ਸਹੂਲਤਾਂ ਲਈ ਡਾਕੀਆ ਖੁਦ ਆਵੇਗਾ ਤੁਹਾਡੇ ਘਰ
ਪੰਜਾਬ- ਹਾਲੇ ਵੀ ਭਾਰਤ ਦੇ ਕਈ ਇਲਾਕੇ ਅਜਿਹੇ ਨੇ ਜਿੱਥੇ ਸਰਕਾਰੀ ਜਾਂ ਪ੍ਰਾਈਵੇਟ ਬੈਂਕ ਨਹੀਂ ਹਨ ਅਜਿਹੇ ਇਲਾਕਿਆਂ ’ਚ ਡਾਕ ਖਾਨੇ ਲਗਾਤਾਰ ਲੋਕਾਂ ਲਈ ਨਵੀਂਆਂ ਸਹੂਲਤਾਂ ਦੇ ਰਹੇ ਹਨ। ਇਸੇ ਤਹਿਤ ਡਾਕ ਖਾਨਿਆਂ ’ਚ ਨਵੇਂ ਇੰਡੀਆ ਪੋਸਟ ਪੇਮੈਂਟ ਬੈਂਕ ਦੀ ਸਰਵਿਸ ਸ਼ੁਰੂ ਕੀਤੀ ਗਈ ਹੈ। ਇਸ ਬੈਂਕ ਦੀ ਖਾਸੀਅਤ ਇਹ ਹੈ ਕਿ ਖਾਤਾਧਾਰਕਾਂ ਨੂੰ ਘਰ ਬੈਠੇ ਹੀ ਸਾਰੀਆਂ ਸੁਵਿਧਾਵਾਂ ਮਿਲ ਜਾਣਗੀਆਂ।
A New Bank By Post Office, And the Facilities Available At Home
ਬੈਂਕ ਤਿੰਨ ਤਰ੍ਹਾਂ ਦੇ ਖਾਤੇ ਮੁਹੱਈਆ ਕਰਵਾ ਰਿਹਾ ਹੈ। ਜਿਹਨਾਂ ’ਚ ਰੈਗੂਲਰ ਸੇਵਿੰਗ ਖਾਤਾ, ਬੇਸਿਕ ਸੇਵਿੰਗ ਖਾਤਾ ਅਤੇ ਡਿਜੀਟਲ ਸੇਵਿੰਗ ਖਾਤਾ ਸ਼ਾਮਿਲ ਹੈ। ਇਸ ’ਚ ਤੁਹਾਨੂੰ ਪੈਸੇ ਟਰਾਂਸਫਰ, ਡਾਇਰੈਕਟ ਬੈਨੀਫਿਟ ਟਰਾਂਸਫਰ (ਡੀਬੀਟੀ), ਬਿੱਲ ਅਤੇ ਯੂਟੀਲਿਟੀ ਪੇਮੈਂਟ ਵਰਗੀਆਂ ਸੁਵਿਧਾਵਾਂ ਵੀ ਦਿੱਤੀਆਂ ਜਾ ਰਹੀਆਂ ਹਨ। ਰੈਗੂਲਰ ਬਚਤ ਖਾਤਾ ਜ਼ੀਰੋ ਬੈਲੰਸ ਤੇ ਖੋਲ੍ਹਿਆ ਜਾ ਸਕਦਾ ਹੈ।
ਇਸ ਨੂੰ ਖੋਲ੍ਹਣ ਲਈ ਘੱਟੋ ਘੱਟ 20 ਰੁਪਏ ਦੀ ਲੋੜ ਹੁੰਦੀ ਹੈ। ਖਾਤਾ ਨੰਬਰ ਨੂੰ ਯਾਦ ਕਰਨ ਦੀ ਥਾਂ ਕਿਯੂ.ਆਰ. ਕਾਰਡ ਗਾਹਕਾਂ ਨੂੰ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਸ ਕਾਰਡ ਨਾਲ ਤੁਹਾਨੂੰ ਪਿਨ ਕੋਡ ਯਾਦ ਰੱਖਣ ਦੀ ਵੀ ਜ਼ਰੂਰਤ ਨਹੀਂ ਪੈਂਦੀ। ਹੋਰ ਬੈਕਿੰਗ ਸੇਵਾ ਲਈ ਡਾਕੀਆ ਖੁਦ ਤੁਹਾਡੇ ਘਰ ਆਵੇਗਾ। ਇਸ ਲਈ ਤੁਹਾਨੂੰ ਕੋਈ ਵਾਧੂ ਖਰਚ ਨਹੀਂ ਪਵੇਗਾ।
