ਦੱਖਣ ਅਫ਼ਰੀਕਾ ਨੇ ਡੇਲ ਸਟੇਨ ਦੀ ਥਾਂ ਬਿਊਰਨ ਹੈਂਡ੍ਰਿਕਸ ਨੂੰ ਟੀਮ 'ਚ ਸ਼ਾਮਲ ਕੀਤਾ
ਲੰਦਨ : ਵਿਸ਼ਵ ਕੱਪ 'ਚ ਆਪਣੇ ਦੋ ਸ਼ੁਰੂਆਤੀ ਮੈਚ ਹਾਰ ਚੁੱਕੀ ਦੱਖਣ ਅਫ਼ਰੀਕੀ ਟੀਮ ਨੂੰ ਇਕ ਹੋਰ ਵੱਡੀ ਝਟਕਾ ਲੱਗਾ ਹੈ। ਟੀਮ ਦੇ ਅਹਿਮ ਤੇਜ਼ ਗੇਂਦਬਾਜ਼ ਡੇਲ ਸਟੇਨ ਵਿਸ਼ਵ ਕੱਪ 2019 ਤੋਂ ਬਾਹਰ ਹੋ ਗਏ ਹਨ। ਮੋਡੇ 'ਚ ਲੱਗੀ ਸੱਟ ਕਾਰਨ ਸਟੇਨ ਨੂੰ ਪਹਿਲੇ ਦੋ ਮੈਚਾਂ 'ਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ ਸੀ।
After watching his side slump to a second #CWC19 defeat, Dale Steyn bowled a couple of overs in the middle as he races to be fit for South Africa's must-win clash against India on Wednesday. pic.twitter.com/N8I2FvgWio
— Cricket World Cup (@cricketworldcup) 2 June 2019
ਦੱਖਣ ਅਫ਼ਰੀਕਾ ਨੇ ਡੇਲ ਸਟੇਨ ਦੀ ਥਾਂ ਬਿਊਰਨ ਹੈਂਡ੍ਰਿਕਸ ਨੂੰ ਟੀਮ 'ਚ ਸ਼ਾਮਲ ਕੀਤਾ ਹੈ। ਹੈਂਡ੍ਰਿਕਸ ਭਾਰਤ ਵਿਰੁੱਧ 5 ਜੂਨ ਨੂੰ ਖੇਡੇ ਜਾਣ ਵਾਲੇ ਮੁਕਾਬਲੇ 'ਚ ਟੀਮ ਨਾਲ ਜੁੜਨਗੇ। ਹੈਂਡ੍ਰਿਕਸ ਨੇ ਇਸੇ ਸਾਲ ਇਕ ਰੋਜ਼ਾ ਮੈਚ 'ਚ ਡੈਬਿਊ ਕੀਤਾ ਹੈ। ਡੇਲ ਸਟੇਨ ਆਈ.ਪੀ.ਐਲ. 'ਚ ਰਾਇਲ ਚੈਲੇਂਜਰ ਬੰਗਲੁਰੂ ਲਈ ਸਿਰਫ਼ ਦੋ ਮੈਚ ਖੇਡ ਕੇ ਟੂਰਨਾਮੈਂਟ 'ਚੋਂ ਬਾਹਰ ਹੋ ਗਏ ਸਨ।
Beuran Hendricks
ਜ਼ਿਕਰਯੋਗ ਹੈ ਕਿ ਦੱਖਣ ਅਫ਼ਰੀਕੀ ਤੇਜ਼ ਗੇਂਦਬਾਜ਼ ਲੁੰਗੀ ਐਨਗਿਦੀ ਵੀ ਸੱਟ ਨਾਲ ਜੂਝ ਰਹੇ ਹਨ ਅਤੇ ਉਹ 10 ਦਿਨ ਬਾਅਦ ਹੀ ਮੈਦਾਨ 'ਤੇ ਵਾਪਸੀ ਕਰ ਸਕਣਗੇ। ਇਸ ਤੋਂ ਇਲਾਵਾ ਸਲਾਮੀ ਬੱਲੇਬਾਜ਼ ਹਾਸ਼ਿਮ ਅਮਲਾ ਵੀ ਸੱਟ ਕਾਰਨ ਪ੍ਰੇਸ਼ਾਨ ਹਨ।
