ਸੀਤ ਲਹਿਰ ਅਤੇ ਤੇਜ਼ ਹਵਾਵਾਂ ਨੇ ਲੋਕਾਂ ਨੂੰ ਘਰਾਂ 'ਚ ਦੁਬਕਣ ਲਈ ਕੀਤਾ ਮਜਬੂਰ
ਬਠਿੰਡਾ, 29 ਦਸੰਬਰ (ਸੁਖਜਿੰਦਰ ਮਾਨ): ਪਿਛਲੇ ਕੁੱਝ ਦਿਨਾਂ ਤੋਂ ਇਲਾਕੇ 'ਚ ਪੈ ਰਹੀ ਭਾਰੀ ਠੰਢ ਤੇ ਤੇਜ਼ ਸੀਤ ਲਹਿਰ ਨਾਲ ਪੰਜਾਬ ਵਿਚ ਠੰਢ ਨੇ ਜ਼ੋਰ ਫੜ ਲਿਆ ਹੈ | ਪਹਾੜਾਂ 'ਚ ਪੈ ਰਹੀ ਬਰਫ਼ਬਾਰੀ ਤੇ ਮੈਦਾਨੀ ਇਲਾਕਿਆਂ 'ਚ ਅਪਣਾ ਅਸਰ ਦਿਖਾਉਣਾ ਸ਼ੁਰੂ ਕਰ ਦਿਤਾ ਹੈ | ਸੀਤ ਲਹਿਰ ਅਤੇ ਤੇਜ਼ ਹਵਾਵਾਂ ਕਾਰਨ ਜਨ ਜੀਵਨ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋਣ ਲਗਿਆ ਹੈ | ਭਾਰੀ ਧੁੰਦ ਤੇ ਠੰਢ ਤੋਂ ਬਚਣ ਲਈ ਲੋਕ ਘਰਾਂ 'ਚ ਕੈਦ ਹੋਣ ਲਈ ਮਜਬੂਰ ਹੋਣ ਲੱਗੇ ਹਨ | ਸੂਰਜ ਦੇ ਵੀ ਅੱਜ ਦਿਨ 'ਚ ਥੋੜਾ-ਥੋੜਾ ਸਮਾਂ ਹੀ ਦਰਸ਼ਨ ਹੋਏ | ਠੰਢ ਕਾਰਨ ਬਜ਼ੁਰਗ ਅਤੇ ਬੱਚਿਆਂ ਨੂੰ ਬੀਮਾਰ ਕਰਨਾ ਸ਼ੁਰੂ ਕਰ ਦਿਤਾ ਹੈ | ਇਕੱਲੇ ਬਠਿੰਡਾ ਸ਼ਹਿਰ ਵਿਚ ਹੀ ਹੁਣ ਤਕ ਠੰਢ ਕਾਰਨ ਤਿੰਨ ਮੌਤਾਂ ਹੋ ਗਈਆਂ ਹਨ |
ਬੀਤੇ ਕਲ ਪੂਰੇ ਪੰਜਾਬ ਵਿਚੋਂ ਬਠਿੰਡਾ ਸੱਭ ਤੋਂ ਠੰਢਾ ਇਲਾਕਾ ਗਰਦਾਨਿਆ ਗਿਆ ਸੀ | ਇੱਥੇ ਹੇਠਲਾਂ ਤਾਪਮਾਨ 1.5 ਡਿਗਰੀ ਸੈਲਸੀਅਸ ਹੀ ਰਹਿ ਗਿਆ ਸੀ, ਜਿਹੜਾ ਅੱਜ ਵਧ ਕੇ 2.2 ਡਿਗਰੀ ਸੈਲਸੀਅਸ ਨੋਟ ਕੀਤਾ ਗਿਆ | ਪ੍ਰੰਤੂ ਚੱਲ ਰਹੀਆਂ ਤੇਜ਼ ਹਵਾਵਾਂ ਕਾਰਨ ਲੋਕਾਂ ਨੂੰ ਬੀਤੇ ਕਲ ਨਾਲੋਂ ਵੀ ਅੱਜ ਜ਼ਿਆਦਾ ਠੰਢ ਮਹਿਸੂਸ ਹੋਈ | ਉਂਜ ਖੇਤੀ ਮਾਹਰ ਇਸ ਠੰਢ ਨੂੰੂ ਕਣਕਾਂ ਦੀ ਫ਼ਸਲ ਲਈ ਭਾਰੀ ਲਾਹੇਵੰਦ ਦਸ ਰਹੇ ਹਨ | ਜ਼ਿਆਦਾਤਰ ਕਿਸਾਨ ਖੇਤੀ ਬਿੱਲਾਂ ਦੇ ਵਿਰੋਧ 'ਚ ਚੱਲ ਰਹੇ ਸੰਘਰਸ਼ ਵਿਚ ਹਿੱਸਾ ਲੈਣ ਲਈ ਦਿੱਲੀ ਪੁੱਜੇ ਹੋਏ ਹਨ | ਉਧਰ ਗ਼ਰੀਬ ਅਤੇ ਬੇਸਹਾਰਾ ਲੋਕਾਂ ਨੂੰ ਠੰਢ ਤੋਂ ਬਚਾਉਣ ਲਈ ਸਮਾਜ ਸੇਵੀ ਸੰਸਥਾ ਸਹਾਰਾ ਜਨ ਸੇਵਾ ਵਲੋਂ ਸ਼ਹਿਰ ਵਿਚ 20 ਦੇ ਕਰੀਬ ਰੇਣ-ਬਸੇਰੇ ਬਣਾਏ ਗਏ ਹਨ |
ਰਿਕਾਰਡ ਤੋੜ ਠੰਢ ਨੂੰ ਦੇਖਦੇ ਡਿਪਟੀ ਕਮਿਸ਼ਨਰ ਨੇ ਵੀ ਲੋਕਾਂ ਨੂੰ ਠੰਢ ਤੋਂ ਬਚਣ ਲਈ ਨਸੀਹਤਾਂ ਜਾਰੀ ਕੀਤੀਆਂ ਹਨ | ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਠੰਢ ਦੇ ਮੌਸਮ ਨੂੰ ਦੇਖਦਿਆਂ ਲੋਕ ਅਪਣੇ ਘਰਾਂ 'ਚ ਮੋਟੇ ਕਪੜੇ, ਖਾਣਾ, ਪਟਰੌਲ, ਬੈਟਰੀਆਂ, ਚਾਰਜਰ, ਦਵਾਈਆਂ ਆਦਿ ਦਾ ਪ੍ਰਬੰਧ ਕਰ ਕੇ ਰੱਖਣਾ ਚਾਹੀਦਾ ਹੈ | ਉੱਧਰ ਡਾਕਟਰਾਂ ਨੇ ਠੰਢ ਕਾਰਨ ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਘਰ ਅੰਦਰ ਰਹਿਣ ਦੀ ਸਲਾਹ ਦਿਤੀ ਹੈ | ਉਨ੍ਹਾਂ ਕਿਹਾ ਕਿ 60 ਸਾਲ ਤੋਂ ਉਪਰ ਦੀ ਉਮਰ ਦੇ ਬਜ਼ੁਰਗਾਂ ਨੂੰ ਸਵੇਰੇ ਧੁੱਪ ਨਿਕਲਣ ਤੋਂ ਪਹਿਲਾਂ ਸੈਰ ਕਰਨ ਨਹੀਂ ਨਿਕਲਣਾ ਚਾਹੀਦਾ |
ਇਸ ਖ਼ਬਰ ਨਾਲ ਸਬੰਧਤ ਫੋਟੋ 29 ਬੀਟੀਆਈ 07 ਨੰ
imageਬਰ ਵਿਚ ਭੇਜੀ ਜਾ ਰਹੀ ਹੈ | ਫ਼ੋਟੋ: ਇਕਬਾਲ ਸਿੰਘ
