ਵੇਕਫੀਲਡ ਨੇ ਰੈੱਡ ਸੋਕਸ ਨਾਲ 2004 ਅਤੇ 2007 ਵਿੱਚ ਦੋ ਵਿਸ਼ਵ ਸੀਰੀਜ਼ ਜਿੱਤੀਆਂ
ਨਿਊਯਾਰਕ - ਬੀਤੇ ਦਿਨ ਸਾਬਕਾ ਰੈੱਡ ਸੋਕਸ ਬਾਲਰ ਟਿਮ ਵੇਕਫੀਲਡ ਦੀ 57 ਸਾਲ ਦੀ ਉਮਰ ਵਿਚ ਮੌਤ ਹੋ ਗਈ। ਇਸ ਬਾਰੇ ਜਾਣਕਾਰੀ ਉਹਨਾਂ ਦੀ ਟੀਮ ਨੇ ਦਿੱਤੀ ਹੈ। ਉਹਨਾਂ ਨੂੰ ਹਾਲ ਹੀ ਵਿਚ ਦਿਮਾਗ ਦਾ ਕੈਂਸਰ ਹੋਣ ਬਾਰੇ ਪਤਾ ਲੱਗਿਆ ਸੀ। ਰੈੱਡ ਸੋਕਸ ਦੇ ਮਾਲਕ ਜੌਹਨ ਹੈਨਰੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ “ਟਿਮ ਵਿਚ ਦਿਆਲਤਾ ਅਤੇ ਅਦੁੱਤੀ ਭਾਵਨਾ ਹੋਣ ਦੇ ਨਾਲ-ਨਾਲ ਉਹ ਇਕ ਮਹਾਨ ਬਾਲਰ ਵੀ ਸੀ।
ਉਸ ਨੇ ਨਾ ਸਿਰਫ਼ ਸਾਨੂੰ ਮੈਦਾਨ 'ਤੇ ਪ੍ਰਭਾਵਿਤ ਕੀਤਾ, ਬਲਕਿ ਉਹ ਦੁਰਲੱਭ ਅਥਲੀਟ ਸੀ। ਉਸ ਦੀ ਵਿਰਾਸਤ ਰਿਕਾਰਡ ਬੁੱਕ ਤੋਂ ਪਰੇ ਅਣਗਿਣਤ ਜ਼ਿੰਦਗੀਆਂ ਤੱਕ ਫੈਲੀ ਹੋਈ ਸੀ, ਜਿਸ ਨੂੰ ਉਸਨੇ ਆਪਣੀ ਨਿੱਘ ਅਤੇ ਸੱਚੀ ਭਾਵਨਾ ਦੇ ਨਾਲ ਛੂਹਿਆ ਸੀ।'' ਟੀਮ ਨੇ ਦੱਸਿਆ ਕਿ ਉਹਨਾਂ ਵਿਚ ਦੂਜਿਆਂ ਨਾਲ ਜੁੜਨ ਦੀ ਕਮਾਲ ਦੀ ਯੋਗਤਾ ਸੀ, ਜਿਸ ਨੇ ਸਾਨੂੰ ਮਹਾਨਤਾ ਦੀ ਅਸਲ ਪਰਿਭਾਸ਼ਾ ਦਿਖਾਈ। ਉਸ ਨੇ ਬੋਸਟਨ ਰੈੱਡ ਸੋਕਸ ਦੇ ਮੈਂਬਰ ਬਣਨ ਦਾ ਸਭ ਤੋਂ ਵਧੀਆ ਅਰਥ ਪੇਸ਼ ਕੀਤਾ ਅਤੇ ਉਸ ਦਾ ਘਾਟਾ ਸਾਡੇ ਸਾਰਿਆਂ ਲਈ ਕਦੇ ਵੀ ਨਾ ਪੂਰਾ ਹੋਣ ਵਾਲਾ ਹੈ।
ਉਹ ਸੰਭਾਵਤ ਤੌਰ 'ਤੇ ਐਮ.ਐਲ.ਬੀ ਦੇ ਇਤਿਹਾਸ ਵਿੱਚ ਸਭ ਤੋਂ ਮਸ਼ਹੂਰ ਅਤੇ ਸਫ਼ਲ ਖਿਡਾਰੀ ਸੀ, ਜਿਸ ਨੇ ਲੀਗ ਵਿਚ 19 ਸੀਜ਼ਨ ਮੈਚ ਖੇਡੇ, ਜਿਨ੍ਹਾਂ ਵਿਚੋਂ 17 ਬੋਸਟਨ ਦੇ ਨਾਲ ਸਨ। ਵੇਕਫੀਲਡ ਨੇ ਰੈੱਡ ਸੋਕਸ ਨਾਲ 2004 ਅਤੇ 2007 ਵਿੱਚ ਦੋ ਵਿਸ਼ਵ ਸੀਰੀਜ਼ ਜਿੱਤੀਆਂ ਅਤੇ ਟੀਮ ਦੇ ਨਾਲ ਉਸ ਦੇ 17 ਸੀਜ਼ਨ ਇੱਕ ਪਿੱਚਰ ਦੁਆਰਾ ਕਲੱਬ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਹਨ।
