ਗੁਰਦਾਸਪੁਰ, 22 ਸਤੰਬਰ
(ਹੇਮੰਤ ਨੰਦਾ) : ਭਾਜਪਾ ਦੇ ਉਮੀਦਵਾਰ ਸਵਰਨ ਸਲਾਰੀਆ ਨੇ ਗੁਰਦਾਸਪੁਰ ਲੋਕ ਸਭਾ ਜ਼ਿਮਨੀ
ਚੋਣ ਲਈ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ। ਉਨ੍ਹਾਂ ਨਾਲ ਸਾਬਕਾ ਉਪ-ਮੁੱਖ ਮੰਤਰੀ ਸੁਖਬੀਰ
ਸਿੰਘ ਬਾਦਲ, ਪੰਜਾਬ ਪ੍ਰਦੇਸ਼ ਦੇ ਪ੍ਰਧਾਨ ਵਿਜੇ ਸਾਂਪਲਾ, ਕਵਿਤਾ ਖੰਨਾ, ਪ੍ਰਦੇਸ਼ ਇੰਚਾਰਜ
ਪ੍ਰਭਾਤ ਝਾਅ, ਸ਼ਿਵਬੀਰ ਸਿੰਘ ਰਾਜਨ, ਰਾਕੇਸ਼ ਜੋਤੀ ਸਮੇਤ ਹੋਰ ਨੇਤਾ ਵੀ ਸਨ। ਇਸ ਮੌਕੇ
ਟਿਕਟ ਦੀ ਦਾਅਵੇਦਾਰ ਕਵਿਤਾ ਖੰਨਾ ਅਪਣੇ ਆਪ ਨੂੰ ਕੈਮਰੇ ਤੋਂ ਲੁਕਾਉਂਦੀ ਨਜ਼ਰ ਆਈ। ਵਿਜੇ
ਸਾਂਪਲਾ ਅਤੇ ਹੋਰ ਨੇਤਾਵਾਂ ਵਲੋਂ ਵਾਰ-ਵਾਰ ਕਹਿਣ 'ਤੇ ਵੀ ਉਹ ਅੱਗੇ ਨਾ ਆਈ।
ਸਲਾਰੀਆਂ
ਦੀ ਚੱਲ-ਅਚੱਲ ਜਾਇਦਾਦ ਦੀ ਕੀਮਤ 10900000 ਰੁਪਏ ਹੈ ਅਤੇ ਉਨ੍ਹਾਂ ਦੀ ਪਤਨੀ ਦੀ
ਚੱਲ-ਅਚੱਲ ਜਾਇਦਾਦ ਦੀ ਕੀਮਤ 7,55,0000 ਰੁਪਏ ਹੈ। ਸਲਾਰੀਆ ਕੋਲ ਕੈਸ਼, ਬੈਂਕ ਖਾਤੇ 'ਚ
ਜਮ੍ਹਾਂ ਪੈਸੇ, ਫ਼ਿਕਸਡ ਡਿਪਾਜ਼ਿਟ, ਬਾਂਡ ਆਦਿ ਦੀ ਕੀਮਤ 1306377022 ਰੁਪਏ ਹੈ ਅਤੇ
ਉਨ੍ਹਾਂ ਦੀ ਪਤਨੀ ਕੋਲ 625579396 ਰੁਪਏ ਹੈ।
