La Liga: Real Madrid beat Alwes
ਕਰੀਮ ਬੇਨਜੇਮਾ ਅਤੇ ਵਿਨਿਸਿਅਸ ਜੂਨੀਅਰ ਦੇ ਗੋਲ ਦੀ ਬਦੌਲਤ ਰੀਅਲ ਮੈਡ੍ਰਿਡ ਨੇ ਐਤਵਾਰ ਨੂੰ ਅਲਾਵੇਸ ਨੂੰ 3-0 ਨਾਲ ਹਰਾ ਕੇ ਲਾ ਲੀਗਾ 'ਚ ਬਾਰਸੀਲੌਨਾ ਅਤੇ ਐਟਲੈਟਿਕੋ.....
ਮੈਡ੍ਰਿਡ : ਕਰੀਮ ਬੇਨਜੇਮਾ ਅਤੇ ਵਿਨਿਸਿਅਸ ਜੂਨੀਅਰ ਦੇ ਗੋਲ ਦੀ ਬਦੌਲਤ ਰੀਅਲ ਮੈਡ੍ਰਿਡ ਨੇ ਐਤਵਾਰ ਨੂੰ ਅਲਾਵੇਸ ਨੂੰ 3-0 ਨਾਲ ਹਰਾ ਕੇ ਲਾ ਲੀਗਾ 'ਚ ਬਾਰਸੀਲੌਨਾ ਅਤੇ ਐਟਲੈਟਿਕੋ ਮੈਡ੍ਰਿਡ ਨਾਲ ਆਪਣੇ ਅੰਕਾਂ ਦੇ ਫਰਕ ਨੂੰ ਘੱਟ ਕੀਤਾ। ਬੇਨਜੇਮਾ, ਵਿਨਿਸਿਅਸ ਅਤੇ ਗੈਰੇਥ ਬੇਲ ਨੇ ਪਹਿਲੀ ਵਾਰ ਨਾਲ-ਨਾਲ ਸ਼ੁਰੂਆਤ ਕੀਤੀ ਅਤੇ ਇਸ ਵਿਚੋਂ 2 ਖਿਡਾਰੀਆਂ ਨੇ ਗੋਲ ਕੀਤੇ। ਮੈਡ੍ਰਿਡ ਨੂੰ ਵੇਲੇਂਸਿਆ ਵਿਰੁਧ ਬਾਰਸੀਲੋਨਾ ਦੇ ਡਰਾਅ ਅਤੇ ਐਟਲੈਟਿਕੋ ਦੀ ਰੀਅਲ ਬੇਟਿਸ ਵਿਰੁਧ ਹਾਰ ਦਾ ਵੀ ਫਾਇਦਾ ਮਿਲਿਆ। ਮੈਡ੍ਰਿਡ ਵਲੋਂ ਇਕ ਹੋਰ ਗੋਲ ਬਦਲ ਖਿਡਾਰੀ ਮਾਰਿਆਨੋ ਡਿਆਜ ਨੇ ਕੀਤਾ।
ਇਸ ਜਿੱਤ ਨਾਲ ਰੀਅਲ ਮੈਡ੍ਰਿਡ ਦੇ 22 ਮੈਚਾਂ ਵਿਚ 42 ਅੰਕ ਹੋ ਗਏ ਹਨ ਅਤੇ ਟੀਮ ਤੀਜੇ ਸਥਾਨ 'ਤੇ ਹੈ। ਐਟਲੈਟਿਕੋ ਮੈਡ੍ਰਿਡ ਇੰਨੇ ਹੀ ਮੈਚਾਂ ਵਿਚ 44 ਅੰਕਾਂ ਦੇ ਨਾਲ ਦੂਜੇ ਜਦਕਿ ਬਾਰਸੀਲੋਨਾ 50 ਅੰਕਾਂ ਦੇ ਨਾਲ ਚੋਟੀ 'ਤੇ ਹੈ।
