ਬੀਸੀਸੀਆਈ ਨੂੰ ਕ੍ਰਿਕਟ ਜਗਤ ਦਾ ਸਭ ਤੋਂ ਅਮੀਰ ਬੋਰਡ ਮੰਨਿਆ ਜਾਂਦਾ ਹੈ। ਉਹ ਹਰ ਸਮਾਗਮ ਨੂੰ ਵਿਸ਼ਾਲ ਅਤੇ ਵੱਡੇ ਪੱਧਰ 'ਤੇ ਆਯੋਜਿਤ ਕਰਦਾ ਹੈ।
ਨਵੀਂ ਦਿੱਲੀ- ਬੀਸੀਸੀਆਈ ਨੂੰ ਕ੍ਰਿਕਟ ਜਗਤ ਦਾ ਸਭ ਤੋਂ ਅਮੀਰ ਬੋਰਡ ਮੰਨਿਆ ਜਾਂਦਾ ਹੈ। ਉਹ ਹਰ ਸਮਾਗਮ ਨੂੰ ਵਿਸ਼ਾਲ ਅਤੇ ਵੱਡੇ ਪੱਧਰ 'ਤੇ ਆਯੋਜਿਤ ਕਰਦਾ ਹੈ। ਇਸ ਦੀ ਸਭ ਤੋਂ ਵੱਡੀ ਉਦਾਹਰਣ ਵਿਸ਼ਵ ਦੀ ਸਭ ਤੋਂ ਸਫਲ ਟੀ -20 ਲੀਗ ਆਈਪੀਐਲ ਹੈ। ਬੀਸੀਸੀਆਈ ਦੀ ਇਸ ਲੀਗ ਵਿਚ ਬਹੁਤ ਸਾਰਾ ਪੈਸਾ ਖਰਚ ਹੁੰਦਾ ਹੈ ਅਤੇ ਇਹ ਖਿਡਾਰੀਆਂ 'ਤੇ ਬੇਸ਼ੁਮਾਰ ਖਰਚ ਵੀ ਕਰਦਾ ਹੈ।
BCCI
ਇਹੀ ਕਾਰਨ ਹੈ ਕਿ ਹਰ ਖਿਡਾਰੀ ਆਈਪੀਐਲ ਵਿਚ ਖੇਡਣਾ ਚਾਹੁੰਦਾ ਹੈ। ਹਾਲਾਂਕਿ, ਅਜਿਹਾ ਲਗਦਾ ਹੈ ਕਿ ਪਹਿਲੀ ਵਾਰ, ਆਈਪੀਐਲ 'ਤੇ ਆਰਥਿਕ ਮੰਦੀ ਦਾ ਪ੍ਰਭਾਵ ਹੋਇਆ ਹੈ, ਜਿਸ ਕਾਰਨ ਇਸ ਸਾਲ ਲੀਗ 'ਚ ਬਹੁਤ ਵਿੱਤੀ ਕਟੌਤੀ ਕੀਤੀ ਜਾ ਰਹੀ ਹੈ। ਉਦਘਾਟਨ ਸਮਾਰੋਹ ਨੂੰ ਰੱਦ ਕਰਨ ਤੋਂ ਬਾਅਦ, ਇਹਨਾਂ ਕਟੌਤੀਆਂ ਦੇ ਕਾਰਨ ਪਲੇਆਫ ਵਿੱਚ ਪਹੁੰਚਣ ਵਾਲੀਆਂ ਟੀਮਾਂ ਨੂੰ ਘਾਟਾ ਝੱਲਣਾ ਪੈ ਰਿਹਾ ਹੈ।
IPL2020
ਮੀਡੀਆ ਰਿਪੋਰਟਾਂ ਅਨੁਸਾਰ ਆਈਪੀਐਲ ਕਮੇਟੀ ਨੇ ਸਾਰੀਆਂ ਟੀਮਾਂ ਦੇ ਨਾਲ ਬਾਕੀ ਹਿੱਸੇਦਾਰਾਂ ਨੂੰ ਅਧਿਕਾਰਤ ਤੌਰ 'ਤੇ ਕਿਹਾ ਹੈ ਕਿ ਇਸ ਸਾਲ ਕੋਈ ਉਦਘਾਟਨੀ ਸਮਾਰੋਹ ਨਹੀਂ ਹੋਵੇਗਾ, ਜਦਕਿ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਪਲੇਆਫ 