ ਰਾਸ਼ਟਰਮੰਡਲ ਖੇਡਾਂ ਦੇ ਬਾਅਦ ਪੁਰਾਣੀ ਅਕਾਦਮੀ 'ਚ ਹੀ ਅਭਿਆਸ ਕਰਨ ਦਾ ਫੈਸਲਾ ਕੀਤਾ ਹੈ।''
Saina and Sindhu
ਉਨ੍ਹਾਂ ਕਿਹਾ, ''ਇਕੱਠਿਆਂ ਅਭਿਆਸ ਕਰਨ 'ਤੇ ਦੋਹਾਂ ਨੂੰ ਇਕ ਦੂਜੇ ਦੀਆਂ ਕਮਜ਼ੋਰੀਆਂ, ਫਿੱਟਨੈਸ ਅਤੇ ਰਣਨੀਤੀ ਦੇ ਬਾਰੇ 'ਚ ਪਤਾ ਲਗ ਜਾਵੇਗਾ।'' ਉਨ੍ਹਾਂ ਕਿਹਾ, ''ਇਸੇ ਵਜ੍ਹਾ ਕਰ ਕੇ ਸਾਇਨਾ ਨੇ ਅਕਦਾਮੀ ਛੱਡ ਕੇ ਵਿਮਲ ਕੁਮਾਰ ਦੇ ਕੋਲ ਜਾਣ ਦਾ ਫੈਸਲਾ ਕੀਤਾ ਸੀ ਅਤੇ ਉਹ ਤਿੰਨ ਸਾਲ ਬਾਅਦ ਗੋਪੀਚੰਦ ਅਕਾਦਮੀ 'ਚ ਪਰਤੀ ਹੈ।'' ਗੋਪੀਚੰਦ ਦੀ ਦੂਜੀ ਅਕਾਦਮੀ ਪੁਰਾਣੀ ਤੋਂ ਡੇਢ ਕਿਲੋਮੀਟਰ ਦੂਰ ਹੈ। ਖਿਡਾਰੀ ਨਵੀਂ ਅਕਾਦਮੀ 'ਤੇ ਅਭਿਆਸ ਕਰ ਰਹੇ ਸਨ। ਰਮੰਨਾ ਨੇ ਕਿਹਾ, ''ਗੋਪੀ ਸਵੇਰੇ 7 ਤੋਂ 8.30 ਤੱਕ ਉਸ ਨੂੰ ਅਭਿਆਸ ਕਰਾਉਂਦੇ ਹਨ ਜਿਸ ਤੋਂ ਬਾਅਦ ਦੋ ਇੰਡੋਨੇਸ਼ੀਆਈ ਕੋਚਾਂ ਦੀ ਦੇਖਰੇਖ 'ਚ ਉਹ ਅਭਿਆਸ ਕਰਦੀ ਹੈ।''
