ਜੋ ਪੰਜਾਬ ਵਿਚ ਭਾਜਪਾ ਦੇ ਲੀਡਰ ਹਨ ਉਹ ਪੰਜਾਬ ਦਾ ਹੀ ਖਾ-ਪੀ ਕੇ ਤੇ ਪੰਜਾਬ ਦਾ ਹੀ ਦਿੱਤਾ ਪਹਿਣ ਕੇ ਪੰਜਾਬ ਨਾਲ ਹੀ ਗੱਦਾਰੀ ਕਰ ਰਹੇ ਹਨ।
ਚੰਡੀਗੜ੍ਹ - ਬੀਐੱਸਐੱਫ ਦਾ 50 ਕਿਲੋਮੀਟਰ ਦਾ ਘੇਰਾ ਵਧਾਏ ਜਾਣ ਦੇ ਮੁੱਦੇ ਨੂੰ ਲੈ ਕੇ ਅੱਜ ਚਰਨਜੀਤ ਚੰਨੀ ਦੀ ਅਗਵਾਈ ਵਿਚ ਸਰਬ ਪਾਰਟੀ ਮੀਟਿੰਗ ਹੋ ਰਹੀ ਹੈ। ਇਸ ਦੌਰਾਨ ਮੀਟਿੰਗ ਲਈ ਪਹੁੰਚੇ ਲੋਕ ਇਨਸਾਫ਼ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਬੈਂਸ ਦਾ ਕਹਿਣਾ ਹੈ ਕਿ ਕੇਂਦਰ ਸਰਕਾਰ ਦੀਆਂ 4 ਏਜੰਸੀਆਂ ਪਹਿਲਾਂ ਹੀ ਪੰਜਾਬ ਵਿਚ ਕੰਮ ਕਰ ਰਹੀਆਂ ਹਨ ਅਤੇ ਸਟੇਟ ਨੇ ਕਦੇ ਵੀ ਰਾਸ਼ਟਰ ਹਿੱਤ ਵਿਚ ਕੋਈ ਦਖਲਅੰਦਾਜ਼ੀ ਨਹੀਂ ਕੀਤੀ
Simarjit Singh Bains
ਕਦੇ ਉਹਨਾਂ ਦੇ ਕੰਮ ਦੀ ਨੁਕਤਾਚੀਨੀ ਨਹੀਂ ਕੀਤੀ ਸੋ ਜੋ ਕੇਂਦਰ ਨੇ ਇਹ ਦਾਇਰਾ ਵਧਾਉਣ ਦਾ ਫੈਸਲਾ ਲਿਆ ਹੈ ਜੋ ਉਹਨਾਂ ਦੀ ਆਦਤ ਪੈ ਗਈ ਹੈ ਰਾਜਾਂ ਦੀਆਂ ਸ਼ਕਤੀਆਂ 'ਤੇ ਡਾਕੇ ਮਾਰਨ ਦੀ ਪਰ ਅਸੀਂ ਉਸ ਦੀ ਨਿੰਦਾ ਤੇ ਸਖ਼ਤ ਵਿਰੋਧ ਕਰਦੇ ਹਾਂ। ਉਹਨਾਂ ਕਿਹਾ ਕਿ ਉਹ ਮੁੱਖ ਮੰਤਰੀ ਚੰਨੀ ਨੂੰ ਹੰਗਾਮੀ ਸੈਸ਼ਨ ਸੱਦਣ ਦੀ ਵੀ ਅਪੀਲ ਕਰਨਗੇ ਕਿਉਂਕਿ ਇਸ ਸਟੇਟ ਵਿਚੋਂ ਹਮੇਸ਼ਾ ਕੇਂਦਰ ਦੇ ਨਾਦਰਸ਼ਾਹ ਫਰਮਾਨ ਖਿਲਾਫ਼ ਅਵਾਜ਼ ਜ਼ਰੂਰ ਉੱਠੀ ਹੈ ਤੇ ਮੈਂ ਅਪੀਲ ਕਰਦਾ ਹਾਂ ਜੋ ਸਰਕਾਰ ਇਹ ਕਾਲਾ ਕਾਨੂੰਨ ਲੈ ਕੇ ਆਈ ਹੈ ਉਸ ਨੂੰ ਤੁਰੰਤ ਹੰਗਾਮੀ ਸੈਸ਼ਨ ਸੱਦ ਕੇ ਰੱਦ ਕਰਵਾਇਆ ਜਾਵੇ। ਉਹਨਾਂ ਨੇ ਕਿਹਾ ਕਿ ਜੋ ਪੰਜਾਬ ਵਿਚ ਭਾਜਪਾ ਦੇ ਲੀਡਰ ਹਨ ਉਹ ਪੰਜਾਬ ਦਾ ਹੀ ਖਾ-ਪੀ ਕੇ ਤੇ ਪੰਜਾਬ ਦਾ ਹੀ ਦਿੱਤਾ ਪਹਿਣ ਕੇ ਪੰਜਾਬ ਨਾਲ ਹੀ ਗੱਦਾਰੀ ਕਰ ਰਹੇ ਹਨ।
