ਪੰਜਾਬ ਏਕਤਾ ਪਾਰਟੀ ਦੇ ਪ੍ਰਧਾਨ ਸੁਖਪਾਲ ਸਿੰਘ ਖਹਿਰਾ ਨੇ ਨੇੜਲੇ ਪਿੰਡ ਧਰਾਂਗਵਾਲਾ ਵਿਖੇ 40 ਮੰਦਬੁੱਧੀ ਬੱਚਿਆਂ ਦੇ ਪਰਵਾਰਾਂ ਨੂੰ...
ਅਬੋਹਰ : ਪੰਜਾਬ ਏਕਤਾ ਪਾਰਟੀ ਦੇ ਪ੍ਰਧਾਨ ਸੁਖਪਾਲ ਸਿੰਘ ਖਹਿਰਾ ਨੇ ਨੇੜਲੇ ਪਿੰਡ ਧਰਾਂਗਵਾਲਾ ਵਿਖੇ 40 ਮੰਦਬੁੱਧੀ ਬੱਚਿਆਂ ਦੇ ਪਰਵਾਰਾਂ ਨੂੰ ਤਿੰਨ ਲੱਖ 14 ਹਜ਼ਾਰ ਰੁਪਏ ਸੌਂਪੇ। ਇਹ ਪੈਸੇ ਬੀਤੇ ਦਿਨੀ ਵਿਦੇਸ਼ਾਂ ਵਿਚ ਵਸਦੇ ਪੰਜਾਬੀਆਂ ਨੂੰ ਸਾਰ ਲੈਣ ਦੀ ਕੀਤੀ ਗਈ ਅਪੀਲ ਤਹਿਤ ਇਕੱਠੇ ਹੋਏ ਹਨ। ਸਟੇਡੀਅਮ ਵਿਚ ਇੱਕਠੇ ਹੋਏ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਖਹਿਰਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਹਰ ਫ਼ਰੰਟ 'ਤੇ ਫ਼ੇਲ ਸਾਬਤ ਹੋ ਚੁੱਕੀ ਹੈ ਅਤੇ ਲੋਕਾਂ ਨੂੰ ਇਨ੍ਹਾਂ ਤੋਂ ਹਰ ਗੱਲ ਦਾ ਹਿਸਾਬ ਮੰਗਣਾ ਚਾਹੀਦਾ ਹੈ।
Khaira gaves 3,14,000 to needy families
ਉਨ੍ਹਾਂ ਕਿਹਾ ਕਿ ਏਨੀ ਗੰਭੀਰ ਸਮੱਸਿਆ ਨਾਲ ਪੀੜਤ ਪਰਵਾਰ ਦੀ ਪੰਜਾਬ ਸਰਕਾਰ ਦੇ ਕਿਸੇ ਵੀ ਮੰਤਰੀ ਜਾਂ ਵਿਧਾਇਕ ਨੇ ਸਾਰ ਨਹੀਂ ਲਈ ਸਗੋਂ ਪ੍ਰਸ਼ਾਸਨ ਨੇ ਅਬੋਹਰ ਦੇ ਉਪ ਮੰਡਲ ਮੈਜਿਸਟਰੇਟ ਨੂੰ ਭੇਜ ਕੇ ਖ਼ਾਨਾਪੂਰਤੀ ਜ਼ਰੂਰ ਕਰ ਦਿਤੀ ਪਰ ਸਮੱਸਿਆ ਦਾ ਹੱਲ ਨਹੀਂ ਕੀਤਾ। ਇਹ ਬੱਚੇ ਜ਼ਮੀਨ ਹੇਠਲੇ ਯੂਰੇਨੀਅਮ ਵਾਲੇ ਪਾਣੀ ਦੀ ਵਰਤੋਂ ਕਾਰਨ ਇਸ ਹਾਲਤ ਵਿਚ ਪੁੱਜੇ ਹੋਏ ਹਨ।
ਪਿੰਡ ਵਾਸੀ ਵਿਦੇਸ਼ੀ ਬਲਬੀਰ ਇੰਦਰ ਸਿੰਘ ਨੇ ਸਕੂਲ ਵਿਚ ਆਰ.ਓ ਸਿਸਟਮ ਲਾਉਣ ਦਾ ਇਕਰਾਰ ਕੀਤਾ। ਇਸ ਮੌਕੇ ਵਿਧਾਇਕ ਮਾਸਟਰ ਬਲਦੇਵ ਸਿੰਘ ਜੈਤੋ, ਚਰਨਜੀਤ ਕੌਰ ਮੁਕਤਸਰ, ਦੀਪਕ ਬਾਂਸਲ ਬਠਿੰਡਾ, ਅੱਕੀ ਗਿੱਲ, ਹੈਰੀ ਧਾਲੀਵਾਲ, ਇਕਬਾਲ ਸਿੰਘ, ਉਪਕਾਰ ਸਿੰਘ ਜਾਖੜ ਵੀ ਹਾਜ਼ਰ ਸਨ।
