image
ਕਿਸਾਨ ਘੋਲ ਦੌਰਾਨ ਸੜਕ ਹਾਦਸੇ 'ਚ ਕਿਸਾਨ ਦੀ ਮੌਤ
ਮਹਿਲਕਲਾਂ, 25 ਨਵੰਬਰ (ਜਗਦੇਵ ਸਿੰਘ ਸੇਖੋਂ) : ਸਥਾਨਕ ਕਸਬੇ ਟੋਲ ਪਲਾਜ਼ੇ 'ਤੇ ਲੁਧਿਆਣਾ ਬਰਨਾਲਾ ਮੁੱਖ ਮਾਰਗ ਉਪਰ ਇਕ ਕਿਸਾਨ ਦੇ ਸੜਕ ਲੰਘਣ ਸਮੇਂ ਗੱਡੀ ਦੀ ਲਪੇਟ ਵਿਚ ਆਉਣ ਕਾਰਨ ਮੌਤ ਹੋ ਗਈ। ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਦੇ ਬਲਾਕ ਪ੍ਰਧਾਨ ਜਗਰਾਜ ਸਿੰਘ ਹਰਦਾਸਪੁਰਾ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਸਬਾ ਮਹਿਲਕਲਾਂ ਦੇ ਟੌਲ ਪਲਾਜ਼ੇ ਉਪਰ ਕਿਸਾਨ ਜਥੇਬੰਦੀਆਂ ਦੇ ਸਾਂਝੇ ਸੱਦੇ ਉੱਪਰ ਲੱਗੇ ਪੱਕੇ ਮੋਰਚੇ ਪਿੰਡ ਧਨੇਰ ਤੋਂ ਜਥੇਬੰਦੀ ਦਾ ਸਰਗਰਮ ਵਰਕਰ ਕਾਹਨ ਸਿੰਘ ਲਗਾਤਾਰ ਸ਼ਮੂਲੀਅਤ ਕਰਦਾ ਆ ਰਿਹਾ ਸੀ ਅੱਜ ਜਦੋਂ ਉਹ ਮੌਸਮ ਨੂੰ ਦੇਖਦਿਆਂ ਹੋਇਆਂ ਪੱਕੇ ਮੋਰਚੇ ਲਈ ਨੇੜਲੇ ਗੋਦਾਮ ਵਿਚੋਂ ਤਰਪਾਲ ਚੁੱਕਣ ਗਿਆ ਤਾਂ ਜਦੋਂ ਵਾਪਸ ਹੋ ਕੇ ਗੁਦਾਮ ਤੋਂ ਲੁਧਿਆਣਾ ਬਰਨਾਲਾ ਮੁੱਖ ਮਾਰਗ ਕਰਾਸ ਕਰਨ ਲੱਗਾ ਤਾਂ ਇਕ ਗੱਡੀ ਦੀ ਲਪੇਟ ਵਿਚ ਆਉਣ ਕਾਰਨ ਉਹ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਿਆ। ਇਲਾਜ ਲਈ ਮਹਿਲ ਕਲਾਂ ਲਿਆਂਦਾ ਗਿਆ ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਕਰਾਰ ਦਿਤਾ।