'ਚ ਪਹੁੰਚੀਆਂ ਟੀਮਾਂ ਦੇ ਫੰਡ 'ਚ 50 ਪ੍ਰਤੀਸ਼ਤ ਕਟੌਤੀ ਕੀਤੀ ਜਾਵੇਗੀ। ਬੀਸੀਸੀਆਈ ਦੇ ਪੱਤਰ ਅਨੁਸਾਰ, ‘ਲਾਗਤ ਕਟੌਤੀ ਪ੍ਰਕਿਰਿਆ ਦੇ ਅਨੁਸਾਰ ਵਿੱਤੀ ਇਨਾਮ ਤਹਿ ਕੀਤੇ ਗਏ ਹਨ।
IPL 2020
ਚੈਂਪੀਅਨ ਟੀਮ ਨੂੰ 20 ਕਰੋੜ ਰੁਪਏ ਦੀ ਥਾਂ 10 ਕਰੋੜ ਰੁਪਏ ਮਿਲਣਗੇ। ਉਪ ਜੇਤੂ ਟੀਮ ਨੂੰ 12 ਕਰੋੜ 50 ਲੱਖ ਰੁਪਏ ਦੀ ਬਜਾਏ 6 ਕਰੋੜ 25 ਲੱਖ ਰੁਪਏ ਦਿੱਤੇ ਜਾਣਗੇ। ”ਕੁਆਲੀਫਾਇਰ ਵਿਚ ਹਾਰਨ ਵਾਲੀਆਂ ਦੋਵਾਂ ਟੀਮਾਂ ਨੂੰ ਹੁਣ 4 ਕਰੋੜ 37 ਲੱਖ 50 ਹਜ਼ਾਰ ਰੁਪਏ ਮਿਲਣਗੇ। ਬੀਸੀਸੀਆਈ ਦੇ ਇੱਕ ਸੂਤਰ ਨੇ ਕਿਹਾ, "ਸਾਰੀਆਂ ਫਰੈਂਚਾਇਜ਼ੀਆ ਬਹੁਤ ਚੰਗੀ ਸਥਿਤੀ ਵਿੱਚ ਹਨ।"
BCCI
ਉਨ੍ਹਾਂ ਕੋਲ ਆਪਣੀ ਆਮਦਨ ਵਧਾਉਣ ਦੇ ਬਹੁਤ ਸਾਰੇ ਤਰੀਕੇ ਹਨ ਜਿਵੇਂ ਸਪਾਂਸਰਸ਼ਿਪ। ਇਹੀ ਕਾਰਨ ਹੈ ਕਿ ਇਨਾਮੀ ਰਾਸ਼ੀ ਦੇ ਸੰਬੰਧ ਵਿੱਚ ਇਹ ਫੈਸਲਾ ਲਿਆ ਗਿਆ ਸੀ। ਰਿਪੋਰਟਾਂ ਅਨੁਸਾਰ ਲਗਭਗ ਚਾਰ ਟੀਮਾਂ ਨੇ ਇਸ ਨਵੀਂ ਯੋਜਨਾ ‘ਤੇ ਆਪਣੀ ਨਾਰਾਜ਼ਗੀ ਜਤਾਈ ਹੈ। ਫਰੈਂਚਾਇਜ਼ੀਜ਼ ਲਈ ਇਹ ਵੀ ਮੁਸ਼ਕਲ ਹੈ ਕਿ ਇਸ ਸਾਲ ਸਟੇਟ ਐਸੋਸੀਏਸ਼ਨ ਨੂੰ ਹਰ ਘਰੇਲੂ ਮੈਚ ਲਈ 30 ਲੱਖ ਦੀ ਬਜਾਏ 50 ਲੱਖ ਰੁਪਏ ਦੇਣੇ ਪੈਣਗੇ। ਬੀਸੀਸੀਆਈ ਵੀ ਇਹੀ ਰਕਮ ਦੇਵੇਗਾ, ਜਿਸਦਾ ਮਤਲਬ ਹੈ ਕਿ ਹਰ ਮੈਚ ਲਈ ਸਟੇਟ ਅਸੋਸੀਏਸ਼ਨ ਨੂੰ ਇਕ ਕਰੋੜ ਰੁਪਏ ਮਿਲਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
