Jalandhar News : ਬਿਜਲੀ ਦੇ ਖੰਭੇ ’ਚ ਵੱਜਣ ਨਾਲ ਹੋਇਆ ਸ਼ਾਰਟ ਸਰਕਟ
Jalandhar News : ਲੋਹੀਆਂ ਖ਼ਾਸ- ਲੋਹੀਆਂ ਖ਼ਾਸ ਵਿਖੇ ਐਤਵਾਰ ਸਵੇਰੇ ਤੇਲ ਟੈਂਕਰ ਦਾ ਟਾਇਰ ਫਟਣ ਕਰਕੇ ਭਿਆਨਕ ਹਾਦਸਾ ਵਾਪਰ ਗਿਆ। ਜਾਣਕਾਰੀ ਅਨੁਸਾਰ ਸਥਾਨਕ ਗਿੱਦੜ ਪਿੰਡੀ ਟੋਲ ਪਲਾਜ਼ੇ ਨੇੜੇ ਪਿੰਡ ਲਾਲੂ ਵਾਲਾ ਕੋਲ ਡੀਜ਼ਲ ਅਤੇ ਪੈਟਰੋਲ ਤੇਲ ਟੈਂਕਰ ਅੱਜ ਬਠਿੰਡੇ ਤੋਂ ਕਪੂਰਥਲੇ ਜਾ ਰਿਹਾ ਸੀ, ਉਕਤ ਪਿੰਡ ਨੇੜੇ ਪਹੁੰਚਣ 'ਤੇ ਤੇਲ ਟੈਂਕਰ ਦਾ ਮੋਹਰਲਾ ਟਾਇਰ ਫਟ ਗਿਆ। ਸੱਜੇ ਹੱਥ ਡੂੰਘੇ ਟੋਏ ਵਿਚੋਂ ਡਿੱਗਣ ਤੋਂ ਬਚਾਉਣ ਲਈ ਡਰਾਈਵਰ ਵੱਲੋਂ ਭਰਪੂਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਵੀ ਬਿਜਲੀ ਦੇ ਖੰਭੇ ਨਾਲ ਟੈਂਕਰ ਜਾ ਟਕਰਾਇਆ ਅਤੇ ਬਿਜਲੀ ਦੀਆਂ ਤਾਰਾਂ ਦਾ ਸ਼ਾਰਟ ਸਰਕਟ ਹੋਣ ਨਾਲ ਟੈਂਕਰ ਨੂੰ ਅੱਗ ਲੱਗ ਗਈ।
ਇਹ ਵੀ ਪੜੋ:Haryana News : ਚੱਲਦੀ ਕਾਰ 'ਚ ਲੱਗੀ ਅੱਗ ’ਚ ਝੁਲਸੇ ਡਰਾਈਵਰ ਨੇ ਸੀਵਰ 'ਚ ਛਾਲ ਮਾਰ ਬਚਾਈ ਜਾਨ
ਟੈਂਕਰ ’ਚ ਸਵਾਰ ਜਸਕਰਨ ਸਿੰਘ ਡਰਾਈਵਰ ਅਤੇ ਸੁਰਜੀਤ ਸਿੰਘ ਟੈਂਕਰ ਦਾ ਸ਼ੀਸ਼ਾ ਤੋੜ ਕੇ ਬਾਹਰ ਨਿਕਲੇ। ਜੀਰਾ ਅਤੇ ਸ਼ਾਹਕੋਟ ਤੋਂ ਫਾਇਰ ਬ੍ਰਿਗੇਡ ਲਾਲੂ ਵਾਲਾ ਪਿੰਡ ਪਹੁੰਚਣ ਤੋਂ ਪਹਿਲਾਂ ਲਾਲੂ ਵਾਲਾ ਪਿੰਡ ਦੇ ਲੋਕਾਂ ਨੇ ਕਾਫ਼ੀ ਜਦੋ-ਜਹਿਦ ਕਰਕੇ ਅੱਗ ਨੂੰ ਕਾਬੂ ਕਰਨਾ ਚਾਹਿਆ ਪਰ ਅੱਗ ਬੇਕਾਬੂ ਹੋਣ ਕਾਰਨ ਟੈਂਕਰ ਦਾ ਕਾਫ਼ੀ ਨੁਕਸਾਨ ਹੋ ਗਿਆ।
(For more news apart from Oil tanker caught fire due tire burst Oil tanker caught fire due tire burst in Lohian Khas News in Punjabi, stay tuned to Rozana Spokesman)
