ਕਬੱਡੀ ਫੈਡਰੇਸ਼ਨ ਵਲੋਂ ਕਰਵਾਏ ਜਾ ਰਹੇ ਟੂਰਨਾਮੈਂਟਾਂ ਦੀ ਕੜੀ ਦੌਰਾਨ ਟੌਰੰਗਾ ਵਿਚ ਕਰਵਾਏ ਗਏ ਦੂਜੇ ਟੂਰਨਾਮੈਂਟ ਵਿਚ......
ਟੌਰੰਗਾ ( ਪੀ.ਟੀ.ਆਈ ): ਕਬੱਡੀ ਫੈਡਰੇਸ਼ਨ ਵਲੋਂ ਕਰਵਾਏ ਜਾ ਰਹੇ ਟੂਰਨਾਮੈਂਟਾਂ ਦੀ ਕੜੀ ਦੌਰਾਨ ਟੌਰੰਗਾ ਵਿਚ ਕਰਵਾਏ ਗਏ ਦੂਜੇ ਟੂਰਨਾਮੈਂਟ ਵਿਚ ਦਸਮੇਸ਼ ਸਪੋਰਟਸ ਕਲੱਬ ਟੀਪੁੱਕੀ ਨੇ ਫਸਵੇਂ ਮੁਕਬਲੇ ਦੌਰਾਨ ਜਿੱਤ ਦਾ ਝੰਡਾ ਗੱਡਿਆ। ਇਹ ਟੂਰਨਾਮੈਂਟ ਸਿੱਖ ਸੁਸਾਇਟੀ ਟੌਰੰਗਾ ਦੀ ਨਿਗਰਾਨੀ ਹੇਠ ਗੁਰੂਦੁਆਰਾ ਕਲਗੀਧਰ ਸਾਹਿਬ ਟੌਰੰਗਾ ਅਤੇ ਟਾਈਗਰ ਸਪੋਰਟਸ ਕਲੱਬ ਟੌਰੰਗਾ ਵਲੋਂ ਕਰਵਾਇਆ ਗਿਆ ਸੀ। ਕਬੱਡੀ ਦੇ ਫਾਈਨਲ ਮੁਕਾਬਲੇ ਵਿਚ ਦਸਮੇਸ਼ ਸਪੋਰਟਸ ਕਲੱਬ ਨੇ ਸਾਢੇ 30 ਅੰਕ ਹਾਸਲ ਕਰਕੇ ਅੱਧੇ ਅੰਕ ਦੇ ਫ਼ਰਕ ਨਾਲ ਜੇਤੂ ਹੋਣ ਦਾ ਮਾਣ ਹਾਸਲ ਕਰ ਲਿਆ ਅਤੇ 21 ਸੌ ਡਾਲਰ ਦਾ ਇਨਾਮ ਜਿੱਤਿਆ।
Kabaddi
ਜਦੋਂ ਕਿ ਸਖਤ ਟੱਕਰ ਦੇਣ ਵਾਲੇ ਸ਼ਰਨ ਬੱਲ ਸਪੋਰਟਸ ਕਲੱਬ ਦੇ ਖਿਡਾਰੀਆਂ ਨੇ ਵੀ ਵਧੀਆ ਕਾਰਗੁਜਾਰੀ ਵਿਖਾ ਕੇ 30 ਅੰਕ ਪ੍ਰਾਪਤ ਕਰਕੇ ਸਮੁਚੇ ਟੂਰਨਾਮੈਂਟ ਦੌਰਾਨ ਦੂਜਾ ਸਥਾਨ ਹਾਸਲ ਕਰਕੇ 18 ਸੌ ਡਾਲਰ ਇਨਾਮ ਜਿੱਤਿਆ। ਕਬੱਡੀ ਦੇ ਮੈਚਾਂ ਦੌਰਾਨ ਵਧੀਆ ਕਾਰਗੁਜਾਰੀ ਵਿਖਾਉਣ ਬਦਲੇ ਸ਼ਰਨ ਬੱਲ ਸਪੋਰਟਸ ਕਲੱਬ ਦੇ ਖਿਡਾਰੀ ਮੁਸਕਾਨ ਅਤੇ ਦਸਮੇਸ਼ ਸਪੋਰਟਸ ਕਲੱਬ ਟੀਪੁੱਕੀ ਦੇ ਖਿਡਾਰੀ ਨੀਨਾ ਖਜੂਰਲਾ ਨੂੰ ਵਧੀਆ ਧਾਵੀ ‘ਤੇ ਸ਼ਰਨ ਬੱਲ ਸਪੋਰਟਸ ਕਲੱਬ ਦੇ ਖਿਡਾਰੀ ਮੁਸਕਾਨ ਨੂੰ ਵੀ ਵਧੀਆ ਧਾਵੀ ਅਤੇ ਨਿਰਵੈਰ ਬੱਲਨਾਓਂ ਨੂੰ ਵਧੀਆ ਜਾਫੀ ਐਲਾਣਿਆ ਗਿਆ।
Kabaddi
ਇਸ ਮੌਕੇ ਪੰਜਾਬੀਆਂ ਦੇ ਡੌਲਿਆਂ ਦਾ ਜੋਰ ਪਰਖਣ ਲਈ ਕਰਵਾਈ ਗਈ ਰੱਸਾਕੱਸ਼ੀ ਦੇ ਮੁਕਾਬਲੇ ਦੌਰਾਨ ਟੌਰੰਗਾ ਦੀ ਟੀਮ ਨੇ ਟੀਪੁੱਕੀ ਦੀ ਟੀਮ ਨੂੰ ਦੇ ਅੰਕਾਂ ਦੇ ਫਰਕ ਨਾਲ ਹਰਾਇਆ ਅਤੇ ਸਾਢੇ 500 ਡਾਲਰ ਇਨਾਮ ਜਿੱਤਿਆ। ਵਾਲੀਬਾਲ ਮੁਕਾਬਲਿਆਂ ਦੌਰਾਨ ਕੈਪਟਨ ਬਿਕਰਮਜੀਤ ਸਿੰਘ ਮੱਟਰਾਂ ਦੀ ਅਗਵਾਈ ‘ਚ ਪਾਪਾਟੋਏਟੋਏ ਵਾਰੀਅਰ ਨੇ ਪਹਿਲਾ ਮਥਾਨ ਲੈ ਕੇ ਨਗਦ ਇਨਾਮ ਅਤੇ ਟਰਾਫੀ ‘ਤੇ ਕਬਜਾ ਕੀਤਾ। ਲਾਹੌਰੀਏ ਵਾਰੀਅਰ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਟੂਰਨਾਮੈਂਟ ਨੂੰ ਹੋਰ ਰੌਚਕ ਬਣਾਉਣ ਲਈ ਬੱਚਿਆਂ ਦੀਆਂ ਦੌੜਾਂ ਅਤੇ ਔਰਤਾਂ ਲਈ ਮਿਊਜੀਕਲ ਕੁਰਸੀ ਦੀ ਆਈਟਮ ਵੀ ਕਰਵਾਈ ਗਈ।
Kabaddi
ਜਿਸ ਪ੍ਰਤੀ ਔਰਤਾਂ ਨੇ ਬਹੁਤ ਹੀ ਊਤਸਾਹ ਦਿਖਾਇਆ ਅਤੇ ਇਸ ਵਿਚ 300, 200 ਅਤੇ 100 ਡਾਲਰ ਦੇ ਨਕਦ ਇਨਾਮ ਦਿਤੇ ਗਏ। ਪੰਜਾਬ ਤੋਂ ਵਿਸ਼ੇਸ਼ ਤੌਰ ‘ਤੇ ਹੋਰ ਵੀ ਸੱਜਣ ਪੁੱਜੇ।
