ਸਿੱਕੀਮ ਦੇ ਮੁੱਖ ਮੰਤਰੀ ਪਵਨ ਕੁਮਾਰ ਚਾਮਲਿੰਗ ਨੇ ਸ਼ਨੀਚਰਵਾਰ ਨੂੰ ਅਪਣੀ ਮਹੱਤਵਪੂਰਨ ‘ਇਕ ਪਰਵਾਰ-ਇਕ ਨੌਕਰੀ’ ਯੋਜਨਾ ਲਾਗੂ ਕਰ ਦਿਤੀ, ਜਿਸ ਦੇ ਤਹਿਤ ਸੂਬੇ..
ਗੰਗਟੋਕ: ਸਿੱਕੀਮ ਦੇ ਮੁੱਖ ਮੰਤਰੀ ਪਵਨ ਕੁਮਾਰ ਚਾਮਲਿੰਗ ਨੇ ਸ਼ਨੀਚਰਵਾਰ ਨੂੰ ਅਪਣੀ ਮਹੱਤਵਪੂਰਨ ‘ਇਕ ਪਰਵਾਰ-ਇਕ ਨੌਕਰੀ’ ਯੋਜਨਾ ਲਾਗੂ ਕਰ ਦਿਤੀ, ਜਿਸ ਦੇ ਤਹਿਤ ਸੂਬੇ ਦੇ ਹਰ ਪਰਵਾਰ ਦੇ ਘੱਟ ਮੈਂਬਰਾਂ ਚੋਂ ਘੱਟ ਤੋਂ ਘੱਟ ਇਕ ਮੈਂਬਰ ਨੂੰ ਸਰਕਾਰੀ ਨੌਕਰੀ ਦਿਤੀ ਜਾਵੇਗੀ। ਇਸ ਯੋਜਨਾ ਦਾ ਐਲਾਨ ਮਲਿੰਗ ਨੇ ਪਿਛਲੇ ਸਾਲ ਸੂਬਾ ਵਿਧਾਨਸਭਾ ਦੇ ਸਰਦ ਰੁੱਤ ਸੈਸ਼ਨ ਦੇ ਦੌਰਾਨ ਕੀਤੀ ਸੀ।
Sikkim's CM Pawan Chamling
ਉਨ੍ਹਾਂ ਦਾ ਦਾਅਵਾ ਹੈ ਕਿ ਅਜਿਹੀ ਯੋਜਨਾ ਲਾਗੂ ਕਰਨ ਵਾਲਾ ਸਿੱਕੀਮ ਦੇਸ਼ ਦਾ ਪਹਿਲਾ ਸੂਬਾ ਬਣ ਗਿਆ ਹੈ। ਮੁੱਖ ਮੰਤਰੀ ਨੇ ਸ਼ਨੀਵਾਰ ਨੂੰ ਇੱਥੇ ਪਲਾਜ਼ੋਰ ਸਟੇਡੀਅਮ 'ਚ ਆਯੋਜਿਤ ਰੋਜ਼ਗਾਰ ਮੇਲੇ 'ਚ 12 ਹਜ਼ਾਰ ਤੋਂ ਜ਼ਿਆਦਾ ਬੇਰੋਜ਼ਗਾਰ ਜਵਾਨਾਂ ਨੂੰ ਨਿਯੁਕਤੀ ਪੱਤਰ ਵੀ ਸੌਂਪੇ। ਹਾਲਾਂਕਿ ਇਹ ਨਿਯੁਕਤੀ ਪੱਤਰ ਸਿਰਫ਼ ਉਨ੍ਹਾਂ ਨੌਜਵਾਨਾਂ ਨੂੰ ਦਿਤੇ ਗਏ ਹਨ, ਜਿਨ੍ਹਾਂ ਦੇ ਪਰਵਾਰ 'ਚ ਹੁਣੇ ਤੱਕ ਕਿਸੇ ਦੇ ਕੋਲ ਸਰਕਾਰੀ ਨੌਕਰੀ ਨਹੀਂ ਹੈ।
Pawan Chamling
ਇਕ ਪਰਵਾਰ-ਇਕ ਨੌਕਰੀ ਯੋਜਨਾ ਦੇ ਤਹਿਤ ਨੌਕਰੀ ਉਪਲੱਬਧ ਕਰਾਉਣ ਦੀ ਜ਼ਿੰਮੇਦਾਰੀ ਅਮਲੇ ਵਿਭਾਗ ਨੂੰ ਦਿਤੀ ਗਈ ਹੈ। ਚਾਮਲਿੰਗ ਨੇ ਰੋਜਗਾਰ ਮੇਲੇ 'ਚ ਸੂਬੇ ਦੇ 25000 ਅਨਿਯਮਿਤ ਸਰਕਾਰੀ ਕਰਮਚਾਰੀਆਂ ਨੂੰ ਵੀ 2019 ਦੇ ਅੰਤ ਤੱਕ ਸੀਨੀਆਰਟੀ ਆਰਡਰ ਦੇ ਹਿਸਾਬ ਨਾਲ ਸਥਾਈ ਕਰਨ ਦਾ ਐਲਾਨ ਕੀਤੀ।
