File Photo
ਕੋਰੋਨਾ ਵਾਇਰਸ ਦੇ ਖਤਰੇ ਨੂੰ ਰੋਕਣ ਲਈ ਪੰਜਾਬ ਸਰਕਾਰ ਵਲੋਂ ਲਗਾਏ ਗਏ
ਲੁਧਿਆਣਾਂ, 29 ਅਪ੍ਰੈਲ (ਕਿਰਨਵੀਰ ਸਿੰਘ ਮਾਂਗਟ): ਕੋਰੋਨਾ ਵਾਇਰਸ ਦੇ ਖਤਰੇ ਨੂੰ ਰੋਕਣ ਲਈ ਪੰਜਾਬ ਸਰਕਾਰ ਵਲੋਂ ਲਗਾਏ ਗਏ ਕਰਫ਼ਿਊ ਦੀ ਉਲੰਘਣਾ ਕਰਨ ਵਾਲਿਆਂ ਵਿਰੁਧ ਥਾਣਾ ਸਲੇਮ ਟਾਵਰੀ ਪੁਲਿਸ ਨੇ ਕਾਬੂ ਕਰ ਮਾਮਲਾ ਦਰਜ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਸਬ ਇੰਸਪੈਕਟਰ ਜਨਕ ਰਾਜ ਅਪਣੀ ਪੁਲਿਸ ਟੀਮ ਨਾਲ ਇਲਾਕਾ ਪੀਰੂ ਬੰਦਾ ਵਿਚ ਗਸ਼ਤ ਕਰ ਰਹੇ ਸੀ ਪੁਲਿਸ ਨੂੰ ਜਾਣਕਾਰੀ ਮਿਲੀ ਕੁੱਝ ਲੋਕਾਂ ਨੇ ਸਬਜ਼ੀ ਮੰਡੀ ਲਗਾ ਕੇ ਲੋਕਾਂ ਦਾ ਇਕੱਠ ਕੀਤਾ ਹੋਇਆ ਹੈ ਜਿਸ ਨਾਲ ਕੋਰੋਨਾ ਫੈਲ ਸਕਦਾ ਹੈ। ਜਿਸ ਦੀ ਜਾਣਕਾਰੀ ਮਿਲਦੇ ਹੀ ਪੁਲਿਸ ਨੇ ਮੌਕੇ ਉਤੇ ਪਹੁੰਚ ਸਬਜ਼ੀ ਮੰਡੀ ਲਗਾਉਣ ਵਾਲੇ ਦੋਸ਼ੀ ਸਾਜਨ ਵਾਸੀ ਮੁਹਲਾ ਪੀਰੂ ਬੰਦਾ, ਮਨੋਜ ਵਾਸੀ ਨਾਨਕ ਨਗਰ, ਗੁਰਫਾਨ ਵਾਸੀ ਮਲੇਰਕੋਟਲਾ ਅਤੇ ਗੋਤਮ ਵਾਸੀ ਅਜਾਦ ਨਗਰ ਨੂੰ ਕਾਬੂ ਕਰ ਇਨ੍ਹਾਂ ਵਿਰੁਧ ਮਾਮਲਾ ਦਰਜ ਕੀਤਾ।
