ਬੰਗਾਲ, ਅਸਾਮ, ਕੇਰਲ, ਤਾਮਿਲਨਾਡੁ ਅਤੇ ਪੁਡੁਚੇਰੀ 'ਚ ਕਿਸ ਦੀ ਸਰਕਾਰ?
ਨਵੀਂ ਦਿੱਲੀ, 29 ਅਪ੍ਰੈਲ : 2 ਮਈ ਨੂੰ ਪਛਮੀ ਬੰਗਾਲ ਦੇ ਨਾਲ-ਨਾਲ ਅਸਾਮ, ਤਾਮਿਲਨਾਡੂ, ਪੁਡੂਚੇਰੀ ਅਤੇ ਕੇਰਲ ਵਿਚ ਵੋਟਾਂ ਦੀ ਗਿਣਤੀ ਕੀਤੀ ਜਾਏਗੀ | ਨਤੀਜਿਆਂ ਤੋਂ ਪਹਿਲਾਂ ਇਨ੍ਹਾਂ ਰਾਜਾਂ ਵਿਚ ਜਨਤਾ ਕਿਸ ਦੀ ਸਰਕਾਰ ਬਣਾਉਣਾ ਚਾਹੁੰਦੀ ਹੈ, ਇਸ ਬਾਰੇ ਐਗਜ਼ਿਟ ਪੋਲਾਂ ਦੇ ਨਤੀਜੇ ਦਸਦੇ ਹਨ ਕਿ ਬੰਗਾਲ ਵਿਚ ਤਿ੍ਣਮੂਲ ਕਾਂਗਰਸ ਜਿੱਤ ਜਾਏਗੀ ਜਦਕਿ ਆਸਾਮ ਵਿਚ ਬੀਜੀਪੀ ਅੱਗੇ ਹੈ | ਬਾਕੀ ਸੂਬਿਆਂ ਦਾ ਹਾਲ ਇਹ ਹੈ:
ਟਾਈਮਜ਼ ਨਾਓ ਅਤੇ ਰੀਬਲਿਕ ਟੀਵੀ ਦੇ ਐਗਜ਼ਿਟ ਪੋਲ ਅਨੁਸਾਰ, ਭਾਜਪਾ ਨੂੰ ਆਸਾਮ ਵਿਚ 75 ਤੋਂ 85 ਸੀਟਾਂ ਮਿਲਣ ਦੀ ਉਮੀਦ ਹੈ, ਜਦਕਿ ਐਗਜ਼ਿਟ ਪੋਲ ਦੇ ਅਨੁਸਾਰ, ਕਾਂਗਰਸ ਗਠਜੋੜ 40 ਤੋਂ 50 ਸੀਟਾਂ ਪ੍ਰਾਪਤ ਕਰ ਸਕਦਾ ਹੈ | ਏਬੀਪੀ ਅਤੇ ਸੀ ਵੋਟਰਾਂ ਦੇ ਐਗਜ਼ਿਟ ਪੋਲ ਅਨੁਸਾਰ, ਤਿ੍ਣਮੂਲ ਕਾਂਗਰਸ ਨੂੰ ਬੰਗਾਲ ਦੀਆਂ 292 ਵਿਧਾਨ ਸਭਾ ਸੀਟਾਂ 'ਤੇ 152-164 ਸੀਟਾਂ ਮਿਲਦੀਆਂ ਨਜ਼ਰ ਆ ਰਹੀਆਂ ਹਨ |
ਇਸ ਨਾਲ ਹੀ 109-121 ਸੀਟਾਂ ਭਾਜਪਾ ਦੇ ਖਾਤੇ ਵਿਚ ਜਾ ਸਕਦੀਆਂ ਹਨ | ਇਸ ਤੋਂ ਇਲਾਵਾ ਕਾਂਗਰਸ ਨੂੰ 14-25 ਸੀਟਾਂ ਮਿਲ ਸਕਦੀਆਂ ਹਨ |
ਸੀਐਨਐਕਸ ਦੇ ਐਗਜ਼ਿਟ ਪੋਲ ਦੇ
image ਅਨੁਸਾਰ ਕੇਰਲਾ ਵਿਚ ਭਾਜਪਾ ਗਠਜੋੜ ਨੂੰ 74-84, ਕਾਂਗਰਸ ਗੋਠਜੋੜ ਨੂੰ 40-50 ਅਤੇ ਹੋਰ 1 ਤੋਂ 3 ਸੀਟਾਂ ਜਿੱਤ ਸਕਦੀ ਹੈ |
ਏਬੀਪੀ ਦੇ ਐਗਜ਼ਿਟ ਪੋਲ ਦੇ ਅਨੁਸਾਰ, ਟੀਐਮਸੀ ਨੂੰ ਉਤਰ ਬੰਗਾਲ ਦੀਆਂ 28 ਸੀਟਾਂ ਵਿਚੋਂ 11-13 ਸੀਟਾਂ ਦੇ ਜਿੱਤਣ ਦੀ ਉਮੀਦ ਹੈ ਅਤੇ ਭਾਜਪਾ ਇਥੇ ਅੱਗੇ ਨਜ਼ਰ ਆ ਰਹੀ ਹੈ ਅਤੇ 14-16 ਸੀਟਾਂ ਜਿੱਤ ਸਕਦੀ ਹੈ | ਕਾਂਗਰਸ-ਖੱਬੇਪੱਖੀ 0-2 ਸੀਟਾਂ ਜਿੱਤ ਸਕਦੇ ਹਨ |
