ਟੋਕੀਉ ਉਲੰਪਿਕ: ਮੀਰਾ ਬਾਈ ਚਾਨੂ ਨੇ ਭਾਰਤ ਨੂੰ ਦਿਵਾਇਆ ਪਹਿਲਾ ਤਮਗ਼ਾ
ਨਵੀਂ ਦਿੱਲੀ, 24 ਜੁਲਾਈ : ਭਾਰਤੀ ਵੇਟਲਿਫ਼ਟਰ ਮੀਰਾ ਬਾਈ ਚਾਨੂ ਨੇ ਟੋਕੀਉ ਉਲੰਪਿਕ ਵਿਚ ਭਾਰਤ ਨੂੰ ਅਪਣਾ ਪਹਿਲਾ ਤਮਗ਼ਾ ਦਿਵਾਇਆ ਹੈ | ਉਸ ਨੇ ਅੱਜ ਵੇਟਲਿਫ਼ਟਿੰਗ ਵਿਚ ਚਾਂਦੀ ਦਾ ਤਮਗ਼ਾ ਜਿੱਤਿਆ | ਮਹਿਲਾ ਵੇਟਲਿਫ਼ਟਰ ਮੀਰਾਬਾਈ ਚਾਨੂ ਨੇ 49 ਕਿਲੋ ਭਾਰ ਵਰਗ ਵਿਚ ਤਮਗ਼ਾ ਜਿੱਤਿਆ | ਭਾਰਤੀ ਵੇਟਲਿਫ਼ਟਿੰਗ ਦੇ ਇਤਿਹਾਸ 'ਚ ਉਲੰਪਿਕ ਵਿਚ ਇਹ ਭਾਰਤ ਦਾ ਦੂਜਾ ਤਮਗ਼ਾ ਹੈ | ਇਸ ਤੋਂ ਪਹਿਲਾਂ ਭਾਰਤ ਨੇ ਸਿਡਨੀ ਉਲੰਪਿਕ (2000) ਵਿਚ ਵੇਟਲਿਫ਼ਟਿੰਗ ਵਿਚ ਤਮਗ਼ਾ ਜਿੱਤਿਆ ਸੀ | ਇਹ ਮੈਡਲ ਕਰਨਮ ਮਲੇਸ਼ਵਰੀ ਨੇ ਜਿੱਤਿਆ ਸੀ | ਮੀਰਾਬਾਈ ਚਾਨੂ ਉਲੰਪਿਕ ਵਿਚ ਚਾਂਦੀ ਦਾ ਤਮਗ਼ਾ ਜਿੱਤਣ ਵਾਲੀ ਪਹਿਲੀ ਭਾਰਤੀ ਵੇਟਲਿਫ਼ਟਰ ਹੈ | ਮੀਰਾਬਾਈ ਨੇ ਸਨੈਚ ਵਿਚ 87 ਕਿਲੋ ਅਤੇ ਕਲੀਨ ਐਂਡ ਜਰਕ ਵਿਚ 115 ਕਿਲੋ ਭਾਰ ਚੁਕਿਆ | ਇਸ ਤਰ੍ਹਾਂ ਮੀਰਾਬਾਈ ਨੇ ਕੁਲ 202 ਕਿਲੋ ਭਾਰ ਚੁੱਕ ਕੇ ਚਾਂਦੀ ਦਾ ਤਮਗ਼ਾ ਜਿੱਤਿਆ | ਉਸੇ ਸਮੇਂ ਚੀਨੀ ਵੇਟਲਿਫ਼ਟਰ ਹਉ ਝੀਹੁ ਨੇ 210 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨੇ 'ਤੇ ਕਬਜ਼ਾ ਕੀਤਾ |
ਮੀਰਾਬਾਈ ਨੇ ਅਪਣੀ ਪਹਿਲੀ ਕੋਸ਼ਿਸ਼ ਵਿਚ 84 ਕਿਲੋ ਅਤੇ ਦੂਜੀ ਵਿਚ 87 ਕਿਲੋਗ੍ਰਾਮ ਭਾਰ ਚੁਕਿਆ | ਹਾਲਾਂਕਿ ਤੀਜੀ ਕੋਸ਼ਿਸ਼ ਵਿਚ ਉਹ 89 ਕਿਲੋ ਭਾਰ ਚੁੱਕਣ ਵਿਚ ਅਸਫ਼ਲ ਰਹੀ | ਉਹ ਸਨੈਚ ਰਾਊਾਡ 'ਚ ਦੂਜੇ ਸਥਾਨ 'ਤੇ ਰਹੀ | ਇਸ ਤੋਂ ਬਾਅਦ ਮੀਰਾਬਾਈ ਚਾਨੂ ਨੇ ਅਪਣੀ ਦੂਜੀ ਕੋਸ਼ਿਸ਼ ਵਿਚ ਸਾਫ਼ ਅਤੇ ਝਟਕੇ ਵਿਚ 115 ਕਿਲੋ ਭਾਰ ਚੁੱਕ ਕੇ ਇਕ ਨਵਾਂ ਓਲੰਪਿਕ ਰਿਕਾਰਡ ਬਣਾਇਆ ਪਰ ਚੀਨ ਦੀ ਹੂ ਝੀਹੁਈ ਨੇ ਅਪਣੀ ਅਗਲੀ ਕੋਸ਼ਿਸ਼ ਵਿਚ 116 ਕਿਲੋ ਭਾਰ ਚੁੱਕ ਕੇ ਰਿਕਾਰਡ ਨੂੰ ਉੱਚਾ ਕੀਤਾ | ਚਾਨੂ ਨੇ ਫਿਰ ਚੀਨੀ ਵੇਟਲਿਫ਼ਟਰ ਨੂੰ ਹਰਾਉਣ ਲਈ 117 ਕਿਲੋ ਚੁੱਕਣ ਭਾਰ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਇਸ ਵਿਚ ਅਸਫ਼ਲ ਰਹੀ | (ਏਜੰਸੀ)
