File Photo
ਲੁਧਿਆਣਾ ਦੇ ਡਿਪਟੀ ਕਮਿਸ਼ਨਰ ਨੇ ਸੋਸ਼ਲ ਮੀਡੀਆ ਉਤੇ ਲੋਕਾਂ ਨੂੰ ਇਹ ਸੁਨੇਹਾ ਦਿਤਾ ਸੀ ਕਿ ਜੋ ਲੋਕ ਯੂਪੀ ਬਿਹਾਰ ਜਾਣਾ
ਲੁਧਿਆਣਾ, 29 ਮਈ (ਪਪ): ਲੁਧਿਆਣਾ ਦੇ ਡਿਪਟੀ ਕਮਿਸ਼ਨਰ ਨੇ ਸੋਸ਼ਲ ਮੀਡੀਆ ਉਤੇ ਲੋਕਾਂ ਨੂੰ ਇਹ ਸੁਨੇਹਾ ਦਿਤਾ ਸੀ ਕਿ ਜੋ ਲੋਕ ਯੂਪੀ ਬਿਹਾਰ ਜਾਣਾ ਚਾਹੁੰਦੇ ਹਨ, ਉਹ ਸ਼ੁਕਰਵਾਰ ਯਾਨੀ ਅੱਜ ਅਪਣੀ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਅੱਜ ਰਜਿਸਟਰੇਸ਼ਨ ਦਾ ਆਖ਼ਰੀ ਦਿਨ ਹੈ ਜਿਸ ਤੋਂ ਬਾਅਦ ਵੱਡੀ ਤਦਾਦ ਵਿਚ ਪ੍ਰਵਾਸੀ ਮਜ਼ਦੂਰ ਲੁਧਿਆਣਾ ਦੇ ਗੁਰੂ ਨਾਨਕ ਸਟੇਡੀਅਮ ਚ ਪਹੁੰਚ ਗਏ।
ਇਸ ਦੌਰਾਨ ਸੋਸ਼ਲ ਡਿਸਪੈਂਸਿੰਗ ਦੀਆਂ ਵੀ ਰੱਜ ਕੇ ਧੱਜੀਆਂ ਉਡਾਈਆਂ ਗਈਆਂ। ਮਜ਼ਦੂਰਾਂ ਨੂੰ ਕਤਾਰਾਂ ਵਿਚ ਤਾਂ ਬਿਠਾ ਦਿਤਾ ਗਿਆ ਪਰ ਕਤਾਰਾਂ ਦੇ ਵਿਚ ਜੋ ਫ਼ਾਸਲਾ ਸੀ ਉਹ ਮੈਨਟੇਨ ਨਹੀਂ ਕੀਤਾ ਗਿਆ। ਇਸ ਮੌਕੇ ਨਾ ਤਾਂ ਸਟੇਡੀਅਮ ਦੇ ਵਿਚ ਕੋਈ ਪਾਣੀ ਦਾ ਪ੍ਰਬੰਧ ਸੀ ਅਤੇ ਨਾ ਹੀ ਮਜ਼ਦੂਰਾਂ ਦੇ ਕਿਸੇ ਖਾਣ ਪੀਣ ਦਾ ਪ੍ਰਬੰਧ ਹਾਲਾਂਕਿ ਟੈਂਟ ਲਗਾ ਕੇ ਜ਼ਰੂਰ ਮਜ਼ਦੂਰਾਂ ਨੂੰ ਸਟੇਡੀਅਮ ਦੇ ਵਿਚ ਬਿਠਾ ਦਿਤਾ ਗਿਆ ਪਰ ਇਸ ਦੌਰਾਨ ਉਹ ਗਰਮੀ ਨਾਲ ਵਿਲਕਦੇ ਵੀ ਵਿਖਾਈ ਦਿਤੇ।
