image
ਸ਼ੇਅਰ ਬਾਜ਼ਾਰ : ਸੈਂਸੈਕਸ 442 ਅੰਕ ਚੜਿ੍ਹਆ ਤੇ ਨਿਫ਼ਟੀ 16300 ਦੇ ਪਾਰ ਖੁਲ੍ਹਿਆ
ਮੁੰਬਈ, 27 ਮਈ : ਬਾਜ਼ਾਰ ’ਚ ਤੇਜ਼ੀ ਦੇ ਵਿਚਕਾਰ ਅੱਜ ਭਾਰਤੀ ਸ਼ੇਅਰ ਬਾਜ਼ਾਰ ਵੀ ਵਾਧੇ ਨਾਲ ਖੁਲ੍ਹਿਆ। ਸੈਂਸੈਕਸ 442.07 ਅੰਕ ਭਾਵ 0.81 ਫ਼ੀ ਸਦੀ ਵਧ ਕੇ 54694.60 ’ਤੇ ਅਤੇ ਨਿਫ਼ਟੀ 138.30 ਅੰਕ ਭਾਵ 0.86 ਫ਼ੀ ਸਦੀ ਵਧ ਕੇ 16308.50 ’ਤੇ ਖੁਲ੍ਹਿਆ। ਕਰੀਬ 1409 ਸ਼ੇਅਰਾਂ ਦੀਆਂ ਕੀਮਤਾਂ ਵਿਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ ਤੇ 336 ਸ਼ੇਅਰਾਂ ਦੀਆਂ ਕੀਮਤਾਂ ਵਿਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ ਅਤੇ 66 ਸ਼ੇਅਰਾਂ ਦੀਆਂ ਕੀਮਤਾਂ ਸਥਿਰ ਹਨ। ਇਸ ਤੋਂ ਪਹਿਲਾਂ ਆਖਰੀ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ ਦੇ ਦੋ ਸੂਚਕਾਂਕ ਲਗਾਤਾਰ ਗਿਰਾਵਟ ’ਤੇ ਬ੍ਰੇਕ ਲਗਾ ਕੇ ਵਧੇ ਸਨ। ਭਾਰਤੀ ਰੁਪਿਆ ਅੱਜ ਸ਼ੁੱਕਰਵਾਰ ਨੂੰ 77.57 ਦੇ ਪਿਛਲੇ ਬੰਦ ਦੇ ਮੁਕਾਬਲੇ 77.59 ਪ੍ਰਤੀ ਡਾਲਰ ’ਤੇ ਖੁਲ੍ਹਿਆ। ਅੱਜ ਟਾਪ ਗੇਨਰਜ਼ ਇੰਡਸਇੰਡ ਬੈਂਕ, ਮਹਿੰਦਰਾ ਐਂਡ ਮਹਿੰਦਰਾ, ਬਜਾਜ ਫ਼ਿਨਸਰਵ, ਬਜਾਜ ਫ਼ਾਇਨਾਂਸ, ਟੈੱਕ ਮਹਿੰਦਰਾ, ਏਸ਼ੀਅਨ ਪੇਂਟਸ ਰਹੇ ਤੇ ਟਾਪ ਲੂਜ਼ਰਜ਼ ਸਨ ਫ਼ਾਰਮਾ, ਡਾ. ਰੈੱਡੀ ਰਹੇ। (ਏਜੰਸੀ)
