''ਮਾਂ ਦੇ ਸਿਖਾਏ ਅਨੁਸਾਰ ਮੰਗ ਕੇ ਖਾਣਾ ਨਹੀਂ ਹੈ ਪਸੰਦ''
ਲੁਧਿਆਣਾ ( ਰਾਜ ਸਿੰਘ ) ਲੁਧਿਆਣਾ ਦੀ ਰਹਿਣ ਵਾਲੀ ਸਪਨਾ ਉਨ੍ਹਾਂ ਲੋਕਾਂ ਲਈ ਮਿਸਾਲ ਬਣ ਗਈ ਜੋ ਲੋਕ ਹੱਥ ਪੈਰ ਹੁੰਦੇ ਹੋਏ ਵੀ ਮੰਗ ਕੇ ਖਾਂਦੇ ਹਨ ਜਾਂ ਫਿਰ ਇਹ ਕਹਿ ਕੇ ਕਿਸਮਤ ਨੂੰ ਦੋਸ਼ ਦਿੰਦੇ ਹਨ ਕਿ ਉਹ ਗਰੀਬ ਘਰ ਵਿਚ ਪੈਦਾ ਹੋਏ ਹਨ। ਸਪਨਾ ਗੰਨੇ ਦਾ ਰਸ ਵੇਚ ਕੇ ਘਰ ਚਲਾਉਂਦੀ ਹੈ।
Sapna
ਉਸਦੇ ਦੱਸਣ ਅਨੁਸਾਰ ਉਸ ਦਾ ਪਿਤਾ ਬਹੁਤ ਜ਼ਿਆਦਾ ਸ਼ਰਾਬ ਪੀਂਦਾ ਸੀ ਅਤੇ ਛੋਟੀ ਉਮਰ ਵਿੱਚ ਹੀ ਉਨ੍ਹਾਂ ਨੂੰ ਛੱਡ ਕੇ ਚਲਾ ਗਿਆ ਸੀ ਤੇ ਉਸਦਾ ਵੱਡਾ ਭਰਾ ਜੋ ਕਿ ਵਿਆਹ ਹੋਣ ਤੋਂ ਬਾਅਦ ਅਲੱਗ ਹੋ ਗਿਆ ਅਤੇ ਆਪਣੇ ਪਰਿਵਾਰ ਨੂੰ ਪਾਲਦਾ ਹੈ। ਸਪਨਾ ਨੇ ਦੱਸਿਆ ਕਿ ਛੋਟਾ ਭਰਾ ਉਹਨਾਂ ਦੇ ਨਾਲ ਹੈ ਪਰ ਉਸਦੇ ਹੱਥ ਤੇ ਸੱਟ ਲੱਗ ਜਾਣ ਕਾਰਨ ਟਾਂਕੇ ਲੱਗੇ ਹੋਏ ਅਤੇ ਉਹ ਅਜੇ ਕੰਮ ਨਹੀਂ ਕਰ ਸਕਦਾ ।
Sapna
ਜਿਸ ਕਾਰਨ ਮਜਬੂਰੀ ਵਿਚ ਸਪਨਾ ਨੂੰ ਗੰਨੇ ਦੀ ਰੇਹੜੀ ਲਾ ਕੇ ਰਸ ਵੇਚਨਾ ਪੈ ਰਿਹਾ ਹੈ ਪਰ ਉਹ ਕਿਸਮਤ ਅੱਗੇ ਨਹੀਂ ਹਾਰੀ ਅਤੇ ਉਸਦਾ ਕਹਿਣਾ ਹੈ ਕਿ ਉਸਦੀ ਮਾਂ ਨੇ ਸਿਖਾਇਆ ਹੈ ਕਿ ਮੰਗ ਕੇ ਨਹੀਂ ਖਾਣਾ ਸਗੋਂ ਮਿਹਨਤ ਕਰਕੇ ਖਾਣਾ ਹੈ।
Sapna
ਸਪਨਾ ਨੇ ਦੱਸਿਆ ਕਿ ਅਚਾਨਕ ਉਸ ਦੇ ਭਰਾ ਦੇ ਹੱਥ ਉਪਰ ਸੱਟ ਲੱਗਣ ਕਾਰਨ ਟਾਂਕੇ ਲੱਗੇ ਜਿਸ ਕਾਰਨ ਮਜਬੂਰੀ ਵਿਚ ਉਸ ਨੂੰ ਗੰਨੇ ਦਾ ਰਸ ਵੇਚਨਾ ਪੈ ਰਿਹਾ ਹੈ ਪਰ ਉਹ ਹੋਰਾਂ ਵਾਂਗ ਕਿਸਮਤ ਨੂੰ ਨਹੀਂ ਕੋਸ ਰਹੀ ਅਤੇ ਕਹਿੰਦੀ ਹੈ ਕਿ ਪਰਮਾਤਮਾ ਨੇ ਜੋ ਉਸ ਨੂੰ ਦਿੱਤਾ ਹੈ ਉਹ ਉਸ ਵਿੱਚ ਖੁਸ਼ ਹੈ ।
Sapna
ਸਪਨਾ ਨੇ ਕਿਹਾ ਕਿ ਉਸ ਦੀ ਮਾਂ ਦੇ ਸਿਖਾਏ ਅਨੁਸਾਰ ਉਸ ਨੂੰ ਮੰਗ ਕੇ ਖਾਣਾ ਪਸੰਦ ਨਹੀਂ ਹੈ ਅਤੇ ਹੋਰਾਂ ਲੋਕਾਂ ਨੂੰ ਵੀ ਮਿਹਨਤ ਕਰਨ ਲਈ ਕਹਿੰਦੀ ਹੈ
